Parang Kailan Lang [ForStudents2ndYearHighSchoolAndAbove]

Parang kailan lang yung umaga na ‘yon

Nagmamadali ka pa nga bumangon

Pakiramdam mo kase tanghali na

At tama nga, kaya gumayak ka na

Parang kailan lang nung pagkadating mo

‘Di mo alam kung anong gagawin mo

Nakatayo ka don, na parang tanga

Ni ‘di mo alam kung san ka pupunta

Parang kailan lang nung pagkaupo mo

Wala kang kilala sa paligid mo

Nahiya ka pa magpakilala

E feeling mo kase ayaw ka nila

Parang kailan lang nung lumabas ka na

Lunch na kase non, kaya lumabas ka na

Naglakad ka na para kumain

Yun nga lang ‘di mo mahanap yung canteen

Parang kailan lang nung nahanap mo na

Kaso bigla nalang may tumatawa

‘Di mo kilala, pero alam name mo

Yun pala suot mo pa name-tag mo

Parang kailan lang nung nainis ka na

So, ayon, inalis mo nalang muna

Kagagawan ‘to nung isang teacher mo

Dahil sa name-tag, sira araw mo

Parang kailan lang nung umuwi ka na

Pakiramdam mo nga non, ayaw mo na

Sobra kasing pagod na pagod ka na

Tapos biglang may mga assignment pa

Pero pagkaraan ng ilang taon,

Ginawan mo ng tula yung tungkol don

Kase medyo napag-isip-isip mo

Parang kailan lang ay yung 1st Day High mo