اليوم هو اول يوم لي في الجامعه دخلتها ....
لكيت ناس هوايه بيها وصلت ل باب العماده ودخلت كملت اجرائتي وطلعت انصدمت بشاب ما ركزت بوجهه لكن اعتذرت منه وطلعت..
اوووو نسيت اعرفكم بنفسي
اسمي علا عمري 17 سنة
اني عندي اخ واحد مسافر يعني اني وحيده اهلي شكلي سمرا عيوني عسلي هههه ما اكللكم رشيقه لان اني دبدوبه...
بابا حبيبي دكتور وماما صيدلانيه
واني دخلت هندسه
اني من نوع كلش احب الصداقات
المهم طلعت من العماده ورحت للقسم مالتي اتعرفت ع كروب مكون من ايه وندى وسهى وعمر وعلي وكريم واقرب شي الي علي طبعا اني احس علي معجبب ايه وكريم معجب ب سهى وعمر معجب ب ندى وبعد مرور شهر من المرحله الثانية
دخللنا استاذ مبين عليه من عمره تلاثين سنه شكله اسمر عيونه سود عنده عظلات ...سلم علينا حسيت روحي اعرفه وشايفته وكال اني استاذكم بماده الرياضيات لان استاذكم راح بعثه لامريكا وكانت نظراته الي كانه يعرفني وخاصتا من راد يتعرف ب اسمائنا ... لكن من كال اسمه هنا اتمنيت اصلا هذا مدخلت لهذا المجال.. معقوله حسين بعد هاي الفترة كلها ماصدك عرفت ليش معرفته متغيير هوايه وصاير عنده لحيه
حاولت ابين نفسي ما اعرفه ولا شايفته كملت المحاظرة وردت اطلع سمعت صوت يصيحني نضرت لكيته يباوعلي مكدرت افسر شنو هالنظرات علا..نعم استاذ
حسين..تعالي انسه علا اريدج بشغله
علا...اوكي استاذ
انتظر الطلاب كلها تطلع واني بديت اتافاف
حسين :شبيج
علا:مبيه بس اريد اروح استاذ لان الكروب ينتظروني
بهاي الاثنا اجه علي
علي :يلا كبدبد تعالي ناكل كلنا كاعدين ننتظرج
علا :اوكي كبد بد هسه
حسين: اخذي راحتج
علا:مع السلامة استاذ
طلعت من يمه ويه علي كتلهم اخذوا راحتكم ماريد اكل شي هسه ورحت كعدت وحدي وبديت اتذكر شصار وياي
كنت بالرابع اعدادي وكنت امشي واجوي ولد واتحارشوا بيه وبهاي الاثناء اجتي صديقتي سما ووياها اخوها واخوها رزلهم واتعارك وياهم صراحه اني كلش انعجبت بيه نسيت المتحارشين وضليت اركز بملامحه
طبعا مو بس حات الا يجنن
اني شكرته ووصلوني للبيت وراحوا اني اتصلت ع صديقتي نور هي اقرب من روحي وحجيتلها عن الصار بس مكتلها اسم اخته لان نسيته
ثاني يوم اجتي سما عليه وكالت اخويه يكول اني اوصلها وياج بعد لان الطريق مو زين واحنا كاعدين نفس الفرع بيني وبين نفسي كلش فرحت بس مبينت الها (اي عيني قابل تكول عليه ملطله) كتلها ماريد اتعبكم المهم قنعتني ورحت وكمت اروح وارجع وياهم وكلت لبابا وبابا كلي عادي لان الولد خوش ولد اتحول اعجابي بحسين الي حب عشق غرام
كمت اغار عليه حتى من اخته بس مكنت ابين بيوم سما خابرتني وكالت هي راح تغيب لان حسين مريض اني هنا ماعرف شصار بيه ردت اموت من القلق بدلت وردت اروح للمدرسه بس محسيت ع روحي الا اني باب بيت اهل سما طلعتلي سما وسلمت عليه ودخلت سلمت ع حسين حسيت الفرح بعيونه بشوفتي سلمت عليه ورجعت للبيت لان احس الدوام ماليه معنى. كنت اسولف تفاصيل يومي لنور بفرح وهي كانت فرحانه الي
وكانت تتمنى تشوف حسين بس دائما الخط يطلع قبل لا يجي
مرت الايام وقبل امتحانات نصف السنه كانت سما عدها دروس تقويه لان كانت ضعيفه بالرياضيات رجعني حسين وكلي اني ما اكلت شي بالجامعه تعالي ناكل من هذا المطعم لان كلش جوعان كتله اوكي
كعد كبالي ياكل واني صفنت اباوع بعيونه الا ان كلي عيونج تحجي عشق وغرام وعيوني تحجي حب واشتياق معرفت شنو اجاوبه خجلت منه كلي احبج ضليت ساكته كلي ادري تحبيني بس راح اعوفج ع راحتج اني ضليت ساكته ومعرفت شنو احجي
رجعنا للبيت كلي باي يا عمري انتي وراح... نزلت راسي وسكتت ورحت ع سريع للبيت اتصلت بنور وحجيتلها الصار كله فرحتلي وضليت كاعده اخاف انام ويطلع كلشي حلم
ثاني يوم كتله احبك وبدينا ب علاقه ولا اروع منها واخيرا شافت نور حسين وكالتلي بعيونه عشق الج ماله مثيل
مرت الايام والاشهر والسنوات وحاليا اني سادس وهنا الصدمه بده حسين يتغيير هواي ماعرف شنو السبب وليش و كلما اساله يكلي شكد تلحين النهار كله اقرة وتعبان حسي بيه شوي اني كلت يجوز لان هو اول مرحله بالماجستير ويتعب وبقى ميحجي وياي لايام واضطريت اكول لسما عن تغيره بالرغم من اتفاقنا محد يدخل بمشاكلنا بس الصدمه سما تكول هو ع طول لو يطلع بالتلفون يخابرج كتلها بس احنا منتخابر سما اصفرت ومعرفت شنو تحجي عرفت دخلت بحياته بنت واني ابتعدت لكن كلبي اللعين يحن اله ويجبرني ع الاتصال وبيوم خابرني وكلي باجر نلتقي بالحديقه الكدام بيتكم ضليت الليل كله اكول راح يعتذر ويكلي نرجع وضليت ابني احلام واحلام
رحت للحديقه
واجه هو ونهى علاقتنا بكل بساطه والحلوة يكلي بعد سنه اخطب وانتي موبنت راشده وعاقله والي اني اريد بنت تكون راشده ومعدها علاقات واريدها اخلاق .....ماذكر باقي الحجي كل الي اذكرة انه عفته ورجعت لكيت بابا يريد يصعد بالسياره وبعدها محسيت الا واني بالمستشفى بعدها اتمرضت كلش ومكدرت اامتحن سادس داومت بالسنه الثانيه عزمتني نور ع خطوبه بنت عمها بس مرحت مرت الايام و مكمت اشوف نور هوايه لان هي جامعه وحسيتها اتغيرت خصوصا بعد خطوبه بنت عمها وميعجبني اروح الهم لان بيت عمهم جوارين وابنهم مزعج لكن اشتياقي خلاني اروح الها وشفت ....
وأصمتُ حين تؤلمـني جراحي
وأقسى من أنينِ الجُـرْح صمْتُ
كتمتُ البوحَ حتى صرتُ وحدي
وعنـد اللهِ حين خلوْتُ بُحْتُ !
هاي اول قصه الي ان شاء الله تعجبكم
