افنان ⬛
كنت في المطبخ وفجأة سمعت صراخ وبكاء شخص يأتي من الاعلى ذهبت الى هناك وعندما وصلت سمعت الصوت قادم من الغرفة المقفوله اتجهت بسرعة الى هناك وعندما وصلت رأيت ملك تجلس على الارض وكانت تبكي بهستيريا ركضت عليها لكي افهم ماذا به افنان:ملك حبيبتي شبيج ليش تبجين
كانت لا تستطيع التحدث بسبب البكاء
افنان:اهدي شوية وجاوبيني شنو صار
التفت حولي
افنان:وبعدين انتي شلون دخلتي على هاي الغرفة
احتضنتها لكي تهدئة قليلاً رفعت راسها ونظرت إلي
ملك:اني وحدة مجرمة
افنان:شو
ملك:اني مجرمة
افنان:شنو صار شبيج
ملك:اكو واحد مات بسببي اني مجرمة
لم افهم شيء من كلامها كانت تتحدث من دون وعي وفجأة اغمى عليها وسقطت علي
افنان:ملك..... ملك
افنان:وينكم تعالوا ساعدوني
جائوا الخدم وحملناها الى غرفتها
جَواد ⬛
اريج:حبيبي شكو شنو صاير
جَواد:مصاير شي
اريج:شلون مصاير شي وانت رجعت وشكلك عصبي وبعدين سمعت صوت واحد جاي يبجي انت شنو حجيت وياه هاي الخدامة
جَواد:امشي خل نطلع
اريج:هسة
جَواد:اي هسة اريد اطلع شوية امشي
اريج:اوكي يله
خرجنا من الغرفة ونزلنا الى الاسفل عندما نزلت رأيت ضجه كبيره
جَواد:ماذا حدث لماذا تركضوا
كريستين:ملك لقد اغمى عليها وطلبنا الطبيب
اريج:ياالهي لماذا
جَواد:امشي نطلع معلينا احنا
اخذتها وخرجنا من المنزل اريد الخروج لكي اتنفس قليلاً اشعر بالاختناق بداخل ذالك المنزل
اريج:حبيبي شبيك شنو صاير
جَواد:مصاير شي غيري الموضوع احجي بغير شي
اريج:اوكي راح اسكت بس راح اخذك لمكان راح ترتاح بيه
جَواد:بكيفج
شغلت السيارة واتجهنا الى المكان عندما وصلنا طلبت مني اريج الوقوف امام نادي ليلي
جَواد:هاي شنو
اريج:هنا راح تغير جو وتنساه كل شي
خرجت من السيارة ودخلنا الى ذالك المكان كان هناك اناس كثيرون يرقصون وكان الموسيقى عاليا جدا لدرجة بأنني عندما احدث لا اسمع صوتي جلسنا في احدى المقاعد وطلبت مني اريج بأن اشرب الخمر
اريج:اشرب ويسكي
جَواد:شنو لا ما اشرب هيج شي
اريج:حبيبي هذا احسن مشروب
جَواد:كلتلج ما اريد
اريج:انت مو تريد تنساه وهذا راح يخليك تنساه حتى اسمك
نظرت إليها باستغراب
اريج:لا تباوع هيج جرب وهسة تشوف
جَواد:تمام
انا لم اشرب الخمر في حياتي ولكن اليوم شعرت بأنني بحاجة إليه لان هو الشيء الوحيد الذي سيجعلنا انساه كل همومي استسلمت لها واضطررت للموافقه
اريج ⬛
لقد طلبت منه أن يشرب الخمر لان هذا الشيء الوحيد الذي سوف يساعدني في اخذ ما اريد منه وحالته اليوم سيئة جداً وهذه هي فرصته الوحيدة لكي يكون جَواد لي وليس لتلك الغبيه انا اعلم ماذا بينه وبينها واعلم بأنه تلك الغبية تكون زوجته ولكن لا يريدها ولذالك سوف استغل حالته هذه لصالحي لكي اخذ منه ما اريده عندما يكون جَواد لي وقتها لا يستطيع أن يتركني...
احضروا لنا المشروب وجعلت جَواد يشرب الكثير من المشروب لدرجة بأنه لا يستطيع الوقوف
اريج:شبيج حبيبي انت بخير
جَواد:ممم كلش
اريج:مو كلتلك راح ترتاح
جَواد:اي صح
اريج:كوم خل نركص شوية
نهضنا لكي نرقص معاً وبهذا سوف اجعله يفقد السيطرة تماماً
مرت ثلاثة ساعات لقد تأخر الوقت وعدنا الى المنزل الساعة 2:00 وكان الجميع نائماً كان جَواد لا يستطيع السير بسبب المشروب وكان يستند على كتفي ويغني بصوت عالي وانا كنت احاول ان اجعله يصمت لكي لا يسمعنا احد
جَواد:كذابة انتي للاسف طلعــــــــــــتي كذابة
اريج:اششش حبيبي اسكت راح يكعدون
جَواد:معرفتي معنى العشگ ولا واصله لبابا
اريج:اسكت هيثم يوسف راح يسجمعونا
جَواد:اوف منج ما تخلين الوحد يغني
اريج:اشش بعدين نغني هسة امشي بسرعة
ذهبنا الى غرفته فتحت الباب ودخلنا وضعته على السرير وذهبت لكي اقفل الباب واقترب منه وجلست بجانبه على السرير كان مغمض العينين وضعت يدي على جبينه
اريج:شكد احبك
جَواد:تحبيني
اريج:اموت عليك مو بس احبك
جَواد:لعد ليش سويتي هيج
اريج:شنو سويت حبيبي
جَواد:دمرتينا وبابا مات بسببج
اريج:شو؟
جَواد:اي ملك بابا مات بسببج
اريج:عمو حسن مات بسبب هاي التافه
جَواد:بس اني ما حجيت لاحد ما كلت مات بسببج خلية الكل يتهم ابوج حتى انتقم منج اني او ما جنت اريد احد يسويلج شي ما ادري ليش اخاف عليج وانتي ما تستاهلين
لم استوعب ما اسمعه عمي حسن لقد انتحر بسبب ملك والكل كان يتهم والدها بالموضوع ولا احد يعلم بالحقيقة
ابتسمت بخبث
اريج:هذا خوش موضوع راح يفيدني
التفت إليه
اريج:حياتي انساه كل شي ولا تفكر بأي شي بس بيه راح اخليك تقضي احله ليله بحياتك
وضعت يدي على الضوء وقمت بطفئ الضوء.....
وفي اليوم التالي الساعة 10:00
جَواد ⬛
استيقظت من النوم وفتحت عيني وكنت اشعر بألم فظيع في راسي التفت حولي لاجد اريج نائمة بجانبي على السرير نهضت مفزعاً من مكاني
جَواد:هاي شنو
عادت ذاكرتي الى الوراء وتذكرت ما حصل ليلة أمس وضعت يدي على راسي
جَواد:اوف ياربي
استيقظت اريج
اريج:صباحو حياتي
مازالت مصدوماً
اريج:شلون جانت ليله البارحه حبيبي بالنسبة لي هاي احله ليله بحياتي
جَواد:اريج انتي شنو سويتي
اريج:شبيك حبيبي ليش ضايج
جَواد:اريج اللي صار غلط
اريج:اوف جَواد لا تفكر مثل تفكير خالة افنان احنا الاثنين واعيين للتصرفات
مالتنه
جَواد:حتى لو بس ميصير
اريج:انت ندمان؟ .....اوكي
نهضت من السرير واخذت ملابسها ودخلت إلى الحمام
افنان ⬛
كنت ذاهبة الى غرفة جَواد ورأيت اريج تخرج من غرفة جَواد
افنان:هاي شنو انتي شتسوين هنا
ابتسمت لي
اريج:شسوي يعني
افنان:انتي البارحه نمتي بغرفة جَواد
اريج:عفية عليج خالة
افنان:شنو هاي الوقاحة
اريج:اني ما اسمح لج تحجي وياي بهاي الطريقة
افنان:لا والله
اريج:اي وبعدين انتي شنو تدخلج بموضوع تره انتي مربية مالته يعني مو امه حتى تدخلين بحياته
تركتني وذهبت الى غرفتها شعرت بالغضب وذهبت الى غرفة جَواد وطرقت الباب عليه ودخلت كان في الحمام جلست على السرير وانتظرته الى ان يخرج لكي اتحدث معه وبعد لحظات خرج وتفاجئ برؤيتي
جَواد:امي
افنان:بعد لا تكول امي
جَواد:شكو
افنان:شكو؟ شنو هاي الحقارة اللي عدكم انت شلون تتصرف هيج هاي هي تربيتي لك
تنهد وجلس بجانبي
جَواد:اسف بس صارت بالغلط
افنان:بالغلط اني على مود هذا السبب ماجنت اريدها تبقه بالبيت
التفت إلي
افنان:لا تباوع عليه هيج اي ما اريدها تبقه هنا هاي البنيه تصرفاتها طايشة واني خايفه عليك
انظر إلي
جَواد:لا تخافين اعرف شلون اتعامل وياه البنات الطائشات
افنان:شنو قصدك
جَواد:مو مهم
فهمت من كان يقصد في كلامة
افنان:البارحة ملك تمرضت واتصلنا على الطبيب
نهض من السرير
جَواد:اريد ابدل ملابسي
افنان:جَواد جاي احجي وياك شبيك
التفت إلي
جَواد:واني شعليه بيها تمرضت او لا عايشه لو ميته طبها مرض شعليه بيها
افنان:شنو شعليك بيها هاي مو مرتك يعني المفروض تهتم بيها بدل من اريج
نظر إلي بغضب
جَواد:لا تكولين مرتي هاي خدامة هنا واني ما اهتم بالخدم
افنان:براحتك
ترك الغرفة وخرجت نزلت إلى الاسفل ذهبت الى غرفة ملك فتحت الباب كانت لا تزال نائماً من الدواء الذي اخذته البارحة
تركتها وخرجت رأيت ديانا
ديانا:كيف حالها الان
افنان:لا تزال نائمة
ديانا:اجل قال الطبيب هذا الدواء سوف يجعلها تنام كثيراً
افنان:اجل
ديانا:ماذا حدث معها لماذا اصبحت حالتها هكذا
افنان:لا اعلم
جَواد:الاكل جاهز
التفتنا ورأينا جَواد يقف امامنا
افنان:اذهبي انتي وأحضروا الطعام
ديانا:حسناً
نزل جَواد وذهب ليجلس على طاولة الطعام وبعد لحظات نزلت اريج من الاعلى اقترب من جَواد وقبلته من وجنتيه
اريج:حبيبي
يبدوا بأنها تفعل هذا عمدا حسناً انتي من بدأتي هذه الحرب
ذهبت وجلست بجانب جَواد واصبحت تتلفت حولها
اريج:لعد ملك وين اليوم
افنان:نايمة وتعبانة
اريج:سلامتها
التفت إلى جَواد
اريج:حبيبي من تخلص اكل نطلع اني وياك
جَواد:عندي شغل اليوم ما اكدر اطلع
اريج:لعد راح اروح اشوف جوليا
جَواد:روحي
اريج:تمام
اريج ⬛
ذهب جَواد الى العمل وذهبت الى منزل جوليا وعندما وصلت طرقت الباب وفتحت لي الباب
جوليا:اريج
اريج:هلو
جوليا:هلو حياتي شلونج
احتضنتها
اريج:شلونج حياتي مشتاقتلج
جوليا:واني هم تعالي ادخلي
دخلت إلى المنزل وجلست في غرفة المعيشة
جوليا:شنو تحبين اجيبلج
اريج:ماكو داعي تعالي اكعدي خل احجي الج
جوليا:خير اكو اخبار جديدة
اريج:اي ولج البارحة صارت مشكلة جبيرة بينهم حتى اليوم ما طلعت من الغرفة
جوليا:شكو شنو صار
اريج:ما ادري بس البارحة من رجعنا جانت بالغرفة المقفوله
جوليا:صدك
اريج:اي
جوليا:لعد معناتها عرفت كل شي البارحة
اريج:يمكن ماكو غير هذا السبب اكلج البارحة خلية جَواد يشرب
جوليا:شنو؟
اريج:اي
جوليا:لج انتي مخبله شلون تسوي هيج اريج:اضطريت لان تدري بيه بس يسمع كلام افنان المعقدة
جوليا:يعني صار بيناتكم شي؟
اريج:اي
جوليا:عزة بعينج والله وكحه انتي
اريج:ماكو غير هاي الطريقة حتى اخلي اخوج يحبني اخاف هاي الحقيرة تاخذه مني
جوليا:لا تخافين هو اساساً ما يريدها وبعد شنو صار
اريج:مصار شي
اريج في نفسها:ما اكدر اكلج الشي اللي كاله جَواد وهو سكران بان ملك هي السبب بموت ابوج خليها هاي ورقه رابحة عندي استعملها بالوكت المناسب.. افنان ⬛
دخلت إلى غرفة ملك لكي اطمئن عليها كانت مستيقظة وتنظر من نافذة غرفتها
افنان:ملك حبيبتي شوكت كعدتي
لم تلتفت إلي
افنان:اجيبلج شي تاكلين
كنت اتحدث معها ولكنها كانت شاردة الذهن ولا تستطيع أن تتحرك جلست بجانبها
افنان:حبيبتي ميصير هيج لازم تاكلين شي حتى تتحسن صحتج
وكأنني اتحدث مع نفسي لم تجب علي تركتها وخرجت اتصلت على جَواد
جَواد:الو
افنان:الو ابني
جَواد:خير امي شكو
افنان:ابني اتصلت بيك على مود ملك ما تقبل تاكل شي اخاف يصير بيها شي
جَواد:لا تخافين الناس اللي مثلها ميصير بيهم شي
جوليا:جَواد شنو هذا الحجي جاي اكلك البنيه حالتها مو زينة
جَواد:وشعليه بيها قابل دكتور اني
افنان:انت شبيك
جَواد:امي مشغول اني هسة بعدين احجي وياج
اقفل الخط بسرعة
افنان:يالله منك شسوي هسة البنيه راح تتمرض
اصبحت افكر كثيراً في طريقة لكي تساعدني في خروجها من هذا الوضع تذكرت شخص ممكن ان يساعدني اخذت الهاتف واتصلت بذالك الشخص
افنان:الو
-الو هلو
افنان:عندي موضوع مهم ممكن تجي
-اي اكيد فد نص ساعة واجي
افنان:ماشي
اقفلت الخط واصبحت انتظر قدومة وبعد نص ساعة انطرق الباب وذهبت لكي افتحه
امير:السلام عليكم
افنان:وعليكم السلام هلا بيك ابني اتفضل
امير:خير خالة صاير شي
افنان:اتصلت عليك لان انت الوحيد اللي ممكن تساعدوني
امير:خير شكو
افنان:تعال اكعد خل احجيلك
جلسنا على الاريكة وسردت له ما حدث ليلة أمس
امير:شنو هاي يعني ملك عرفت كل شي
افنان:اي ومحبوسه بغرفتها من البارحة وما تقبل لا تاكل ولا تشرب شي
امير:اتصلتي على جَواد
افنان:خابرته وما اهتم للموضوع وكلت ماكو غيرك راح يساعدني
امير:وينها هي
افنان:بالغرفة
نهضنا وذهبنا الى غرفة ملك طرقنا الباب ودخل امير وخرج انا
امير ⬛
دخلت إلى الغرفة ورأيتها تجلس وتنظر الى الحديقة حتى انها لم تلتفت إلي اقتربت منها وجلست بجانبها
امير:مرحباً ملك تذكرتيني اني امير الي اجيت وشفتج هكذا اليوم
لم تنظر إليّ
امير:مو اتفقنا نكون اصدقاء ليش ما اتصلتي عليه اها.... يله يمكن انتي جنتي مشغولة كلت اجي اني اشوفج واسئل عليج حتى المرة الثانية انتي تجين ...شبيج جاي تباعين منا على الحديقة اذا تردين امشي نطلع اني وياج بالحديقة
التفت إلي
امير:اي اذا تردين امشي
نهضت ومديت يدي لها لكي تنهض امسكت بيدي وخرجنا من الغرفة وذهبنا الى الحديقة عندما خرجنا رفعت راسها الى السماء وفجأة جلست على الارض واصبحت تبكي التفت ورأيت افنان قادمة نحونا اشارت لها بيدي بان لا تأتي إليناوتتركنا لوحدنا عادت الى المنزل بقيت انظر إليها تركتها تبكي لكي تخرج كل الألم الذي بداخلها
ملك:اني وحدة مجرمة مجرمة
كانت تبكي تتحدث عن اشياء لم افهم ماذا كانت تعني
ملك:دمرت عائلة كاملة بسبب انانيتي
امير:ليش تحجي هيج انت شعليج
ملك:لا كله بسببي اني السبب... اني اللي اخذت الفلوس وحطيتهم بالبيت مال عمو حسن
امير:شنو؟
ملك:اي اني وحدة مجرمة واستاهل كل شي جاي يصير وياي
لم استوعب ما اسمعه ملك هي من فعلت هذا اذن لماذا كان جَواد يتهم والدها انه هو السبب في ذلك الموضوع
ملك:حتى امي خسرتها بسببي الله عاقبني بيها واخذها مني بس اني استاهل هذا العقاب لان اني وحدة انانيه
امير:لا انتي مو انانية انتي كلبج طيب لو مثل ما تكولين جان ما حسيتي بوجع الضمير بس الانسان الطيب هو اللي يحس بتأنيب الضمير
ازاد بكائها
ملك:اني ما جنت اريد يصير هذا كله والله ما جنت اتمنى يصير هيج
امير:ماكو داعي تبجين خلص الصار صار
ملك:اني استاهل العقاب هذا لان عذبتهم ودمرتهم ما الوم جود اذا ما سامحني اساساً اني ما اكدر اسامح نفسي على اللي سويته
امير:لا تحجين هيج هو كلبه طيب واكيد راح يسامحج
ملك:ما اعتقد لان اللي سويته مو بسهولة يكدر الواحد ينسى
امير:لا مدام انتي تغيرتي راح تخلينه يسامحج
ملك:تغيرت والله تغيرت
امير:خلص لعد ماكو داعي اكيد راح يسامحج
ملك:ياريت
امير:خلص لعد امسحي دموعج لان شكلج حلو وانتي تضحكين
ملك:شكراً
امير:على شنو
ملك:لان وكفت يمي وساعدتني
امير:لج شنو شكراً احنا مو اصدقاء
ملك:اي
امير:لعد ماكو داعي للشكر
نهضنا ودخلنا الى المنزل واجبرتها على تناول الطعام لانها لم تاكل شيئاً منذوا ليلة أمس
امير:يله صار لازم اروح
افنان:وين رايح خليك شوية هسة يجي جَواد
امير:لا خالة ما اكدر والله جوليا منتظرتني
ملك:اريد فد يوم اروح اشوفها
امير:اهلا وسهلاً بيج شوكت ما تردين البيت مفتوح الج
ملك:تسلم
وفجأة انفتح الباب ودخل جَواد
جَواد:امير
امير:هلو جَواد شلونك
جَواد:الحمدالله انت شتسوي هنا
امير:والله اجيت اشوف صديقتي العزيزة ملك
ملك:اني اروح عن اذنكم
تركت الغرفة وذهبت الى المطبخ نظرت الى جَواد وتحدث معه
امير:دير بالك على البنيه لا تهجم عليها تره هي فعلاً ندمانه
لم يكترث لي
امير:اسمع تره اني عرفت كل شي اكو اشياء ماجنت ادري بيها
جَواد:خوش صارت عدها الجرئ وتعترف
امير:لا تصير عنيد البنيه عرفت غلطتها وندمانه هسة
جَواد:ليش اللي صار ممكن يروح بندمها امير:اي ممكن يروح بس كون تفتهم انت
جَواد:ما اريد افتهم شي خليني هيج احسن
امير:على العموم الحجي وياك يتعب اني رايح هسة
جَواد:سلم على جوليا
امير:يوصل
ترك المنزل وخرجت
ملك ⬛
ملك:خالة ممكن طلب
افنان:كولي حبيبتي شنو
ملك:اريد اروح ازور امي
افنان:شنو
ملك:ممكن تطلبين من جَواد يخليني اروح باجر ازور امي
افنان:والله ما اريد بس راح احاول
ملك:حاولي تقنعي ارجوج اريد اروح اشوفها
افنان:ماشي
ملك:يله اني رايحه هسة للغرفة
افنان:ماشي حبيبتي روحي
خرجت من المطبخ واتجهت الى غرفتي وفي طريقي صادفت اريج تخرج من غرفتها وهي تتحدث في الهاتف
اريج:اي طبعاً.... لا لا شنو هذا الحجي اي البارحة قضيت احله ليلة بغرفة جَواد مراح انساها ابدا
نظرت إليها بصدم فتحت عيني
اريج:يله اتصل بيج بعدين
وقفت امامي
اريج:هلو ملك
مازلت مصدومة من الذي سمعته
اريج:شبيج ليش صافنه هيج ....اشو البارحة ما شفتج وين جنتي
لم اكترث لكلامها تركتها وذهبت الى غرفتي
اريج ⬛
عندما دخلت إلى المنزل رأيت ملك تخرج من المطبخ وهي متجها الى غرفتها اخرجت هاتفي من حقيبتي وصرت امثل عليها بأنني اتصل مع شخص لكي تسمع ما اريد أن اقوله لها وعندما رأيت الصدمة في عينيها فهمت بانه خطتي قد نجحت
ذهبت الى غرفة جَواد طرقت الباب ودخلت
اريج:هاي حياتي
جَواد:هلو اريج
اريج:شلونك حبيبي
اقتربت منه لكي اقبله ولكنه ابتعد عني
اريج:شبيك حياتي
جَواد:لا مابيه شي بس ما اريد اللي صار يرجع يتكرر مرة ثانية
اريج:شنو يعني انت متريدني
جَواد:مو قصدي ما اريدج بس
اريج:بس شنو شبيك جَواد
جَواد:ماكو شي بس ما اريد اللي صار يرجع يتكرر مرة ثانية لان ما اريد ازعل امي مني
تنفست بضيق وابتسمت له
اريج:خلص حياتي براحتك
جَواد:شنو سويتي اليوم رحتي على بيت جوليا
اريج:اي رحت وتسلم عليك هواي
جَواد:الله يسلمها قبل شوية جان امير هنا
اريج:اها صدك مشتاقتله صارلي شكد ما شايفته
جَواد:لو اجتي من وكت جان شفتيه
اريج:اي صح بس شسوي غير جنت يم صديقتي
انطرق الباب الغرفة
جَواد:اتفضل
انفتح الباب ودخلت افنان غضبت عنده رؤيتي امامها
اريج:يله حياتي اني رايحه هسة
نظرت لي باستهزاء تركتها وخرجت
جَواد ⬛
جَواد:خير امي
افنان:اريد احجي وياك بموضوع
جَواد:تره اذا على اريج لا تخافين مراح تنام هنا اليوم
افنان:خوش بس مو هذا الموضوع
جَواد:لعد
افنان:بخصوص ملك
جَواد:لا تجيبين طاري هاي التافهه
افنان:لا راح اجيب طاريها لان اريد احجي وياك بموضوع يخصها
جَواد:ما عندي شي يخصها احجي بيه
افنان:بس اني عندي البنيه تريد تروح تشوف امها
جَواد:ممنوع
افنان:ممنوع شنو تريد تزور كبر امها
جَواد:واني كلت ممنوع ماكو طلعه من البيت انتهى النقاش
افنان:حرام عليك تحرم البنيه من تروح تزور كبر امها
جَواد:اني ما عندي خدامة تطلع
افنان:الف مرة كلتلك ملك مو خدامة
جَواد:بالنسبة لج مو خدامة بس بالنسبة لي هاي خدامة
افنان:هاي مرتك مو خدامة
جَواد بصراخ:كلتلج لا تكولين مرتـــــــــــك
افنان:جَـــــــــــواد
لم انتبه لنفسك وصرخت بوجهها
افنان:تصرخ بوجهي
اقتربت منها وامسكت بيدها
جَواد:اسف اني اعتذر منج امي
افنان:لا انت تزودتها هواي تصرخ عليه هاي اخر تربيتي لك
نزلت دموعها اقتربت منها وقبلت راسها
جَواد:سامحيني امي اترجاج
تركت الغرفة وكان وجهها حزين والدموع في عينيها لا اعلم كيف تصرف هكذا لقد سيطر الغضب علي وصرخت في وجه المرأة التي ربتني واعتنيت بي طوال تلك السنين
جَواد:هذا كله بسبب هيج الحقيرة والله اله اطلع قضى الله كله بيج اليوم
خرجت من غرفتي واتجهت إلى غرفتها دفعت الباب بكل قوتي وانكسر الباب عندما رأتني نهضت مفزوعة....
