ملك ⬛
لم اصدق ما رأيته امامي لقد رأيت جَواد امامي وبجانبي كيف حصل هذا من اين ظهر لي وماذا سيحدث الان ماذا اذا طلب مني اسقاط الجنين كانت تلك الاسئلة تدور في راسي كثيراً لا استطيع التحمل ذهبت الى غرفتي لكي ارتاح قليلاً تمدد على السرير وانا اضع يدي على بطني لكي اتحدث مع طفلي
ملك:مراح يصيرلك شي مراح اسمح اله يأذيك لا تخاف حبيبي امك يمك
اغمضت عيناها لتنام قليلاً وفي اثناء نومها رودها حلم مخيف جداً كانت تحلم بانها جلس في حديقة كبيرة ومليئه بالورود والاشجار الجميله وكان ابنها بجانبها يلعب بعيداً عنها ويعطي لها ظهره
ملك:حبيبي لا تروح بعيد تعال العب هنا
لم يرد عليها واصبح يبتعد عن المكان كثيراً
ملك:تعال وين رايح
اختفع من امام عينيها نهضت لكي تبحث عنه
ملك:حسن وينك ابني وينك
كانت هذه اول مرة تنادي الطفل باسمه
ملك:ماما وين رحت حسن
كانت هناك اشجار كثيرة حولها وكانت تركض بين الاشجار وهي تبكي وتنادي على طفلها وفجأة ظهر لها شيء على الارض من بعيداً ذهبت تركض باتجاهه عندما وصلت انصدمت بالذي رأيت كان طفلها على الارض الدماء كانت تغطي وجهه بالكامل صرخت بأعلى صوته
ملك:ابنـــــــــــي
فزت من الحلم وهي لا تزال تصرخ فتحت عيناها لتجد نفسها في الواقع وكان كل هذا حلم وضعت يدها على بطنها
ملك:الحمدالله جانت اتحلم دخيلك يالله
انفتح الباب ودخلت مريم تركض
مريم:ملك حبيبتي شبيح
ملك:ما بيه شي لا تخافين
مريم:شنو صار حبيبتي شفتي حلم
ملك:اي خالة وجان حلم يخوف
رمت نفسها في حضنها
ملك:خالتي خايفه لا يصير بالطفل شي خايفه ياخذون ابني مني
مريم:شنو هذا الحجي يعمري محد يكدر ياخذه منه
ابعدتها عنها لكي تتحدث معها
ملك:لا تخافين حبيبتي كل هذا حلم محد يكدر يسوي بيه شي لا تخافين من شي نامي هسة وهدي
ملك:قررت شنو اسمه
مريم:صدك شنو قررتي
ملك:حسن راح يكون اسم ابني
مريم:حسن على اسم ابو جَواد
ملك:اي على اسم عمو حسن
مريم:كلش حلو عجبني يله هسة نامي وارتاحي
ملك:تصبحين على خير
مريم:وانتي بخير حبيبتي
اما من جانب آخر كان جَواد يحكي لهدى قصته مع ملك
هدى:او يعني ملك نفسها البنيه اللي جنت تضوج من تسمع باسمها
جَواد:اي هي
هدى:بس اني حسب ما شفتها بهاي الايام خوش بنيه وحبابه يمكن تغيرت وهاي جانت تصرفات طفولية يعني اي واحد ممكن يغلط
جَواد:اني جاي احاول اقنع نفسي بهذا الحجي واكول جانت صغيرة اجي احاول ابرر الها اللي سوته
هدى:مدام انت جاي تبرر لها معاناتها انت بعدك تحبها وتخاف عليها والدليل زواجك منها لا تكلي تزوجتها على مود الانتقام وما اعرف شنو انت جنت تحاول تقنع نفسك بهذا الكلام بس من جواك انت بعدك تريدها ولهذا السبب تزوجتها صح ؟
نظر إليها بحيره
هدى:شبيك محتار
جَواد:ما اعرف شنو اجاوبج
هدى:جاوبني بالشي اللي كلبك يكول عليه
جَواد:كلبي يكول اريد اروح احجي وياهه
هدى هههههههههه اصبر شوي باجر الصبح اخذك هسة الدنيا ليل
جَواد:خوش لعد راح اروح انام حتى يجي الصبح بسرعة
هدى:ياعيني مستعجل
في اليوم التالي
ملك ⬛
استيقظت الساعة العاشرة صباحاً غيرت ملابسي ونزلت الى الاسفل كانت خالتي مريم تتناول الفطور في الحديقة ملك:صباح الخير
مريم:صباح النور حبيبتي تعالي اكعدي تريكي وياي
جلست امامها واصبحت اتناول الطفور ونظر الى مزرعة جيراننا لانني اعلم بانه جَواد هناك
مريم:شبيج
ملك:اها ماكو شي
مريم:كملي الاكل مالتج
ملك:اي
جَواد:صباح الخير
التفت ورأيته يقف امامي ويرسم على وجهه ابتسامة وهذا اول مره ارى يبتسم بهذا الشكل نهضت خالتي والقت التحية عليه
مريم:صباح النور اهلا وسهلاً ابني
جَواد:اذكرتيني
مريم:طبعاً لعد شلون
التفتت لي
مريم:ملك حبيبتي هذا الشاب اللي حجيتلج عنه البارحة وهاي ملك بنت اخويه
ضحك
جَواد:ماكو داعي تعرفينه عليها لان اني اعرفها
مريم:شو؟
جَواد:اي ملك مرتي
مريم:مرتك يعني انت جَواد
جَواد:اي اني جَواد حسن زوج هاي المهزومه
ملك بعصبية:لا تكول مهزومه اني ما انهزمت
جَواد:اذا ما انهزمتي لعد ليش رحتي
ملك:رحتي حتى ارتاح شوية
جَواد:وليش اني ما ادري بيج حامل
ملك:هذا الموضوع يخصني انت ما لك علاقة
جَواد:لا والله شلون ما الي علاقة ليش اني مو ابوه
ملك:لا
نهضت وتركته ودخلت إلى المنزل واقفلت الباب
جَواد ⬛
تركتني ودخلت إلى المنزل بقيت واقفاً في مكاني
مريم:شبيك واكف
جَواد:شسوي لعد
مريم:روح طب للبيت احجي وياهه
ابتسمت وذهبت الى المنزل فتحت الباب ودخلت اصبحت ابحث عنها كان منزل صغير ولكنه مرتب ونظيف من الداخل ذهبت الى الاعلى عندما اقتربت من احدى الغرف سمعت صوتها تبكي فتحت الباب ودخلت عندما رأتني غضبت وطلبت مني الخروج
ملك:انت شتسوي هنا امشي اطلع برا
جَواد:لازم نحجي
ملك:ما عندي حجي وياك اطلع برا
جَواد:مراح اطلع منا قبل ما نحجي كل شي
ملك:،ماشي لا تطلع اني طالعه
ارادت الخروج ولكني اقفلت الباب
ملك:انت جاي شتسوي
جَواد:كلتلج مراح تطلعين لازم نحجي
ملك:واني ما اريد احجي وياك ما تفتهم انت
جَواد:بس اني اريد
ملك:جَواد افتح الباب خل اطلع
جَواد:ممنوع
ملك:هو شنو اللي ممنوع
جَواد:مراح تطلعين
ملك:راح تحبسني بالغرفه
جَواد:اي
ملك:مثل ما حبستني بالقبو
ابتسمت لاستفزها
جَواد:بس هاي المرة اني وياج
ملك:واني اموت ولا ابقى يمك
جَواد:بس انتي مضطرة اذا ما تسمعيني مراح تطلعين منا
ملك:ماشي خليك
جَواد:يعني احجي
ملك:لا تحجي شي ما اريد اسمع
تركتني وذهبت تجلس على السرير كان شكلها جميل وهي غاضبه اقتربت وجلست بجانبها على السرير
ملك:هاي وين كاعد كوم
جَواد:وين ترديني اكعد
ملك:وين ما تريد تروح روح بس لا تتقرب مني
جَواد:اني ما متقرب منج شبيج خايفه
ملك:ومو كلك خايفه
بقينا صامتين نصف ساعة كنت انظر لها وهي لا تنظر إليه حتى وبعدها نهضت ووقفت امامي وهي تضع يدها على خصرها
ملك:جَواد انت ليش جاي تسوي هيج
جَواد:لان اريدج تسمعيني
ملك:وشنو راح تحجي
جَواد:يعني قررت تسمعيني
صمتت قليلاً وثم قالت
ملك:تمام خلصني شنو راح تحجي
نهضت اقتربت منها وامسكت وجلسنا على السرير نهضت وركعت امامها وامسكت بيدها
جَواد:ادري انتي هسة زعلانه مني وشنو راح احجي مراح تصدكين بيه بس اني جاي اتعذب من غيرج هواي شغلات جانت بداخلي بس ما جنت منتبه عليها بس من رحتي حسيت بيها غيابج اثر عليه هواي صار عندي فراغ بحياتي صرت اتخيلج بكل مكان بالبيت حتى بالشغل ما جنت اعرف ليش جاي يصير وياي هيج يمكن مراح تصدكين بس اني فعلاً احبج اني احبج ملك
لم تقل شيء كانت تنظر إلي فقط
جَواد:يمكن انتي هسة ما مصدكتني وعبالج راح اسوي بيج مثل هيج المرة بس فعلاً اني احبج صدك كلشي حجيته الج بهذيج الليلة جان من كلبي بس جنت رافض اعترف بمشاعري لان احس بالذنب باتجاه ابويه بس بعد ما اكدر اتحمل ابقي مشاعري بداخلي اني احبج ملك احبج من اول يوم اجينه يبه على بيتكم وشفتج بيه احبج من اول مشكلة سويتها احبج حتى وانتي السبب بموت ابويه احبج حتى وانتي السبب بدمار حياتنا احبج ومستعد انساه كلشي ونبدي من جديد اني وياج وابنه
ما تزال صامته وتنظر إلي
جَواد:كولي شي ملك لا تبقين ساكته هيج
ملك:خلصت
جَواد:اي خلصت
ملك:روح هسة
جَواد:شنو
ملك:انت طلبت مني اسمعك وهاي سمعتك هسة روح
نهضت من الارض
جَواد:ماشي
فتحت الباب تركته المنزل وذهبت
افنان ⬛
اتصلت على اختي نوال لكي تطمئن عن اخبار جَواد
افنان:الو
نوال:الو اهلا افنان شلونج
افنان:الحمدالله انت شلونج
نوال:بخير
افنان:جَواد شلونه شخباره
نوال:الحمدالله اكلج
افنان:كولي
نوال:طلعت مرت جَواد هنا
افنان:شنو؟
نوال:اي مرت جَواد طلعت جيرانه واحنا ما ندري
افنان:ملك يمكم
نوال:اي البارحة شافها جَواد وعرفها ومو بس هيج طلعت حامل هم وراح تجيب
افنان:لج شنو هذا الحجي
نوال:معقول انتو ما تدرون
افنان:لا سمعت هذا الحجي هسة منج زين جَواد وين
نوال:طلع من الصبح راح يحجي وياهه
افنان:طيب سدي التلفون واني بعدين اتصل بيج
اقفلت الخط واتصلت على جَواد
جَواد:الو
افنان:الو جَواد شنو هذا الخبر اللي سمعته صحيح لكيت ملك وهي حامل
جَواد:اي صحيح
افنان:شلون صار هيج
جَواد:تعبانه هسة بعدين احجي وياج
افنان:شكو يمه شنو صاير
جَواد:ما صاير شي لا تخافين اني بس ارتاح واخابرج
افنان:ماشي حبيبي انتظرك
جَواد:مع السلامه
افنان:مع السلامة
اقفلت الخط دخلت إلى غرفة جوليا كانت تتحدث مع اريج اردت أن اغضب اريج
افنان:عندي لكم خبر بلكت تفرحون شوية
امير:شنو
افنان:جَواد شاف ملك هناك بالقرية
نهضت اريج مفزوعه
اريج:شنو؟
افنان:اي
امير:صدك شلون صار هيج
افنان:مو بس هيج ملك طلعت حامل
امير:حامل
انظرت الى اريج وجوليا لا يبدوا عليهن الدهشة يبدوا بانهم كان يعلمون بالامر من قبل
افنان:غريبة اشو محد تفاجئ بيكم
جوليا:شنو
افنان:مثل كأنه تعرفوا بالموضوع من زمان
اريج:لا طبعاً
نهض امير ونظر الى جوليا
امير:انتي جنتي تدري
جوليا:لا من وين ادري
امير:لا مثل ما كالت خالة افنان محد بيكم تفاجئ من الموضوع
جوليا:هذا لان ما يهمنا الموضوع
امير:ميهمج مو لج شنو انتـــــــــــي
فزع الجميع من صراخ امير
جوليا:شبيك تصرخ عليه
امير:لج شنو انتي لهل الدرجه حقدج وصل ليش ما كلتي لاخوج
جوليا:شنو اكله واني شمدريني
امير:لا تجذبين انتي تدرين بكل شي
صمتت لم تقل شيء
امير:كل المصايب جاي تجي بينا بسببج اذا البنيه صار بيها شي راح اطلكج والله اطلكج
ترك الغرفه وخرجت بقيت جوليا تبكي اقتربت منها
افنان:ليش هيج جوليا ليش ابدا ما جنت متوقع منج تسوي هيج
كانت تبكي
افنان:هذا اخوج معقول حاقده عليه هيج
جوليا:اني ما حاقده عليه ليش احقد عليه هذا اخويه اغلى شي عندي
افنان:اذا هو هيج بالنسبة لج ليش ما حجيتي شي ليش بقيتي ساكته وانت جاي تشوفينه يتعذب هيج
جوليا:لان هاي وحدة ما تستاهل بسبب هذيج العائلة احنا تدمرت حياتنا
اريج:انتي جايه تزيدين المشاكل
افنان:انتي اسكتي لا تدخلين هذا الموضوع عائلي ما يخصج
نظرت الى جوليا
افنان:الماضي راح وانتهى اطلعي منا لا تبقين عايشه بيه
جوليا:شلون ترديني انساه بابا
افنان:ما كلتلج انسي بس حاولي تعيشين حياتج وطلعي هذا السواد اللي بداخلج وارجعي جوليا القديمة الي ما جانت تأذي احد وتحب كل الناس انتي اذا تبقين هيج راح تخسرين كل شي زوجج واخوج وحتى بنتج هم
تركتها وخرجت
اريج ⬛
خرجت افنان وبقينا انا وجوليا كانت تبكي
اريج:معليج بيها لا تهتمين
جوليا:كلامها صحيح كل شي جاي يصير بسببي
اريج:شنو هذا الحجي انتي شعليج
جوليا:اي بنتي راح تموت بالسبب الحقد الي بداخلي
اريج:شنو هذا الحجي حياتي هي هاي افنان من تحجي تخربط لا تهتمين الها
جوليا:كلامها صحيح لازم ارجع اعيد حساباتي قبل ما اخسر كل شي ما اريد جَواد يكرهني ولا امير يعوفني ما عندي احد غيرهم
اريج في نفسها:الله ياخذج افنان راح تخربين حياتي بسبب تفكيرج التافهه
الساعة الثانية بعد منتصف الليل استيقظت مريم على صراخ ملك نهضت وذهبت الى غرفتها
مريم:ملك شبيج حبيبتي
ملك:الحكيني خالة راح اموت ااااه
مريم:شنو صارت عندج الولادة
ملك:ساعديني الله يخليج اااااه
مريم:شسوي هسة وين اروح
ملك:راح اموت خالة ساعديني
مريم:ابقي هنا هسة اجي
مريم ⬛
خرجت من المنزل وذهبت الى بيت ام هدى لانني اعلم بان جَواد يسكن هناك طرقت الباب وبعد لحظات فتحت لي نوال الباب
نوال:شكو شبيج
مريم:وين جَواد خل يجي بسرعة ملك راح تولد هسة
جَواد:شنو
كان يقف امام السلم
مريم:امشي بسرعة ناخذها للمستشفى انا وياك
خرج يركض من المنزل هو يرتدي ملابس النوم بجامه وتيشيرت ركبنا في سيارته وذهبنا كان يقود السيارة بسرعة وصلنا الى المنزل خرج منها يركض ذهب الى غرفة ملك مازالت تصرخ بسبب الالم اقترب منها
جَواد:ملك حبيبتي شبيج
ملك:ساعدني راح اموت اااااه
جَواد:اتحملي ياعمري هسة راح اخذج للمستشفى
حملها واخرجها من المنزل وضعها في السيارة
مريم:اجي وياكم
جَواد:لا ماكو داعي اذا صار شي اني اخابرج
جَواد ⬛
اخذتها وذهبنا الى المستشفى كانت طوال الطريق تمسك بيدي وتصرخ لدرجة بأنها خدشت يدي بسبب الوجع يبدوا بانها تتألم كثيراً لا أستطيع أن اتحمل صراخها اصبحت اقود السيارة بسرعة كبيرة وبعد نصف ساعة وصلنا المستشفى اخذوا الى غرفة الفحص الطبي وانا دخلت معها كانت الطبيبة تقوم بفحص الجنين وبعد ربع ساعة توقف ملك من الصراخ لقد خف الالم
الدكتورة:شلون صرتي هسة
ملك:ما جاي احس بوجع
الدكتورة:طبيعي لان نطيتج مهدئ للالم لان بعد وكت على الولادة
جَواد:اذا بعد وكت لعد شنو سبب هذا الوجع
الدكتورة:،هاي الامور طبيعية لان هذا اول طفل الج وجاي تجيج تقلصات قوية لان الطفل يريد يطلع
جَواد:لعد ما يطلع شنو منتظر
ضحكت الدكتورة
الدكتورة:لازم تصير عدها ولادة حتى نكدر نطلع الجنين وهذا الشي محتاج مساعدتك
جَواد:ساعدتي بشنو
الدكتورة:لازم تكثرون العلاقات الزوجية بينكم حتى يجي الطفل بسرعة
نظرت الى ملك وابتسمت احمر وجهها من الخجل و دارت وجهها الى الناحية الأخرى خرجنا من المستشفى وركبنا بالسيارة وذهبنا مازالت ملك لا تنظر إليّ بسبب خجلها
جَواد:خوش دكتوره هاي وعراقية من وين عرفتيها
ملك:خالتي تعرفها
جَواد:اها الطفل مستعجل يريد يجي
ملك:اسمع زين لا تحاول تفكر تسوي الشي الي كالت عليه الدكتورة
جَواد:ومنو كلج اني مفكر اسوي هيج
ملك:خوش اني اصلا مو مستعجلة عليه خليه شوكت ما يجي يجي
جَواد:اكو وحدة ما تريد تشوف ابنها
ملك:اي اني اعرف شنو قصدك لا تحلم بهذا الشي جَواد
جَواد:هاي شبيج انتي يعني اذا اريد خاف منج
ملك:اها جرب وشوف
جَواد:لا تنسين انتي مرتي وهذا من حقي
ملك:اي مو اني لعبه عندك شوكت ما تريد تكول مرتي اه
جَواد:شكو شبيج
ملك:رفسني حيل ابن...
جَواد:حيل لان تحجين عليه ابني ما يقبل تحجين على ابوه
وصلنا الى المنزل فتحت باب السيارة اردت ان تخرج ولكنني اوقفتها
جَواد:ملك
ملك:نعم
جَواد:تأخر الوكت هسة وعيب ارجع للبيت بهذا الوكت
ملك:اي والمطلوب
جَواد:ابقى يمج بالبيت وباجر اروح لان عيب
ملك:روح للبيت جَواد
جَواد:بهيج وكت
ملك:اي عادي ما يحجون
جَواد:بسيطة
خرجت من السيارة دخلت إلى المنزل
ملك ⬛
عندما دخلت إلى المنزل كانت خالتي مريم تنتظرني
مريم:ملك حبيبتي اجيتي
ملك:اي تكول الطبيبة ماعندي ولاده هسة
مريم:لعد شنو هذا الوجع الي صار
ملك:،تكول هذا الشي عادي يصير لان هذا اول طفل
مريم:اها وجواد وين
ملك:وين يعني راح للبيت
مريم:ليش ما خليتي يجي
ملك:وين يجي
مريم:شنو وين غير هنا بنتي ميصير هيج
ملك:عمتي ارجوج
مريم:يابنتي ميصير هيج الولد يحب لا تعذبيه هيج
ملك:ما اريده
مريم:شنو ما تريدنه هو الموضوع لعب وبعدين انتي ما شفتيه شلون جان خايف عليج حتى اجه بالملابس مال النوم كله على مودج وانتي
صمتت لا اعلم بماذا اجيب اريد ان اعطيه فرصة ومن ناحية اخرى لا استطيع أن انسى ما فعله بي
ذهبت الى غرفتي لكي نام وفي الصبح اليوم التالي استيقظت على صوته نهضت بسرعة غيرت ملابسي ونزلت الى الاسفل كان يتحدث مع خالتي
ملك:انت شتسوي هنا
مريم:هاي شبيج بنتي هاي بدل ما تكولين صباح الخير
ملك:لا صباح ولا فلاح انت شتريد جاي من الصبح
جَواد:على منو اجيت غير عليج
ملك:واني ما اريدك تجي عليه روحي
مريم:ملك شبيج انتي خبله
ملك:اذا ما يطلع راح اصير خبله صدك
جَواد:اي صيري عادي
ملك:جَواد لا تختبر صبري احسلك
التفت إلى خالتي
جَواد:خالة انتي مو جنتي تردين ترحين يم خالتي
مريم:اي
جَواد:،ماشي روحي واني راح ابقه يم هاي الخبله
مريم:ماشي سلام
ملك:تعالي هنا وين رايحه
خرجت خالتي واقفل الباب جَواد ودخل ملك:جَواد شنو هاي التصرفات
جَواد:شبيج
ملك:انت شتريد
جَواد:اريدج تسامحيني
ملك:مراح اسامحك روح جَواد
جَواد:مراح اطلع منا لحد ما نحل كل شي
ملك:شنو نحل فهمني
جَواد:نحل مشاكلنا و تسامحيني
ملك بعصبية:على شنو اسامحك على الذل و الاهانه والعذاب الي شفته وياك تزوجتني بالغصب وسويتني خدامة وحبيبتك وكعدتها يمي وما كفاك هذا رحت نمت وياهه بالبيت الي اني موجودة بيه وكدام عيني اشوف الحب الغزل مالتكم لو اسامحك على استغلاك لمشاعري مثلت عليه دور الحبيب حتى تقضي ليله وياي على مود انتقامك
جَواد:اني ما سويت هيج على مود الانتقام اني احبج صدكيني
ملك: ما اكدر صدك بيك صدكتك مرة وخليتني اندم عليه بعد ما اريد اندم
جَواد:حقج ما تصدكين بيه لان اني عذبتج هواي وخليتج تندمين بس انطيني فرضه واحدة ارجع اوعوضج على كل شي
ملك:ما اكدر انطيك روح جَواد
جَواد:ماشي اني رايح واعودج مراح ازعجج مرة ثانية اذا انتي تردين هيج
جَواد ⬛
فتحت الباب وخرجت من منزلهم كنت اسير في الطريق وفجأة سمعت صوتها
ملك:جَـــــــــــواد
التفت و رأيتها تقف امامي اقتربت مني ملك:ابني يريد يجي على الدنيا بسرعة واني هم اريد اشوفه
جَواد:شنو ؟
ملك:يعني... الدكتورة البارحة شنو كالت جَواد:شنو كالت شبيج انتي
كنت اعلم ماذا كانت تقصد ولكنني اريد اعذبها قليلاً
ملك:هاي...
جَواد:وضحي شنو تريدين لان اني مستعجل اريد اروح
ملك:ماشي روح
تركتني عادت إلى المنزل قبل أن تقفل الباب امسكت به بيدي لكي امنعها نظرت إلى عيناها وانا ابتسم
جَواد:واني هم اريد اشوف ابني بسرعة اقتربت منها و احتضنتها وأنا اتنفس رائحتها جميلة
ابتعدت عنها ونظرت إلى عيناها وضعت يدي على وجنتيها
جَواد:احبج
ملك:احبك
اقتربت مني و وضعت شفتاها على شفتاي وقمت بتقبيلها بشغف واصبحنا نتبادل القبل حملتها بين ذراعي وذهبنا الى الاعلى ونحن لم نفصل القبله فتحت الباب ودخلنا وضعتها على السرير واقتربت منها نظرت الى عيناها زرقاء والى شفتاها الجميلة
جَواد:انتي لي ملكي اني وبس
ابتسمت واقتربت مني تسللت يدها لتفتح زرار القميص وتخلع القميص عني ملك:وانت هم ملكي الي وبس
اقتربت اكثر وقبلتها من شفتيها ونزلوا الى.....
اصبحت الساعة التاسعة مساء كانت ملك نائمة نهضت من السرير ارتديت ملابسي ونزلت الى الاسفل لم اجد خالة ملك يبدوا بانها سوف تبقى الليلة هناك دخلت إلى المطبخ اردت أن اعد لها عشاء ولكنني لا اجيد الطهي كان امامي كتاب الطهي اصبحت اتصفح عن الاكله المناسبة
فتحت الثلاجة وجدت لحم مفروم وسمك اخرجتهم معاً امسكت السكينه واردت تقطيع السمك ولكن اوقفني صوت ملك
ملك:لك جاي شتسوي
جَواد:انتي شوكت كعدتي
ملك:قبل شوية همزين
جَواد:ليش
ملك:ولا جان خربت السمج
جَواد:فوك ما اسويلج اكلك
ملك:اذا انت ما تعرف ما تسوي
اقتربت مني
ملك:وخر خل اني اسوي
جَواد:ردت اجهز الاكل واخذه الج بس الغلط مني فوك ما اسوي زين وياج
ملك:اوكي تعال ساعدني
جَواد:ما اريد ساعدي نفسج بنفسج
ملك:هههههههههه
كانت ملك تحضر الطعام وانا كنت اجلس امامها وانظر إليها وبعد نصف ساعة جهز الطعام واصبحنا نتناول معا
ملك:اشو خالتي تأخرت
جَواد:اعتقد بقت هناك يعني تركت لنا البيت
ملك:اها
جَواد:اي يعني اليوم سهره للصبح الا اخليج باجر تجيبين
ملك:هههههههههههه
جَواد:اي اضحكي هسة بعد شوية خل نشوف منو راح يضحك
توقفت عن الضحك ونظرت إلي بجدية
ملك:اها صدك انت شلون عرفت بمكاني يعني شلون اجيت
جَواد:اني ما اجيت على مودج اساساً ما جنت ادري بيج انتي هنا
ملك:لعد ليش اجيت
جَواد:اجيت على مود اخذ الدكتور على مود بنت جوليا جوان
ملك:شبيها
جَواد:بيها سرطان الرئة
ملك:شو
