افقلت الخط ونظرت الى امير كان ينظر إليه باستغراب
جوليا:شبيك
امير:والله انتو النسوان مصيبه
جوليا:لعد شلون حياتي هذا اخويه مو واحد عادي
ملك ⬛
كنت في المطبخ اعد العشاء انا و كريستين وفجأة دخلت افنان
افنان:ملك
ملك:نعم
افنان:اكو شخص بره يسئل عليج
ملك:عليه منو
افنان:والله ما اعرف قبل شوية اتصلوا الحرس وكالوا اكو احد يسئل عليج
ملك:خل اروح اشوف منو ممكن تنتبهي على الاكل
افنان:اي اكيد
تركت الطعام وخرجت من المنزل اتجهت الى البوابة الرئيسية عندما وصلت رأيت اية واقفه في الخارج فرحت كثيراً وطلبت منهم أن يدخلوها الى المنزل
ملك:دعوها تدخل انها صديقتي
انفتح الباب ودخلت ركضت عليها واحتضنتها
ملك:اية حبيبتي مشتاقتلج هواي
اية:واني هم مشتاقلتج ولج
ابتعدت عني وضربتني بخفه على يدي
اية:حقيرة شلون تزوجين بدون ما تحجين
نظرت لها بحزن
ملك:يمعودة اي زواج هذا
اية:عمو اسماعيل كلي كل شي
ملك:بابا شلونه مشتاقلته هواي
اية:شلونه يعني يكسر الخاطر خطية
تجمعت الدموع في عيني واصبحت ابكي
اية:اشش لا تبجين حبيبتي اني اجيت حتى اشوفج مو اخليج تبجين
ملك:تعبانة اية والله راح اموت ما اكدر اتحمل العيشه هنا
اية:ليش زوجج جاي يعاملج مو زين
ملك:ولج شحجي شكول
اية:شكو خوفتيني
ملك:تعالي خل نكعد بالحديقة حتى احجيلج
دخلنا إلى الحديقة وجلسنا على الأرض سردت لها كل ما حصل في هذا المنزل
فتحت عينيها
جَواد:عزة بعينه الحيوان ما خذج خدامة
ملك:ولج اسكتي جاي اشوف الضيم هنا شالع كلبي
اية:واني شفت البيت عبالي عايشة بالجنة
ملك:يا جنه عايشة بجحيم
اية:زين ليش باقيه لحد هسة عوفيه
ملك:شلون اعوفه والديون اللي على بابا
اية:عمو اسماعيل جاي يحاول يدبر الفلوس بس ماكو احد يساعده
ملك:الله يخليج ساعديني ما اكدر استحمل العيشه هنا راح اموت
اية:شسوي يعني
ملك:اريد تطلع منا لازم تساعديني
اية:شلون يعني
ملك:ما ادري شوفي حل الله يخليج راح اموت لازم اطلع
اية:انتظري كم يوم واني اشوف
ملك:اي عفية حبابة
امسكت بيدها
ملك:شلونه بابا شلون صحته
اية:شلون يعني المسكين الله يعينه
نزلت دموعي
اية:لا تبجين حبيبتي الله يفرجها
ملك:ان شاء الله
اية:اكلج ودراستج شنو عفتيها
ملك:لا طبعاً اني اليوم راح احجي وياه اريد ارجع للكلية
اية:تتوقعين يقبل
ملك:مو بكيفه غصباً عليه هذا مستقبلي
اية:اذا يوافق ماكو داعي ندور خطة هيج راح تكدرين تنهزمين وبسهولة
ملك:اي صح
اية:اكلج اني تأخرت هسة وصار لازم اروح
ملك:لج وين رايحه ما شبعت منج
اية:لا تخافين ارجع اجيج مره ثانيه
ملك:ماشي انتظرج وانتظر خبر منج
اية:اي اكيد
وعدت صديقتي اية وعدت إلى المنزل وفي المساء عندما انتهى جَواد من العشاء وذهب الى غرفته ذهبت إليه وطرقت الباب وطلب مني الدخول فتحت الباب ودخلت
ملك:ممكن احجي وياك
جَواد:بخصوص شنو
ملك:بخصوص موضوع دراستي
جَواد:شبيها
ملك:بصراحة اريد ارجع للكلية مالتي راحت هواي دروس عليه
جَواد:انتي عمرج شايفه خدامة تروح للكلية
تنفست بضيف لكي لا اغضب
ملك:يعني؟
جَواد:يعني ماكو روحه للكلية ما عندي خدامة تدرس
ملك:يعني تريد ترحمني من دراستي
جَواد:ممم
تحدث معه بغضب
ملك:مو بكيفك انت مو من حقك تحرمني من دراستي
جَواد:لا بكيفي واني حر
ملك:لا مو انت حر
جَواد:انتي نسيتي انو اني اشتريتج واني لي الحق شسوي بيج اسوي
ملك:مو بكيفك انت متكدر تمنعني
جَواد:لا بكيفي ماكدرين تطلعين منا
ملك:انهزم
جَواد:ما تكدرين لا تحاولين
ملك:لا اكدر وراح اطلع وتشوف
رفع حاجبه باستهزاء
جَواد:اذا تكدرين سوي
ملك:راح تشوف
بينما هي خرجت من الغرفه الا انه بدأ يقلق من تهديدها له بالهروب من المنزل فأ اتصل بالحرس البوابة الخارجية
الحارس:نعم سيدي
جَواد:اسمعني جيدا اريد منكم أن تشدو الحراسه جيد في هذه الايام ولا تدعو اي شخص بالدخول او الخروج من غير علمي
الحارس:حسناً سيدي
اقفل الهاتف وتطفئ الضوء لينام بينما هو نائماً من جانب آخر كانت هناك فتاة تفكر به وهي تمسك بصوته وتقبلها
-اشتاقيتلك حبيبي اشتاقيت لحضنك ولعيونك
قاطع حديثها مع الصورة صوت الهاتف لترمي الصورة على السرير لتجيب على الهاتف وتتحدث باللغة الاسبانية
-نعم
-سيدتي لقد انتهى حجزك ويمكنكِ السفر الان
-حقاً
-اجل انستي
_واو شكراً لك وداعاً
-وداعاً
اقفلت الهاتف ونهضت لتقفز على السرير بفرح
-واخيراً سوف اذهب الى لوس أنجلوس واااااو
ملك ⬛
لم انام طوال الليل وانا افكر في خطتي للهروب من هنا يجب علي ان اخرج من هذا المنزل انا لا احتمل البقاء هنا ولا لدقيقة واحدة كنت اريد التحدث في الهاتف ولكن كيف يمكنني التحدث رأت كريستين امامها
ملك:كريستين
التفت إلي
كريستين:نعم
ملك:يمكنني ان اسألك سؤال
كريستين:اجل تفضلي
ملك:في هذا المنزل اين تضعون الهاتف
كريستين:انه في مكتب السيد جَواد ولكنه لا يسمح لأي شخص بتحدث به
ملك:لماذا
كريستين:لانه ملكه ولكن لماذا تسألي
ملك:لا شي فقط سؤال
كريستين:حسناً
يجب ان انتظر الى أن يخرج من المنزل حتى اتحدث في الهاتف وفجأة سمعت صوته وهو يتحدث مع افنان
جَواد:اني راح اطلع اذا صار شي بلغوني
افنان:ماشي ابني
ملك:هاي الفرصة المناسبة
تسللت فوراً إلى المكتب من غير ان يراني احد دخلت واقفلت الباب خلفي رأيت الهاتف على المكتب
ملك:لازم اتصل على اية اشوفها شنو صار وياهه
طلبت الرقم وانتظرتها تجيب على الهاتف
اية:الو
ملك:الو هلو اية اني ملك
اية:ملك هلو حبيبتي شلونج
ملك:الحمدالله
اية:شلون اتصلتي
ملك:بعدين اكلج هسة كليلي دبرتي الشي اللي طلبته منج
اية: اني على اساس اجيج اليوم واكلج همزين اتصلتي
وفجأة سمعت صوت شخص قادم إلى هنا
ملك:اكلج اني راح اروح انتظري اليوم وراء البيت مع السلامة
اقفلت الخط بسرعة واختبئة وراء الزاوية انفتح الباب ودخل جَواد اصبح ينظر حوله اشعرت بالخوف من ان ينكشف امري اقترب من الزاوية اخذت نفس عميق فتح الباب اخذ ملف وخرج من الغرفة خرجت من خلف الزاوية وانا اتنفس بسرعة كاد أن ينكشف امري فتحت الباب وخرجت بسرعة من الغرفة ذهبت الى القبو
ملك:همه يحطون الاشياء القديمة هنا اكيد اللي اريده موجود هم هنا
اصبحت ابحث في الاغراض القديمة وجدت ادوات الصيانة
ملك:هذول اكيد راح يساعدوني
اخذتهم وخرجت بسرعة من القبو تسللت الى غرفتي خبئتهم في مكان وخرجت اكملت عملي مثل العادة انتظرت الى أن اصبحت الساعة 1:00 وخلد الجميع الى النوم خرجت من غرفتي وتسللت الى الحديقة ذهبت خلف المنزل اخرجت ادوات الصيانة وقطعت بها الاسلاك الشائكة واصبحت فتحه كبيرة ويمكنني الخروج منها
ملك:واخيراً راح اطلع
التفت إلى ناحية المنزل وابتسمت ابتسامة النصر
ملك:مو كلتلك راح اطلع وانت ما تكدر تمنعني
جَواد:لا اكدر
التفت بفزع ورأيت جَواد يقف امامي ومعه اربع رجال
جَواد:مو كلتلج ما تكدرين تطلعين منا
نظر إلى الحرس واشار لهم بيده و امسكوا بي
ملك:اتركوني ماذا تفعلون
جَواد:خذوها الى الداخل
امسكوا بي وادخلوني الى القبو تركوني وخرجوا بعد لحظات دخل جَواد و وقف امامي تراجعت للخلف خوفاً منه
جَواد:مو كلتلج متكدرين تنهزمين ليش جاي تتعبين نفسج
ملك:عبالك مراح اطلع اكيد راح اعيدها مرة ثانية وثالثة لحد ما انجح واطلع منا
جَواد:انتي شكلج ما مهتمه لابوج
ملك:شنو يعني؟
جَواد:يعني اذا نهزمتي منا راح اسلم ابوج للشرطة بسبب الديون مالته
ملك:شنو
جَواد:اي
ملك:متكدر تسويها
جَواد:ليش حتى ما اكدر وبعدين وين وعدج راح اسدد الديون وقبل ما تخلص المده اشو استسلمتي وتردين تنهزمين
ضحك ساخراً مني
جَواد:انتي شكلج مثل ابوج بس حجي وماكو فعل واني جنت كاشف خطتج من البداية من اول ما دخلتي على مكتبي بسر واتصلتي على صديقتج اية حتى تساعدج
ملك:شنو
جَواد:شبيج تفاجئتي عبالج غبي اني وراح اخليج تنهزمين بسهولة هيج
بس انتي ما لكيتي غير هاي الخطة بعدج عليها غيريها تره صارت قديمة
نظرت إليه باستغراب
ملك:انت من وين تعرف هاي الخطة
نظر إلي وابتسم بسخرية وثم تركني وخرج واقفل الباب خلفه وعندما خرج سمعته يقول للخادمة
جَواد:لا احد يفتح لها الباب من غير اذني ولا احد يعطيها لا طعام ولا شرب دعوها هنا لكي تعاقب
كريستين:حسناً سيدي
جَواد ⬛
ذهبت الى غرفتي غيرت ملابسي وخرجت تمددت على السرير اردت النوم ولكنه انطرق الباب
جَواد:اتفضل
افنان:اريد احجي وياك
جَواد:اي تعالي امي
دخلت وجلست بجانبي على السرير
افنان:ممكن اعرف شنو اللي صار
جَواد:شكو
افنان:لا تسوي نفسك ما تعرف ليش حبست البنت
جَواد:تستاهل
افنان:شنو هذا الحجي شبيك انت شنو صاير لك فهمني
جواد:هي غلطت ولازم تتعاقب
افنان:مو من حقك تحبسها
جَواد:لا من حقي واني شنو اريد اسو بيها راح اسوي ومحد يمنعني
افنان:مدام متريدها ليش تزوجتها
جَواد:كلتلج مزاجي
افنان:مزاجك شنو هذا الحجي
جَواد:هذا اللي عندي
افنان:لا انت فعلاً تخبلت
تركت الغرفة وخرجت تمددت على السرير ونظرت الى السقف لتعيدني ذاكرتي الى الوراء عندما كنت صغيراً كان عمري عشر سنوات كنت العب في حديقة منزلنا لوحدي شعره بضربه خفيفه على ظهري التفت لاجدها تقف امامي وهي ترسم على وجهها ابتسامة طفولية تفاجئت عندما رأيتها امامي
جَواد:ملك انتي شتسوي هنا شلون اجيتي
ملك:نهزمت
جَواد:شنو
ابتسمت لي
ملك:اي
جًواد:شلون انهزمتي وابوج ميقبل تطلعين
ملك:العصفورة هزمتني
جَواد:ليش العصفور يهزم احد
ضربته على يده
ملك:انت شكد غبي اكو عصفور يهزم شخص
جَواد:غير انتي تكولين
ملك:ولك افتهم هذا الشي معناها عندي خطة وما اريد احجيها لك
جَواد:ليش
ملك:لان راح تروح تحجي البابا
جَواد:اني؟
ملك:اي انت راح تروح تحجي لابويه وبابا اذا كشف الخطه مراح يخليني اطلع بعد
جَواد:ماعندج ثقه
ملك:لا
تركتها وذهبت لكي اكمل لعبتي شعرت بأنني انزعجت منها اقتربت مني وجلست بجانبي
ملك:انت زعلت مني
ابتسم لها
جَواد:لا تعالي خل نلعب
استيقظت من الماضي ونظرت الى السقف الغرفة وقالت
جَواد:هاي المرة مو مثل كل مره
في اليوم التالي...
لا تزال ملك سجينا في ذالك القبو ولا يسمح جَواد بأخذ الطعام إليها او خروجها من المكان اما افنان لا تستطيع التحمل تصرفات جَواد الغربية انتظرته الى أن يخرج غيرت ملابسها وخرجت خلفه اتجهت الى منزل جوليا اخت جَواد طرقت الباب وبعد لحظات فتحت لها
جوليا:خالة افنان هاي انتي
افنان:هلو بنتي شلونج
جوليا:الحمدالله وانتي شلونج
افنان:بخير اليوم اني اجيت حتى احجي وياج بموضوع
جوليا:خير خالة اتفضلي
دخلت إلى المنزل وجلست في غرفة المعيشة
جوليا:تشربين شي
افنان:لا شكرا حبيبتي ما اريد اتعبج تعالي اكعدي
جلست بجانبها على الاريكة
جوليا:خير خالة شكو
افنان:طبعاً انتي تعرفين بزواج جَواد
جوليا:اي اعرف ليش صار شي
افنان:شبيج اخترعتي مصار شي
جوليا:يعني مصار شي على جَواد
افنان:مثل شنو راح يصير شبيكم انتو فهموني شنو صاير وياكم جَواد ليش تزوج بهاي الطريقة وليش جاي يعامل البنيه مو زين ومشغلها خدامة لج حتى البارحة رادت تنهزم ولزمها وهسة وهي محبوسة بالقبو ومانع عليها الاكل والشرب
جوليا:تستاهل كلشي جاي يصير بيهم يستاهلون
افنان:لكم شنو القصة راح تخبلوني
جوليا:شنو جَواد ما كلج شي
افنان:لا ميقبل يحجي شي وما اعرف شنو قصته
جوليا:اني راح اكلج منو هاي
افنان:منو
جوليا:هاي ملك بنت اسماعيل حقي
افنان:اسماعيل حقي
اخذت اردد ذالك الاسم اكثر من مرة
جوليا:تذكرينه خالة وتذكرين هذيج العائلة وشنو سوت بينه تذكرين
صمتت قليلاً وبعد لحظات فتحت عينها
افنان:اسماعيل حقي وهاي ملك بنته جوليا:اي هي بعينها
افنان:الله دخليك شلون هاي
جوليا:جَواد تزوجها وجابها حتى يكسر خشم ابوها على اللي سوه بينه وخسره كل املاكه صار ولا شي مجرد حثالة عايش
لا تزال افنان مصدمة من الذي سمعته
افنان:هسة يله عرفت جَواد ليش يتصرف وياهه هيج
جوليا:تستاهل
افنان:بس هي ما الها علاقة باللي صار ليش تتعاملون وياهه هيج شنو ذنبها
جوليا:ذنبها الوحدي هي بنت هذاك السافل ولازم تتعذب مثل ما احنه تعذبنا افنان:انتي واخوج جاي تتصرفون غلط
جوليا:لا مو غلط جاي ناخذ حقنا
افنان:تاخذون حقكم من بنيه بريئة ما الها علاقة بالماضي
جوليا:لا تكلي هاي بريئة وما اعرف شنو مثلها مثل ابوها الزبالة
اية ⬛
كنت اشعر بالقلق على ملك لان خطتها في الهرب قد انكشفت و امسكوا بها ليلة البارحة وكنت اريد أن اطمئن عليها ولكن لا استطيع أن اتصل بها لانهم لن يدعوني ان اتحدث معها فقررت الذهاب الى والدها واخبرته بما حدث البارحة وتفاجأ من الذي سمعه
اسماعيل:شلون صار هيج هذا يعامل بنتي معاملة الخدم
اية:اي عمو وحالتها كل شي مو زينة بصراحة اني ما ردت اجي واكلك بس خفت عليها من البارحة ما ادري شنو صار وياهه
اسماعيل:لازم نروح لهناك لازم اتطمن على بنتي
اية:بس شلون راح يقبلون ندخل
اسماعيل:غصباً عليهم اريد اشوف بنتي
انتظريني هنا اغير ملابسي واجي
اية:تمام
ذهب عمي لكي يغير ملابسه وبعد ربع ساعة خرجنا من المنزل واتجهنا على المنزل الذي تعيش به ملك عندما وصلنا نزلنا من السيارة وذهبنا الى الحرس الذي يقفون امام المنزل
اسماعيل:اريد رؤية ملك
الحارس:من انت ؟
اسماعيل:انا والدها
الحارس:انتظر دقيقة
ذهب الحارس لكي يتصل بالمنزل وبعد لحظات عاد
الحارس:لا تستطيع رؤيتكم الان اذهبوا وعودا في وقت آخر
اسماعيل:ماذا تقول انت قلت لك اريد رؤية ابنتي
الحارس:ليس الان اذهب من هنا
اسماعيل:اريد رؤية السيد جَواد
الحارس:ليس في المنزل
اسماعيل:حسناً سوف انتظره هنا الى ان يعود
ذهبنا وجلسنا امام الباب ننتظر وصول السيد جَواد
اسماعيل:لازم مسوين بيها شي لعد شي ما يقبلون اشوفها
اية:ان شاء الله ماكو شي
انتظرنا اربع ساعات ولم يأتي او يخرج احد من المنزل وفجأة رأينا سيارتين من بعيد نهضنا من الارض اقتربت السيارة منا نادينا عليهم ولكنهم لم تتوقف لنا فتحوا البوابة ودخلت السيارات الى المنزل وقفنا امام الباب واصبح عمي يصرخ عليهم بالاعلى صوته وكانوا الحرس يحاولن ابعادنا عن الباب وفجأة وصل احد الحرس وطلب منهم أن يفتحوا لنا الباب وفعلاً فتحوا لنا الباب ودخلنا وقفنا امام السيارة وبعدها فتح الحارس باب السيارة وخرج منها شاب من شدة وسامة فتحت عيني بصدمة اقترب منا وتحدث بغضب مع عمي اسماعيل
جَواد:خير انت شعندك جاي هنا
اسماعيل:اجيت حتى اشوف بنتي
جَواد:ممنوع اليوم تشوفها روح وتعال بعدين
اسماعيل:شنو بعدين اني اريد اشوف بنتي ما اتحرك منا من غير ما اشوفها
جَواد:انت غبي ما تعرف شنو جاي احجي وياك
اسماعيل:اني انطيتك بنتي عروس مو خدامة
ضحك بصوت عالي
جَواد:شنو انطيتني قصدك اخذتها غصباً عليك واني حر شسوي بيها اسوي
اسماعيل:لا انت مو حر بنتي مو لعبه عندك
جَواد:بله ما تحجي حجي زايد وتشلع كلبي
اشار بيده إلى الحري
جَواد:اخرجوهم من هنا
وصلوا الحرس واخرجونا من المنزل وكان عمي يصرخ عليه ولكنه لم يكترث له دخل إلى المنزل وخرجنا خارج المنزل نظرت الى عمي اسماعيل
اية:شكد سافل هذا عمو انت شلون تسوي هيج شلون تنطيه ملك
جلس على الأرض يبكي وكنت احاول مواساته وبعدها عدنا الى المنزل
جَواد ⬛
دخلت إلى غرفتي استحممت وعندما خرجت رأيت افنان جالسه على السرير وتنتظرني
جَواد:امي خير
افنان:تعال اكعد اريد احجي وياك
جلست بجانبها على السرير
جَواد:خير
افنان:اني عرفت كل شي
جَواد:عرفتي شنو ما افتهم
افنان:عرفت انت ليش تتعامل وياه ملك بهاي الطريقة وشنو السبب تصرفاتك هاي
جَواد:منو كلج
افنان:مو مهم منو كلي المهم انو عرفت
جَواد:والمطلوب هسة شنو
افنان:تطلع البنية وتخليها تروح لاهلها لان هي ما الها علاقة
نهضت ووقف امامها
جَواد:انتي تحجين صدك لو تشاقين
افنان:هذا الموضوع ما بيه شقه
جَواد:واني مستحيل اخليها تروح
افنان:انت بدل ما تنتقم من ابوها جاي تنتقم منها هاي
جَواد:مو كلج اني ما سويته شي خسرته كل فلوسه خليته على الحديدة ومرته تمرضت وصار بيها سرطان رحت على الطبيب مالتها انطيته فلوس وطلبت منه يوكف علاجها ويطلب منهم فلوس زياده حتى يكمل علاجها لو يوكف العلاج وفعلاً ما عدهم فلوس يدفعون وماتت مرته وحس شوية من الوجع الي بينه
فتحت عيناها
افنان:شنو امها ماتت بسببك؟
نهضت وتحدث معي بعصبية
افنان:لك انت شلون تسوي هيج شلون ضميرك سمح لك
جَواد:ضميري مات وهمه السبب
افنان:لا لا لا انت مو جَواد ابني جَواد مستحيل يسوي هيج شلون انطاك كلبك تسوي هيج حرام عليك
جَواد:لا تكعدين تحاسبيني على شي همه السبب بيه
افنان:اني مصدومة منك ما اعرف شكول انت خجلتني امشي كوم طلع البنيه
جَواد:مراح اطلعها خليها حتى تتعاقب
افنان:ولك اي عقاب هذا البنيه من البارحة لليوم محبوسة بالقبو امشي اخاف صاير بيها شي
اعطيتها المفتاح وقبل ان تخرج التفت إلي
افنان:راح يجي يوم وتندم على كل اللي جاي تسوي
