ჰეროინი [ ტომი I ]

168 თავი

საშუალო სკოლა* ელოდათ ბიჭებს (*High school). მთელს სკოლაში კლასების ფორმირება მიმდიარეობდა: ვიღაც სხვა სკოლაში გადადის, ვიღაცას დამატებითი გამოცდების ჩაბარება უწევს, ინი კი ფიზიკისა და ბიოლოგიის ნაციონალურ ოლიმპიადაში მონაწილეობს.

გუ ჰაი აქეთ-იქით დადის და ცდილობს ინს არაფერი დარჩეს ოლიმპიადაზე წასვლისთვის, ის კი ხელში წიგნით ლოგინზე წამოწოლილა, თუმცა კითხვის მაგივრად გუ ჰაის თეთ, მოტკეცილ მაისურში გამოკვეთილ პრესს უყურებს და ოდნავ ფარულად იღიმის.

- „ნივთები ჩალაგებულია, მიდი კიდევ ერთხელ შეამოწმე ზურგჩანთა მაინც." - თქვა და გაუწოდა ინს ზურგჩანთა.

- „ოო, არაა საჭირო" - თქვა ინმა და წიგნი, რომელსაც კითხულობდა ზურგჩანთაზე დადო.

- „შეამოწმე კიდევ ერთხელ!" - დაიჟინა გუ ჰაიმ.

- „რაა მანდ შესამოწმებელი?" - მოუთმენლად ამბობს ინი, - „რაც მჭირდება კონკურსში მონაწილეობისთვის მანდაა - პირადობის დამადასტურებელი დოკუმენტი და კალამი."

მიუხედავად ინის პასუხისა, გუ ჰაი მაინც დაჭინებით მოითხოვს ზურგჩანთის შემოწმებას. იმდენი ქნა, რომ ინს მოთმინების ფიალა აევსო, აიღო, გადმოატრიალა და ყველაფერი, რაც ჩანთაში იყო, ლოგინზე გადმოყარა.

- „აჰა, ყველაფერია?" - თქვა ინმა.

გუ ჰაიმ კარგად შეათვალიერა ნივთები და თავი დაუქნია - „კი! დღეს ადრე დაწექი დასაძინებლად, ხვალ მე გაგაღვიძებ." - თქვა გუ ჰაიმ და ტელეფნმა დაურეკა, მანამ სანამ ინი პასუხის გაცემას მოასწრებდა.

- „სალამი" - უპასუხა ზარს და ოთახიდან გავიდა გუ ჰაი.

ინმა წიგნი ისევ გვერდით გადადო და გაიტრუნა, ცდილობდა გაეგო თუ ვინ ურეკავდა გუ ჰაის. ჩვეულებრივ ის ყოველთვის მისი თანდასწრებით საუბრობდა ტელეფონზე, ახლა კი საეჭვოდ სხვა ოთახში განმარტოვდა.