منذ ذالك اليوم او تلك الليلة ولقد تغيرت تصرفات جَواد كثيراً لقد اصبح عصبي جداً ولا احد يستطيع التحدث معه وبسبب عصبيته لقد تم طرد حارساً من المنزل بسبب عصبيته وكان الجميع متوتراً من هذه الحالة ولا يجرؤون على التحدث معه في أي شيء وكانت اريج قلقه من تصرفاته
ذهبت اريج الى منزل جوليا لكي تتحدث معها بسبب تصرفات جَواد
اريج:لج صار عصبي وما يتحمل أي كلمة من اي احد لدرجة صرت اخاف منه شفتي خطتج شنو سوت
جوليا:لا تحجين هيج على الاقل الخطة مالتي نجحت وخلصنا منها
اريج:شنو الفايد اذا كل ما تقرب منه يصير عصبي عليه
جوليا:انتظري شوية طبيعي يتصرف هيج بعد اللي صار لان بعده بالبداية ميكدر ينساه اللي صار بينهم
اريج:لشوكت راح اتحمل
جوليا:بس اصبري شوية وراح ترجع حالته الطبيعية
ليس جوليا الوحده التي كانت تطلب من اريج ان تصبر ايضاً كان اية تحاول إقناع ملك بان تصبر قليلاً ولا تطلب الطلاق الان
ملك:انتي خبله شلون ترديني اعيش وياه
اية:هذا الموضوع ميصير تاخذينه بعصبي فكري بيه زين
ملك:مو بعصبية كعدت وفكرت صارلي يومين افكر بالموضوع
اية:زين الفلوس من وين راح تدبريها
ملك:اشوف طريقة لازم اسدد الديون بسرع وكت حتى ما يبقه شي يمنع الطلاك واني البارحة اتصلت على المحامي وطلبت منه يمشي بالقضية
اية:لا فعلاً انتي تخبلتي
ملك:لازم ارجع على حياتي الطبيعية من باجر راح ارجع اداوم وماكو شي يمنعني خلص بعد خلص الانتقام
هي كانت تعتقد بان الانتقام قد انتهى هنا ولكن جَواد كان يفكر في يجعلها تندم على ما فعلته به لذاك اتصل بالمحامي وطلب منه أن ينفذ ما طلبه منه وفعلا قام المحامي وفتحت القضية وذهب المحامي ومعه شرطياً على منزل ملك
ملك ⬛
كنت اتناول الفطور مع ابي وانطرق الباب نهضت لكي افتح الباب وتفاجئت برؤية الشرطة امام منزلنا
الشرطي:مرحباً انستي
ملك:مرحباً
الشرطي:هل السيد اسماعيل في المنزل؟
ملك:اجل
ذهبت لكي انادي على ابي وبعد لحظات خرج ابي
اسماعيل:نعم
الشرطي:حضرتك السيد اسماعيل
اسماعيل:اجل
الشرطي:يجب ان تأتي معنا الى المركز
ملك:ماذا؟
اسماعيل:لماذا ماذا فعلت
تحدث المحامي بدل من الشرطي المحامي:السيد جَواد رفع عليك قضية بتهمة الديون التي عليك
انصدمت من الذي سمعته لقد اخذوا ابي معهم الى المركز الشرطة ذهبت الى غرفتي غيرت ملابسي واتجهت الى هناك لكي ارى ماذا يحدث عندما وصلت ذهبت الى غرفة التحقيقات منعوني من الدخول وجلست خارجاً انتظر خروج ابي وبعد ساعتين خرج ابي اركضت عليه رأيت الاساور الحديد بيده
ملك:بابا شنو هاي
جَواد:مثل شنو يعني
التفت رأيت جَواد يقف خلفي وهو يبتسم اقترب و وقف امامي
جَواد:هاي معناتها راح ياخذوا السيد الوالد للسجن
ملك:انت شلون تتصرف هيج
جَواد:والله اني حر شنو اسوي راح اسوي
ملك:راح انطيك فلوسك كلها واخلص منك
ابتسم لي بسخرية
اسماعيل:عوفي بنتي ماكو داعي تتعبين نفسج وياه هيج ناس
نظر إلى ابي واقترب منه
جَواد:انت اخر واحد يحجي هنا
الشرطي:كفوا عن الثرثرة وانت هيا نذهب
اخذ ابي الى السجن وبقيت انظر إليه تجمعت الدموع في عيني اقترب مني جَواد وهمس لي
جَواد:هذا ولا شي الا ادفعج ثمن هذيج الليلة غالي
التفت إليه ونظرت الى عينيه
ملك:تدفعني شنو ثمن استغلالك الي انت استغليتني مو اني
رفع حاجبه
جَواد:لا
ملك:اي انت مثل عليه دور الحبيب واستغليت مشاعري حتى تنفذ انتقامك بس لحد هنا وبس كل شي انتهى
تركته وخرجت من المركز اتجهت الى المنزل ذهبت الى غرفة تمددت على السرير ونمت قليلاً وبعد نصف ساعة استيقظت على صوت الباب نهضت ونزلت الى الاسفل لكي افتح الباب عندما فتحت الباب تفاجئت برؤية احد حراس جَواد يقف امامي وبيده اغراض كثيرة
ملك:نعم
حارس:عذراً سيدتي على إزعاجكِ ولكن هذه الاغراض ارسلها إليكِ السيد جَواد
انظرت جيد كانت ملابسي و اغراضي الخاصة اخذته منه واردت ان اقفل الباب ولكنه اوقفني
الحارس:انتظري سيدتي لديكِ شيئاً آخر
فتح باب السيارة وخرجت القطة لترمي نفسها علي جلست على الارض واحتضنتها
ملك:ياروحي اشتاقيتلج هواي
القطة:ميو
ملك:انتي اشتاقيتيلي
اخذتها ودخلت إلى المنزل
ملك:من اليوم راح يكون هذا بيتج صح هو صغير يعني مو مثل هذاك البيت بس احسن منه بهواي
وفجأة انطرق الباب وضعتها على الاريكة وذهبت لكي افتح الباب كان اية اية:هلو
ملك:هلو بيج حبيبتي همزين اجيتي
اية:شكو
ملك:تعالي ادخلي
دخلنا إلى المنزل التفتت و وجدت القطة تجلس على الاريكة
اية:يالله هاي شنو
ملك:هاي صديقتي
اية:فدوة هاي شنو تخبل
ارادت ان تمسكها ولكن القطة ابتعدت عنها
القطة:ميــــــــــــو
اية:او شبيها هاي
ملك:شكلها ما حبتج
اية:ليش ولج ما تحبيني
ملك:هههههههههههه
اية:لعد عمو اسماعيل وين
ملك:بابا بالسجن
اية:شو
ملك:اي اليوم اخذوا الشرطة
اية:يالله ليش
ملك:جَواد رفع دعوة عليه يطالب بالديون مالته
اية:شو؟
ملك:اي
اية:راح شتسوين هسة
ملك:ما اعرف شسوي هسة بس لازم ادبر الفلوس بأي طريقة حتى اطلع بابا
اية:شتسوين يعني....
افنان ⬛
عدت من منزل اختي ولم اتصل بأي شخص لكي اخبرهم بعودتي اريد ان اعملها لهم مفاجئة استأجرت تاكسي وذهبت الى المنزل وصلت الى هناك ولم اجد احد
افنان:اين انتو يا شباب
خرجت كريستين من المطبخ
كريستين:سيدة افنان
افنان:لقد عدت
كريستين:اهلا بعودتكِ كيف حالكِ
افنان:بخير وانتم
كريستين:تمام
افنان:اين الجميع
كريستين:السيد جَواد ليس هنا والانسه اريج في غرفتها
افنان:هذه التافهه لا تزال هنا
كريستين:اجل
افنان:واين ملك
كريستين:ماذا
افنان:ماذا بكِ سألتكِ اين ملك
شعرت بأنها توترت من سؤال
افنان:ماذا حدث في غيابي
اريج:اني راح احجيلج
التفت حولي رأيت اريج تنزل من السلم اقتربت ووقفت امامي نظر إلى كريستين
اريج:اذهبي انتي انا سأتحدث معها
تركتنا وذهبت الى المطبخ
افنان:شنو جاي يصير هنا ملك وين
اريج:ملك راحت
افنان:شو
اريج:اي راحت عافت البيت وراحت
افنان:وين راحت شنو سويتوا بيها
اريج:مو احنا هي سوت
افنان:شنو صار احجيلي
اريج:قصة طويله تعالي خل نكعد
جلسنا على الاريكة وتحدث معي
اريج:بصراحة ما ادري شنو صاير بينهم بس يمكن ملك مسويه شي مو زين لان جَواد طردها من البيت صارله يومين وصاير عصبي كلش لدرجة محد يكدر يحجي وياه بأي موضوع
افنان:شنو هذا الحجي
اريج:ومو بس هيج جَواد رفع دعوة على ابوها ودخله السجن
افنان:شو
اريج:اي ملك هاي الله يستر منها ما ادري شنو سوت بيه
افنان:ملك ما تسوي شي مو زين بس اكيد اكو بعض الناس همه السبب
اريج:انتي شنو قصدج
افنان:والله تعرفين قصدي زين
اريج:يعني انتي تتهميني
افنان:ليش مو غيرج هنا يدور مشاكل وبعدين خل يجي هذاك وبسيطة
نهضت وذهبت الى غرفتي رتبت اغراضي وجلست انتظر وصول جَواد الى المنزل وبعد نصف ساعة رأيت سيارته تدخل إلى المنزل خرجت من غرفتي وانتظرت دخوله امام الباب انفتح الباب ودخل كان متفاجئاً برؤيتي
جَواد:امي
ركض عليه لكي يحتضنني ولكنني ابتعدت عنه
جَواد:خير امي شبيج
افنان:ليش سويت هيج جَواد
جَواد:شنو شبيج
افنان:ملك ليش طردتها من البيت
ادار وجهه إلى ناحية اخرى
جَواد:لا تجيبين طاري هاي القذرة بعد
افنان:شنو هذا الحجي
جَواد:طردتها من البيت وبعد مستحيل ترجع
افنان:ليش
جَواد:لا تسألني ليش لان ما اكدر احجي بس بعد ما تفكرين ارجعها
افنان:شنو صاير فهمني
جَواد:امي الله يوفقج سدي هذا الموضوع ما اريد احجي بيه
افنان:ماشي راح اعوفك تهدئ هسة بس الموضوع مراح ينتهي هنا
جَواد:اي احجي شنو اخبارج شلونهم هناك
افنان:كلها بخير ويسلموا عليكم هواي
جَواد:الله يسلموهم
جَواد:خالة نوال شلون صارت صحتها
افنان:لا الحمدالله صحتها شوية احسن
جَواد:الحمدالله
افنان:يله روح ارتاح هسة
تركني وذهب الى غرفته ذهبت الى غرفتي جلست على السرير وصرت افكر كيف يمكنني الوصل إلى ملك اريد التحدث معها ولكنني لا اعلم عنوان منزلها نظرت من النافذة وجاءت عيني على الحراس البوابة نهضت بسرعة
افنان:اي الحراس اكيد يعرفون عنوان بيتهم
خرجت بسرعة الى الحديقة واتجهت الى بوابة المنزل
افنان:مرحباً اريد أن اسالكم سؤال
الحارس:تفضلي سيدتي
افنان:هل احد منكم يعلم اين يقع منزل ملك زوجة السيد جَواد
تكلم احد الحرس
الحارس:انا اعلم ولكن السيد جَواد ...
افنان:لا تقلق جَواد لا يعلم بأي شيء
الحارس:حسناً انه
افنان:انتظر سوف تاخذني الى منزلها بعد خروج جَواد من المنزل
الحارس:حسناً كما تريدين
عدت الى المنزل من غير ان يراني جَواد انتظرت خروجه من المنزل اصبحت الساعة الخامسة مساءاً نزل جَواد من السلم يبدوا بأنه سوف يخرج الان
افنان:وين رايح
جَواد:اريد اطلع عندي اجتماع
افنان:طيب راح تتأخر
جَواد:اي راح اتعشى برا
افنان:ماشي
خرج جَواد من المنزل ذهبت الى غرفتي غيرت ملابسي وذهبت الى الحارس
افنان:اخذني الى منزل ملك
الحارس:حسناً
ركبت بالسيارة واتجهنا الى منزل ملك وبعد ساعة وصلنا كان منزل صغير جداً طرقت الباب بعد لحظات فتحت لي الباب ابتسمت عنده رؤيتي امامها
ملك:خالة افنان
افنان:ملك حبيبتي
احتضنتني
ملك:خالة مشتاقتلج هواي
افنان:واني هم حبيبتي
ملك:تعالي اتفضلي
جلسنا في غرفة المعيشة برغم من صغر حجم المنزل لانه مرتب ونظيف
ملك:مو مصدكة جاي اشوفج كدام شوكت اجيتي
افنان:اليوم الصبح
ملك:حمدالله على سلامتج
افنان:الله يسلمج حبيبتي
ملك: تردين اجبيلج شي تشربين
افنان:ماكو داعي تعالي اكعدي
جلست بجانبي
افنان:شنو هذا اللي سمعته
انزلت راسها
افنان:حبيبتي احجي شنو صاير ليش عفتي البيت
ملك:احسن
افنان:شنو احسن شنو صاير بينكم فهميني
ملك:شنو ما كلج الافندي
افنان:ما حجه شي
ملك:طبعاً مراح يحجي شي شنو راح يكول استغلني ضحك عليه ومثل دور الحبيب عليه لحد ما....
وضعت يدها على راسها واصبحت تبكي
افنان:اهدي حبيبتي واحجي شنو سوالج .....
اريج ⬛
علمت اين ذهبت افنان وقررت أن اتصل على جَواد لكي اخبره
جَواد:الو
اريج:الو هلو حبيبي وينك
جَواد:عندي شغل خير
اريج:اتصلت بيك حتى اكلك خالة افنان طلعت وسمعتها تحجي وياه الحارس وطلبت منه ياخذها على بيت ملك
جَواد:شنو
اريج:اي حياتي واتصلت بيك حتى اكلك يجوز ملك راح تحجي شي مو زين عنك يمها
صمتت قليلاً
اريج:شبيك حبيبي ليش ساكت
جَواد:بعدين ارجع اتصل بيج عندي شغل هسة
اقفلت الخط
اريج:هاي افنان ولا تكعد راحه دائماً تدور على المشاكل شلون اخلص منها
ملك ⬛
شرحت لها كل ما حدث بيني وبين جَواد
افنان:شنو هذا تخبل شلون يسوي هيج
ملك:شفتي بعد ما استغلني وضحك عليه جاي يتهمني اني السبب
افنان:ما اعرف شنو اكلج
ملك:لا تكولين شي خلص
افنان:شنو يعني
ملك:يعني راح ارجع كل فلوسه واطلب الطلاك منه
افنان:شنو
ملك:اي ما اكدر اعيش وياه بعد
افنان:بنتي ادري اللي صار غلط وجَواد غلط بحقج بس ميصير تتهورين هيج
التفت إليها
ملك:شنو انتي تريدني ارجع بعد كل شي صار احنا اساساً ما متزوجين مثل الناس هو تزوجني حتى يسويني خدامة واني ما اريد ارجع بعد خدامة اصلا مجان معتبرني مرته ليش حتى ارجع على مود منو اساساً بهذاك البيت ما حصلت شي بس الذل وهو مايريدني ليش حتى ارجع
افنان:كل شي جاي تكولينه حقج بيه بس اني جنت اتمنى تنطي فرصة لان الماضي اثر عليه وعلى مود هذا السبب جاي يتصرف هيج
ملك:اسفه ما اكدر خلص بعد اريد ارجع اعيش حياتي وانساه الماضي واكمل من وين ما وكفت
افنان:براحتج يله اني صار لازم اروح
ودعتها وذهبت
بعد مرور اسبوعين
استيقظت ملك من النوم وكانت تشعر بالغثيان والدوان نهضت ودخلت إلى الحمام بسرعة وعندما خرجت سمعت صوت الباب يطرق ذهبت لكي تفتحه كانت اية
اية:صباحو
ملك:صباح النور
اية:شبيج وجهج اصفر اليوم
ملك:ما ادري بس اليوم دايخة ما اكدر اتحرك
اية:شنو ليش
ملك:ما ادري يجوز اخذت برد
شعرت بالغثيان مرة اخرى تركتها وذهبت بسرعة الى الحمام
اية:لج تعالي شكو
طرقت الباب عليها
اية:ملك حياتي شبيج صاير شي
لم ترد عليها وبعد لحظات خرجت ملك وكانت على وجهها التعب والإرهاق
اية:تعالي اكعدي شوية
اخذتها وجلسوا على الاريكة
اية:شكو شنو صاير وياج
ملك:ما اردي يمكن اخذت برد من الجو
اية:اليوم شكد بالشهر
ملك:10 بالشهر ليش
اية:اكلج اجتي ؟
ملك:شنو
اية بعصبية:الصخم اللي تجي كل شهر للبنيه
صمتت ملك قليلاً وثم نظرت إليها بصدمة
ملك:لا صارلها اربعة ايام
ابتسمت اية ابتسامة عريضة
اية:لج يمكن انتي حامل
ملك بصدمة:شنو
اية:اي مبروك
ملك:مستحيل لا
اية:كومي خل نروح نسوي تحليل بالمستشفى
ملك:يله
جهزت ملك نفسها وذهبوا الى المستشفى لكي يعاملوا التحليل ولقد اتضح بأنه ملك فعلاً حامل خرجت من المستشفى وهي مصدومة
اية:شبيج ضايجة هيج
ملك:شلون لعد تريدني افرح واني طلعت حامل
اية:اكو وحدة تضوج لان طلعت حامل
ملك:اذا جانت حالتها مثل حالتي تضوج طبعاً
اية:شنو يعني راح تنزلين الطفل
ملك:اي طبعاً ما اكدر اخلي يعيش
اية:انتي مخبله شنو هذا الحجي
ملك:لازم ينزل الطفل
اية:ميصير حرام عليج الولد شنو ذنبه
ملك:واني ما اكدر اجيب طفل من هذاك الحقير
اية:مو على موده على مودج حرام عليج وبعدين هذا الطفل يجوز اشارة من رب العالمين
ملك:اشارة على شنو اذا جانت حياتي مصخمة وياه
اية:فكري زين قبل ما تاخذين قرارج
ملك:امشي خل نروح للبيت اريد ارتاح
ذهبوا الى المنزل .....
الساعة 3:00 ليلا استيقظت ملك من النوم مفزوعه لانها كانت تحلم في كابوس بشع جعلها تستيقظ مفزوعة وضعت يدها على بطنها
ملك:لا تخاف حبيبي مراح اتخلى عنك انت راح تعيش راح تجي على هاي الدنيا غصباً عل الكل
اخذته هاتفها واتصلت على اية
اية:خير ملك شبيج
ملك:اسفه لان اتصلت بيج هسة بس ما كدرت اتحمل
اية:لج شكو خوفتيني
ملك:مراح انزل الطفل
اية:شنو شعجب
ملك:شفت كابوس يخوف هو اللي خلاني اخذ هذا القرار
اية:خوش لعد على خير
ملك:اي ابني راح يعيش
اية:يعني قررتي تحجين الجَواد
ملك:لا جَواد مراح يدري بشي ابدا هذا ابني الوحدي
اية:اكلج هذا الموضوع طويل واني نعسانة هسة باجر الصبح اجي عليج ونحجي
ملك:تمام واني هم عندي موضوع مهم اريد احجي وياج
اية:اوكي لعد باي
ملك:باي
اقفلت الهاتف وخلدت الى النوم
بعد مرور اسبوعين
جَواد ⬛
كنت اعمل في مكتبي واتصل بي رقم غريب اجبت عليه
جَواد:الو
ملك:الو مرحباً جَواد اني ملك
ملك من وين تتصل عليه
ملك:الو تسمعني
جَواد:اي اسمعج خير
ملك:اريد اشوفك عندي موضوع مهم لازم نحجي بيه
جَواد:خير شنو
ملك:ميصير نحجي على التلفون لازم اشوفك واحجي وياك
جَواد:تمام وين تردين
ملك:راح انتظرك براس الشارع مال بيتنا تعال اخذني
اقفلت الخط وذهبت الى هناك وعندما وصلت رأيتها تنتظرني اوقفت السيارة وركبت جلست بجانبي في المقعد الأمامي استغربت من تصرفاتها
جَواد:خير شكو
ملك:اخذني خل نكعد بشي مكان لان الحجي طويل عندي
رفعت حاجبي
جَواد:اكو طلب ثاني
ملك:لحد هسة لا بس من نوصل راح تسمع طلبي
جَواد:اوكي
شغلت السيارة وذهبنا الى الكافتيريا جاء النادل إلينا لكي ياخذ الطلبات
جَواد:قهوة أثنان
ملك:كلا انا إجلب لي عصير الليمون
نظرت إليها كانت تصرفاتها غريبة الأطوار
جَواد:خير شنو الموضوع
ملك:هو موضوعين مو واحد
جَواد:شنو؟
ملك:اول واحد اني حجيت وياه المحامي بخصوص دعوة الطلاك
جَواد:شو
ملك:اي اني طالبه الطلاك واتمنى تنفذ طلبي بدون مشاكل
صمتت قليلاً وثم نظرت إليها
جَواد:والثاني
فتحت حقيبتها واخرجت شيء منها
ملك:هذا قرض بخمسين مليون دولار يعني كل ديون بابا اخذه وطلع بابا من السجن
تفاجئت من اين حصل ملك على كل هذا المبلغ وفي هذه السرعة
جَواد:من وين دبرتي الفلوس
ملك:مو مهم من وين هذا الموضوع ما يخصك المهم طلع بابا واخذ فلوسك
ابتسمت لها بسخرية
جَواد:انتي عبالي انتهى كل شي بهاي البساطة
ملك:اي انتهى كل شي انتقامك خلص بالنسبة لي اعتقد دفعت الثمن وخلص كل شي انتهى
جَواد:مو بهاي البساطة تطلعين هيج
ملك:لا تخاف مراح طلع فارغه من انتقامك اخذت شي مهم مراح يخليني انساه انتقامك ابدا
جَواد:شنو يعني
ملك:مو مهم شنو المهم نفذ الي طلبته منك
نهضت و وقفت امامي
ملك:اني صار لازم اروح اتمنى تستعجل بالقضيه
تركتني وذهبت ولا زالت مصدوم من اين حصلت ملك على النقود كيف....
ملك ⬛
ملك:شكراً لك جلال انت انقذتني من مشكلة صعبة
جلال:ولو ما سويت شي تدللين
اية:لج هذا مو شخص عادي هذا اخوية العزيز ماكو شي صعب عليه
ملك:اني راح احاول ارجعلك الفلوس
جلال:خليه على كيفج اصلا اني ما مستعجل عليهن
اية:زين شوكت يطلع عمي ما كال
ملك:طلبت من المحامي يمشي بالقضية وان شاء الله عن قريب يطلع
جلال:ان شاء الله
اية:زين وقضية الطلاك
ملك:هاي هم راح تنحل واخلص
اية:يعني كل مشاكلج راح تنحل
ملك:ان شاء الله هيج واخلص
اية:اكيد راح تخلصين
وضعت يدي على بطني
ملك:ونعيش اني وابني حبيبي بدون مشاكل
جلال:انتي تستاهلين كل خير
ملك:والله ما اعرف شنو ارد لك المعروف
جلال:من يجي وكتها راح اطلب منج تردي
ملك:واني جاهزة ....
افنان ⬛
عاد جَواد من الخارج وكان شكله حزين وكنت اتحدث معه ولكنه لا يجب علي وتركني وذهب الى غرفته لحقت به كان جالس على السرير دخلت وجلست بجانبه
افنان:جَواد
التفت إليه
جَواد:خير امي
افنان:شبيك
جَواد:ما بيه شي
افنان:شلون ما بيك شي وشكلك ضايج
جَواد:ضايج؟ اي طبعاً ضايج لان ملك قررت تطلك وتدفع ديون ابوها كلها
افنان:شنو
جَواد:اي عبالها اذا طلبت الطلاك ودفعت ديون ابوها راح ينتهي كل شي بس لا مو بهاي السهوله اعوفها ترتاح
افنان:شنو واني عبالي انت ضايج لان راح تطلك وتعوفك وانت تفكر بالانتقام
التفت إليه
جَواد:وليش حتى اضوج على مودها منو هاي حتى ضوج عليها
افنان:عبالي تغيرت بس انت ما تتغير راح تبقه مثل ما انت
