Lover in the Dark (COMPLETED)

Chapter 25

Dedicated to JanineSunga9

Towerville Condominium

Naglalakad na siya pabalik sa condo galing sa pagja-jogging dahil nararamdaman na niya ang masakit na sikat nang araw na tumatama sa naka-expose na balat niya.

Nang tingnan niya ang oras sa relong pambisig ay mag-aalas siyete na pala nang umaga. Nakadalawang oras din pala siya ng takbo sa parke.

Nagising siya nang maaga kanina kaya napagpasyahang mag-jogging muna sa parke malapit sa condong tinitirhan nila.

Nong una ay sinamahan siya nang tiyahin at anak niyang  maglakad-lakad pero sumuko din ang mga ito dahil ayaw gumising nang maaga. Ayaw sana nang tiyahin na mag-isa lang siyang magwalking or jogging pero napilit din niya ito na sinang-ayonan naman nang mommy niya para din daw bumalik na sa kondisyon ang katawan niya.

Nang makarating sa lobby ay agad siyang binati nang bagong guard na nakilala na din niya at deretcho nang naglakad papuntang elevator habang pinupunasan ang pawis sa kanyang nuo nang sa pagliko niya sa pasilyo ay mabunggo siya sa isang matigas na bagay.

Hindi iyon pader dahil mainit-init ang nabunggo niya at napakabango nito. At pamilyar sa kanya ang bangong iyon.

Nang mag-angat siya nang tingin ay hindi siya nakagalaw sa pagkagulat nang makita at makilala kung sino ang nabangga  niya. Kaya pala matigas dahil bumangga siya sa katawan nitong mamasel. Nakasuot ito nang blue shirt na hapit sa katawan at pinaresan nang khaki shorts. Napakagwapo talaga.

Ngumiti pa ito nang makalaglag panty sa kanya at parang wala lang ang pagkakabangga niya dito.

Akmang yayakap ito sa kanya kaya mabilis niyang iniwasan ito at nagtuloy-tuloy na sa elevator dahil naalala niya ang pambabalewala nito sa kanya matapos nang mga nangyari sa kanila.

"B-baby wait!" narinig niyang sabi nito at humabol sa kanya. Hindi niya nilingon ito at patuloy lang sa paglalakad.

Nang makapasok sa elevator ay pumasok na din ito.
"Baby what's wrong?" tanong nito sa kanya. Hindi parin siya nagsalita at pilit iniignora ang presensya nito kahit tinatambol na sa kaba ang dibdib niya.

Malapit na niyang tadyakan ito? Nagtatanong talaga?! Matapos nang isang linggong mahigit na hindi pagpaparamdam nito matapos siyang ihatid nito sa condo niya pagkagaling nila sa hotel.

May gana pa talaga itong nakangisi sa harap niya. Tssss! Ba't ba ako nagrereklamo? Eh ano namn kung hindi siya nagpakita saakin. Di ko naman siya boyfriend! Sinabi nga niya mahal niya ako pero di naman niya klinaro kung mag-ano talaga kami?!