كان يا مكان يا سعد يا إكرام ولا يحلى الكلام إلا بذكر النبي عليه الصلاة و السلام ♡
كان يا مكان كان في راجل غلبان ماشي و ماسك في أيده فرقلة ( العصاية اللي بهشو بيها الغنم ) وقعد يهش بيها و يقول قادر ربنا يكون الدنيا في قشرة بندقة
فعدا واحد و قاله : بقى انت هتخلي ربنا يكون الدنيا في قشرة بندقة ... وقام واخده ضربه عالقة
فالراجل اللي ضرب الراجل الغلبان دخل الجامع عشان يصلي ففي هناك بير كبير مسمينه المغطس بتنزل تتوضا فيه و تطلع ...
راح صاحبنا قلع هدومه و علقها ونزل المغطس عشان يتوضا
بص...
لقا نفسه واحدة ست و واقفة قدام بحر كبيييير لا له لا أول و لا آخر
فمعديت واحد صياد قالها :
ايه يا ست انتي انتي واقفة كده ليه ؟!
قالتله : اصل انا كنت بغسل هدومي و الهدوم وقعت مني ....
قالها : طيب بس بس .. انا هقف بعيد اقلع الجلبية و احفدفهالك لعل متلبسيها هخدك و امشي
♧راح الصياد وقف بعيد وقلع هدومه و ادهلها .. لبستها خدها و مشي ... راح بيها على مراته ♧
وقال لمراته : يا فلانة خلي دي عندك ..... مسم حاضر 😒
♧ قعدت عند مرات الصياد سنة .. بعدها مرات الصياد ماتت ... فالناس قال له اتجوز اللي عندك الست اللي عندك .... اتجوزهها ... حبلت ... اول ما جابت ، جابت ولد ...تاني ما جابت جابت ولد ... آخر ما جابت جابت بت ♧
♤ في يوم اخدت هدومها عشان تغسلها في البحر بصت فالبحر كده وقالت : الله ما اخدلي غطس .. خدتلها غطس
بصيت ..!
لقيت نفسها واحد راجل وطالع من المغطس بيبص لقا هدومه لسه متعلقه لبسها وبيطلع لقا لسه اذان الجمعة لسه بيدن دخل صلى و كل حاجة و طلع لقى الراجل الغلبان بتاع الفرقلة قاعد و بيقول : قادر ربنا يكون الدنيا في قشرة بندقة ... قام قاله : صادق والله العظيم صادق ... راح الراجل الغلبان قاله :
●انت صدقت وأمنت إلا لما جبتلك ولدين و بنت●
