هما البنات كدة.. وخصوصا الي بيتفرجو على مسلسلات وأفلام كتير.. لما يكون المشاهد مجهز نفسيا ان البطل ده هيحب البطلة دي.. فأي موقف بيحصل يبقى شرارة حب.. و ان القلب دق له خلاص.. ومع كل موقف تلاقي انهم شبه بعض.. ان في حاجات بتجمعهم.. وتبدأ الظروف تتدخل و تربطهم ببعض.. القلب و العين والجوارح بتبقى عايزة تشوف البني ادم ده اكتر.. ونيجي للحقيقة تلاقي الشخص فيهم يبدأ يطبق على نفسه بقى.. انا النهاردة شفت واحد.. ايه ده مولود في نفس اليوم معايا.. احنا بنحب نفس الممثل.. بنشتغل مع بعض يبقى اهتماماتنا واحدة.. احنا ازاي شبه بعض.. و كمان دخلنا نفس التخصص.. لا ربنا عايز يقول حاجة.. وتبدأ تنسج في خيالك باقي القصة.. ده فيلم رومانسي من تأليفك.. مسلمش عليا عشان مشاعره متبنش.. تبدأ عايز تبان احسن شخص قدامه.. تبدأ تكشر في وشه وتعامله بسخف عشان مشاعرك متبنش له.. تشوف بيحب ايه.. تحاول تحبه.. تحاول تكون شخصيته في بالها.. وتحاول تقول بيعمل كدة ليه.. نده اسمي بطريقة مختلفة.. تعامله معايا مش طبيعي..
وهو اصلا مفيش حاجة غير في خيالها.. وهتنتهي بردو في خيالها..
عيشي القصة الحلوة دي في خيالك باقي العمر.. مش مشكلة.. عشان انا بحب قصص الخيال عن قصص الواقع.. الخيال ملهوش حدود.. الواقع اسفلت وزفت وقطران.. لكن الخيال غيوم و موسيقى وملائكة واجنحة..
الخيااااال الخيااااال..
