ملك ⬛
كنت اجلس في غرفتي وفجأة ان دفع الباب بكل قوة وانكسر التفت لاجد جَواد يقف امامي وعيناه كانت تصب شرار نهضت مفزوعة دخل إلى الغرفة واقترب مني وامسك بيدي بقوة لدرجة بأنني شعرت سوف يقطعها
جَواد:بعد ما اكدر اتحمل اليوم لازم ننهي كل شي بينه امشي
سحبني من يدي وخرجنا من المنزل ادخلني في سيارته اراد ان يركب السائق ولكنه منعه
جَواد:اذهب انت سأقود السيارة بنفسي
ركبت في سيارته وخرجنا من المنزل
لا اعلم الى اين نحن ذاهبون لا استطيع التحدث معه لانه كان غاضب جداً لدرجة بأنني كنت اشعر بالخوف منه بعد لحظات وصلنا الى المقبرة اصبحت التفت حولي لماذا اتينا الى هنا في هذا الوقت التفت إلي
جَواد:امشي انزلي
خرجت من السيارة واصبحنا نسير في المقبرة وكان المكان مظلم وبعدها توقفنا امام قبر التفت لاجد قبر السيد حسن والد جَواد اصبح جسدي يرتعش بالكامل اردت أن اقع ارضاً ولكنه امسك بيدي
جَواد:دير بالج لا توكعين ادري الصدمة قوية بس هذا اقل شي بحقج
تجمعت الدموع في عيني
جَواد:انتي ما عندج غير هاي الحيله الدموع والوجه البريء اللي تضحكين بيه على الناس بس للاسف هاي الحيله بعد ما تمشي عليه لان اني هسة مو الطفل الغبي اللي جان يصدك بيج
التفت إلى القبر ونظر إليه
جَواد:هذا ابويه هنا صار مكانه بسبب وحدة انانية ومريضة نفسياً مثلج
ملك:صح اني مريضة نفسياً
جَواد:لا تحجين هذا الحجي حتى تبررين فعلتج
ملك:اني مجاي ابرر موقفي لان ادري اني غلطانه وسويت اكبر غلطة بحياتي وراح ابقه ادفع ثمن هاي الغلطة طول عمري واستاهل كل اللي جاي يصير بيه واكثر
جَواد:همزين اعترفتي
ملك:اني مجاي احجي هيج حتى تسامحني لان ادري اللي سويته محد يكدر يسامح عليه اني دمرت عائله كامله بسبب تعقيداتي النفسية ابويه حطها بيه
نظرت إليه
ملك:اني جنت اكرهكم انت واختك لان جنت اغار منكم جنت اشوف عمو حسن يخاف عليكم ويهتم بيكم ويحبكم جنت اشوف هذا كله وتزيد النار بداخلي لان اني ما عندي الشي اللي انتو تملكونه ما عندي أب حنون يحبني ويخاف عليه ما جان يهتم بيه على طول اشو الندم بعيونه لان جاب بنيه ومصار عنده ولد جنت اسمعه يمدح بيك ويكول شي الله رزقني ابنيه وما انطاني ولد مثل جود جنت من اسمع هذا الحجي اختنق واكرهك اكثر جنت اخاف منه لدرجة من جنت اسوي شي غلط اخاف لا يدري ويسوي بيه شي حتى يخلص من الندم اللي بداخله مني ولهذا السبب جنت ارمي المشاكل عليك لان جنت اخاف من عقاب بابا بس ما جنت اريد احد يعرف بنقطة ضعفي حتى لا يستغلها ضدي لهذا السبب سويت كل هاي المشاكل حتى تطلعوا لان جنت اخاف من الشر اللي بداخلي لا يؤذيني اكثر واسوي اشياء ما اكدر اتخيلها
جَواد:وليش انتي ما سويتي انتي سويتي والدليل هذا الكبر اللي كدامج بابا هو دفع ثمن حقدج علينا مجان اكو احد يكدر يوكفج عند حدج ومن فكرت اوكفج عند حدج دمرتينه
اقترب مني
جَواد:انتي عبالج بكلامج هذا راح اسامحج وانساه اللي سويتي... لا مستحيل اسامحج مراح اخليج ترتاحين ولا تشوفين يوم سعادة بحياتج ضميرج راح يبقه يعذبج طول عمرج حتى وانتي بالكبر راح تتعذبين لان اخذتي اغلى شي عندي وبمقابل دفعتج الثمن غالي واخذت اغلى شي عندج امج.... انتي مو تردين تزورين كبر امج جبتج هنا للمكان اللي موجودة بيه بس مراح اخليج تزوريها هذا هو عقابي امج قريبه منج بس ما تكدرين ترحين تشوفيها
سقطت على الارض وصرت ابكي
جَواد:اي ابجي ابجي اني هواي بجيت اني بسببج وهسة اجه دورج حتى تبجين شوية
امسكني من يدي بقوة وسحبني معه
جَواد:يله كومي كومي
اخذني الى السيارة ركبنا بها وخرجنا من المقابر ذهبنا الى المنزل
افنان ⬛
اصبحت الساعة 12:00 لقد تأخر الوقت لم يعود اي احد منهم لقد خرج جَواد وهو غاضب وانا قلقه من ان يفعل لها شيئاً بسبب غضبه وفجأة سمعت صوت ذهبت لكي انظر من النافذة رأيت سيارة جَواد يدخل إلى المنزل
افنان:الحمدالله رجعوا
توقفت السيارة وخرجت ملك منها وهي تبكي دخلت إلى المنزل
افنان:ملك شبيج حبيبتي
لم ترد علي تركتني ودخلت لغرفتها وبعد لحظات دخل جَواد
افنان:شكو انت شنو سويت لها
جَواد:ما سويت شي
افنان:لعد ليش البنيه تبجين
جَواد:همه هذول العقارب من ينكشفون يجون على حيالهم دموع التماسيح
اردت أن اتحدث ولكنه اقترب مني وقبلني من راسي
جَواد:اسف
وتركني وذهب الى غرفته
في اليوم التالي
اريج ⬛
كنت اشعر بالقلق من وجود ملك في المنزل مع جَواد واشعر ان هذه المشكلة التي بيتهم سوف تقرب بينهم يجب عليه أن اتخلص منها لانه وجودها بجانب جَواد خطر على علاقتي مع جَواد اصبحت افكر كثيراً في خطة جديدة اتصلت على جوليا
اريج:الو
جوليا:الو هلو حياتي شلونج
اريج:مو زينه
جوليا:خير شبيج
اريج:راح اموت
جوليا:يا ستار من شنو
اريج:من جَواد وهاي التافهه
جوليا:شكو
اريج:عندي موضوع اريد اجي اشوفج ميصير احجي هيج
جوليا:اي حبيبتي تعالي شوكت ما تردين
اريج:من يطلع جَواد اجي
جوليا:ماشي
اقفلت الخط ونزلت الى الاسفل لكي اتناول الفطور كان جَواد يجلس على الاريكة وكانت ملك ترتب الطاولة وكان ينظر إليها من غير أن تنتبه له نزلت واقتربت منه عندما رأني اخرج هاتفه واصبح يتصفح به
اريج :صباح الخير حياتي
جَواد:صباح النور
التفت إلى ملك
اريج:لعد وين خالة افنان اشو اليوم الوحدج
ملك:راحت للسوك تشتري غراض
اريج:اها
ملك:يله الاكل صار جاهز
امسكت بيده
اريج:يله حياتي خل ناكل
نهضنا وجلسنا على الطاولة
وكانت ملك تسكب لنا الشاي
اريج:حبيبي شنو رأيك نسهر اليوم مثل هذيج المرة اني وياك الوحدنا
نظر جَواد الى ملك كانت تنظر إلينا بصدمة
جَواد:روحي انتي احنا نكمل
تركتنا وذهبت الى المطبخ التفت إلي
جَواد:اريج شنو هذا الحجي
اريج:شبيك حبيبي
جَواد:انتي شبيج شنو هاي التصرفات
اريج:اني ما حجيت شي غلط انت ليش ضجت
جَواد:ما حجيتي شي غلط؟ لا انتي تخبلتي فعلاً شلون تحجين هيج كدام الخدم
اريج:لا حبيبي القصة مو قصة خدم بس انت ما تريد ملك تعرف باللي صار بينه
جَواد:شنو؟
اريج:اي اني اعرف كل شي جَواد مو عبالك غبيه وما افتهم شي اعرف ملك مرتك وانت تزوجتها وجبتها هنا خدام واعرف هي منو وبنت منو
نظر إلي كان متفاجئاً
جَواد:انتي من وين تعرفين هذا كله وشوكت
اريج:من اول يوم اجيت بيه جوليا شرحت لي كل شي
جَواد:لا والله
اريج:طبعاً حبيبي لعد عبالك غبية اني انت خايف على شعور الاميرة لا تزعل
جَواد:شنو هذا الحجي
اريج:عبالك ما اعرف جَواد
جَواد:شعور شنو شبيج انتي اليوم
اريج:خايف على شعورها لا تدري على اللي صار بينه
جَواد:اساساً اني ما يهمني عرفت او لا
اريج:اذا ما يهمك ليش ضجت من حجيت كدامها
جَواد:مو على مودها ضجت بس ما اريد الخدم ياخذون عنج نظر غلط افتهمي
اريج:يعني انت شايفني وحدة مو زينة
جَواد:انتي جاي شنو تحجين اني مو هذا قصدي
اريج:لا جَواد هذا قصدك
تركت الطاولة ونهضت ذهبت الى غرفتي لحق بي اقفلت الباب في وجهه
جَواد:اريج افتحي الباب
اريج:ما اريد احجي روح جَواد
جَواد:جاي اكلج افتحي الباب خل نحجي
اريج:ما اريد احجي وياك عوفني
جَواد:اريج لا تكبرين الموضوع افتحي الباب كلتلج
اريج:كلتلك روح ما اريد احجي وياك
تركني وخرج من المنزل
اريج:كل شي صار بسبب هيج الكلبه لازم اتخلص منها
غيرت ملابسي وخرجت من المنزل اتجهت الى منزل جوليا طرقت الباب وفتحت لي
جوليا:هلو حياتي شلونج
اريج:زفت
جوليا:خير
اريج:هو بسبب هذيج الحقيرة اكو خير
جوليا:خير شكو
اريج:جاي تخرب علاقتي اني وجَواد بسببها
جوليا:ليش
اريج:اليوم عرف جَواد اني ادري حقيقة زواجه من ملك
جوليا:شنو
اريج:اي كلتله اني
جوليا:انتي غبية شلون تحجين
اريج:مليت جاي احس المشاكل الي بينهم جاي تقربهم مو تفرقهم
جوليا:شنو
اريج:اي اخوج شكله ما نساه الماضي
جوليا:لا حبيبتي مستحيل اصلا جَواد يكرهه
اريج:هاي حسب تفكيرج
جوليا:اذا الحجي اللي جاي تحجينه صحيح معناتها مصيبة هاي
اريج:شفتي
جوليا:شنسوي هسة
اريج:لازم نطلعها من البيت
جوليا:شلون
اريج:لازم جَواد يطردها من البيت
جوليا:مستحيل يطردها بدون سبب
اريج:من وين اجيب السبب
صمتت قليلاً وثم نظرت إلي
جوليا:عندي حل
اريج:شنو
جوليا:بس هذا خطير شوية ولازم توافقين عليه انتي وما تعترضين
نظرت إليها باستغراب
اريج:شنو ؟
افنان ⬛
عدت للمنزل لم اجد احد ذهبت الى المطبخ وجدت كريستين وديانا يعدون الطعام خرجت من المطبخ وصادفت ملك تنزل من السلم
افنان:السلام عليكم
ملك:وعليكم السلام شوكت رجعتي
افنان:هسة اجيت شلونج شلون البيت بغيابي
ملك:كل شي تمام
افنان:يعني ما هجمتوا البيت
ملك:لا هههههههههههه
افنان:خوش اكلج وين جَواد وهاي البومة
ملك:قصدك اريج
افنان:اكو غيرها هنا بومة
ملك:طلعت البومة
افنان:احسن اكلج اني اريد اروح
ملك:وين
افنان:اشوف اختي مريضة راح ابقه يومين هناك
ملك:شنو
افنان:شبيج خفتي
ملك:وين راح تعوفيني وترحين وانتي تدرين بالوضع هنا
افنان:ادري حياتي بس شسوي مضطره اروح لان حالتها كلش تعبانة
ملك:سلامتها
افنان:الله يسلمج لا تخافين مراح اتأخر
ملك:ماشي
افنان:انتي دير بالج على نفسج ولا تسوين مشاكل حتى جَواد ميصير عصبي عليج
ملك:شوكت ترحين
افنان:بعد شوية يجي جَواد وياخذني للمحطة مال القطار
ملك:ترحين وتجين بالسلامة
افنان الله يسلمج حبيبتي
اريج ⬛
نهضت مفزوعة عندما سمعت الخطة التي اقترحتها جوليا
اريج:شنو
جوليا:شبيج خبله
اريج:انتي الخبله شنو هاي الخطة ولج
جوليا:هاي احسن فكرة حتى يطردها من البيت
اريج:لا انتي تخبلتي شلون تطلبين مني اخلي جَواد يسوي هيج
جوليا:هذا الحل الوحيد حتى تخلصين منها
اريج:شلون اخلص منها بهاي خطتج بالعكس راح تبقه
جوليا:تبقه هذا اذا جَواد سمح الها تبقه بعد اللي سوته
اريج:شنو يعني ما افتهم
جوليا:يعني راح نذب الموضوع براسها وجَواد مستحيل راح يسمح لها تبقه بالبيت بعد اللي صار وخصوصاً هسة هو يكرهه يعني اذا خطتنا نجحت راح يسحلها برا البيت
اريج:حتى لو ما اكدر اسوي هيج
جوليا:خوش لعد طبج مرض خليها كاعدة على كلبج
اريج:زين واذا مصار شي وخربت الخطة
جوليا:لا تخافين اني راح ارتب كل شي حتى الخطة تنحج
اريج:انتي جاي تساعديها مو تساعديني
جوليا:اي هسة انتي احجي هيج بس بعدين راح تشكريني
اريج:الله يستر من خطتج هاي
جوليا:لا تخافين عوفي الموضوع عليه
اخرجت هاتفها
اريج:شتسوين
جوليا:اتصل على جَواد
اريج:ماشي
اتصلت جوليا على جَواد لكي تبدأ بالاول الخطة
جوليا:الو
جَواد:الو هلو جوليا
جوليا:هلو بيك حبيبي شلونك
جَواد:الحمدالله وانتي
جوليا:بخير اكلج انت وين
جَواد:اي بالطريق راجع للبيت لان راح اخذ امي
جوليا:وين
جَواد:اختها مريضة وتريد تروح تشوفها راح تبقه يومين هناك
ابستمت ابتسامة عريضة
جوليا:يعني قصدك راح تبقه يومين عدها
جَواد:اي
جوليا:سلامتها اكلك حبيبي اتصلت عليك لان اريد اكلك باجر عيد ميلاد امير
جَواد:شنو
جوليا:اي واريد اسويله مفاجأة بس
جَواد:بس شنو
جوليا:اريد الخدم مالتك ديانا وكريستين يساعدوني
جَواد:واني منو يساعدني
جوليا:مو عندك ملك
جَواد:اوف
جوليا:عفية حبيبي ما اكدر اسوي البيت الوحدي
جَواد:الله كريم
جوليا:شنو يعني
جَواد:يمعودة وافقت خلصيني اريد اروح
جوليا:حبيبي فديتك
اقفلت الخط ونظرت إلي
جوليا:نجحت اول مهمة
اريج:الله يستر من المهمة الثانية
جوليا:كولي يالله يمعودة
اريج:يالله
جَواد ⬛
وصلت الى المنزل عندما دخلت رأيت امي تنتظرنا
افنان: واخيراً اجيت صارلي شكد منتظرتك
جَواد:اسف بس جان الطريق ازدحام
افنان:يله امشي خل نطلع لان تأخرنا
نهضت واحتضنت ملك
ملك:ترحين وترجعين بالسلامة
افنان:ديري بالج على نفسج حبيبتي
ملك:عود اتصلي بيه
افنان:ان شاء الله
جَواد:يله تأخرنا امشي
افنان:خلي الحرس ياخذون الغراض يحطوهن بالسيارة
ذهبت وطلبت من الحارس لكي ياخذ الحقائب ويضعها في سيارتي
افنان:مع السلامة
ملك:مع السلامة
ركبت بالسيارة وذهبنا وفي الطريق
افنان:اني رايحه دير بالك على البنيه
جَواد:قصدج اريج
افنان:لا هاي اطردها
جَواد:هههههههههه
افنان:قصدي على ملك لا شلع كلبها ولا تتعارك وياهه خليك عاقل
جَواد:الله كريم
افنان:جَواد جاي تخلي بالي ينشغل
جَواد:بس اريد اعرف انتي شكو تحبيها هلكد
افنان:لان هي خوش بنيه وحبابه
جَواد:اي واضح
افنان:انجب واسكت
وصلنا إلى المحطة القطار وعدتها وعدت الى المنزل دخلت لم اجد احد ذهبت الى غرفتي عندما دخلت رأيت ملك
جَواد:انتي شتسوين هنا
توترت عنده رؤيتي امامها
ملك:اها
جَواد:جاي اكلج انتي شتسوين بالغرفة
ملك:هو بصراحة اجيت حتى ادور عليها جَواد:على شنو
اصبحت تلتفت حولها
جَواد:شكو على شنو جاي تدورين
ملك:هاي لكيتج
ذهبت لكي تنظر الى تحت السرير
جَواد:انتي على شنو جاي تدورين
لم ترد عليه ذهبت باتجاهه وسحبتها من يدها لكي تنهض
جَواد:شنو هاي التصرفات مالتج
وفجأة خرجت قطة صغيرة من تحت السرير عندما رأتها ملك صرخت و دفعتني على السرير لتسقط فوقي اصبحنا ننظر الى بعضنا البعض لم استطع ابعاد عيني عنها كان سحر عينيها يجذبني إليها على الرغم من كرهي لها الا انني لا استطيع منع عيني من النظر إليها وبقينا هكذا للحظات وبعدها ابتعدت عني ونهضت من فوقي نهضت ونظرت إليها كانت عينيها تنظر إلى الارض من شدة الخجل
جَواد:هاي البزونه شتسوي هنا شلون دخلت
ملك:جانت برا بالحديقة وجنت احاول اطلعها بس دخلت للبيت الغلط
جَواد:ما اريد هذا الشي يتكرر طلعيها
ملك:تمام
جَواد:روحي هسة
تركت الغرفة وخرجت
ملك ⬛
خرجت من الغرفة وصرت ابحث عن تلك القطة الصغيرة وجدتها في غرفتي امسكتها بيدي وضعتها في حضني كانت بيضاء وعينيها زرقاء اللون
ملك:ولج حطيتيني بموقع زبالة بسببج ما لكيتي غير غرفة جَواد تدخلين عليها
القطة:ميــــــــــــو
ملك:فدوة حبيبتي شكد حلوة انتي
نظرت إليها كانت تفتح فمها كثيراً يبدوا بأنها تشعر بالجوع
ملك:انتي جوعانه حبيبتي
اخذتها وخرجنا من الغرفة ذهبت الى المطبخ
ديانا:ياإللهي يالها من قطة جميلة من اين حصلتي عليها
ملك:هي من جاءت لي
كريستين:تبدوا جميلة جداً
ملك:انها تشعر بالجوع سوف احضر لها طعاماً
ديانا:لا اعتقد بان السيد جَواد سوف يسمح لها بالبقاء هنا
ملك:اجل لقد طلب مني بان اخرجها من المنزل
كريستين:للاسف تبدوا لطيفه للغايه
جَواد:ماذا يحدث هنا
التفنا ورأينا جَواد يقف امامنا
جَواد:هذه القطة ماذا تفعل هنا ألم اطلب منكِ بأن تخرجيها من المنزل ارميها في الخارج
ترك المطبخ واصبحنا ننظر الى القطة الصغيرة
ديانا:مسكينة تشعر بالجوع
نظرت إلى ديانا
ملك:قومي بـ طعامها وانا سوف اعود بعد قليلاً
خرجت من المطبخ وذهبت لكي اتحدث مع جَواد كان يجلس في غرفة مكتبه اتجهت الى هنا طرقت الباب ودخلت
ملك:ممكن نحجي
جَواد:خير اني مشغول هسة
ملك:اني كل ما احجي وياك تكول مشغول بس هاي المرة موضوعي مهم حتى لو مشغول راح تسمعني
رفع حاجبه وترك الاوراق الذي بيديه ونظر إلي
جَواد:خير شنو موضوعج هذا المهم
ملك:البزونه
جَواد:بزونه هو الموضوع المهم هذا بخصوص البزونه
ملك:اي بخصوص البزونه
جَواد:شبيها طردتها مثل ما كلتلج
ملك:لا ومراح اطردها
جَواد:نعم
ملك:بصراحة اني حبيتها وما اكدر اطردها
جَواد:شنو شايفه بيتي حديقة مال حيوانات حتى تجيبين بزونه بيه
ملك:تره هاي حيوان بريء يعني مراح تسويلك شي لا تخاف
جَواد:شلون ما اخاف يجوز تهجم عليه بليل واني نايم انتي غبية مو كلج خايف منها
ملك:لعد ليش ما تريدها
جَواد:لان ما اريد جراثيم بالبيت وهاي قذرة
ملك:لا مبيها شي والله واني راح انظفها وارتبها
جَواد:حتى لو كلت لا يعني لا
ملك:اترجاك اني مطالبه منك شي بس هذا الطلب خليها هنا و اوعدك مراح تحس بيها اساساً يعني مراح تحس بيها موجودة ابدا
جَواد:اني مو جاي اكلج لا ما تفتهمين انتي يله روحي طلعيها
خرجت من الغرفة وذهبت الى المطبخ رأيتها كانت تتناول الطعام
ديانا:لقد تناولت الكثير لانها جائعة جداً
كنت انظر إليها بحزن كيف يمكنني رميها في الخارج لا تستطيع
كريستين:ماذا بكِ ملك لماذا تنظرين إليها هكذا
ملك:جَواد لقد طلب مني رميها في الخارج
ديانا:كنت اعلم بأن هذا ما سيحدث لان السيد جَواد لا يحب القطط
كريستين:سترميها اذن
ملك:ليس لدي خيار آخر
حملتها وخرجت الى الحديقة لكي اقوم برميها بعيدا عن المنزل
ملك:حبيبتي جنت اتمنى اخليج يمي بس هذا ما يقبل
قبلتها كانت تنظر إلي شعرت بأنها تتوسل إلي بان لا افعل ذلك
جَواد:ملك
التفت ورأيت جَواد يأتي باتجاهي نهضت من مكاني اقترب مني
ملك:اجيت حتى تشوف طلعتها لو لا لا تخاف هاي هسة راح اطلعها منا ارتاح
نظر إليها
جَواد:شنو تاكل هاي
ملك:شنو
جَواد:جاي اكلج شنو تاكل حتى اخليهم يشترون اكل الها
نظرت له بصدمة
ملك:يعني مراح تطردها
جَواد:لا
ملك:واوو
لم انتبه على نفسي ارتميت بين احضانه واحتضنته بقوة استوعبت لنفسي وابتعدت عنه بسرعة كان متفاجئاً من الموقف شعرت بالخجل انزل راسي الى الاسفل
ملك:اني اسفه
جَواد:تمام
تركني وذهب الى الداخل المنزل
