الحرمان

الجزء الاول

#ملاحضه القصه منقوله

قصي-مرحبا وياكم نقيب قصي متزوج من لمى من  شهرين وزوجتي خطبتها خطبه نسوان شغلي كل 10ايام انزل يومين تبدي قصتي منا
قصي- السلام عليكم ها شونج خوما ضجتي وحدج
لمى- لا عادي تلفزيون وتليفون مخلصه وكتي
قصي- شمسويه اكل
لمى- ممسويه عبالي مراح تجي
قصي- يله تبدلين بين مااسبح نطلع
لمى- اوكي حبدل
بدلنا وراح نطلع هو حباب بس اني مااحبه احب غيره وامي مقبلت كلتلي هذا مرتاحتله حالته الماديه ونقيب
اني مقطعت علاقتي بحيدر بقيت احاجي بالتلفون ونوبات يجي للبيت من قصي موموجود
علاقتي بيه صارت علاقه ............
لاني تزوجت بعد وكان ميتحمل ولا اني اسيطر على مشاعري فانجرفت وادري هالشي حرام بس اني احبه وهو يحبني قصي جدا حنين وممقصر بشي ويايه بس اني احب حيدر حتى من كان قصي يقربلي اضوج
قصي- حاولت وياها شتى المحاولات هي بارده واني استغرب ليش هيج  احب البنيه تكون رومانسية  مثلي لاخليت حب  لاكلام غزل ومع العلم هي سمينه كلش وشعرها كيرلي واني احب العكس احبها رشيقه وشعر سرح بيضاء وياريت لو عيون ملونه
بس والدتي اختارتها لان امها صديقه امي والبنيه اخلاقها حلوه ومرتبه ونضيفه فمومشكله الجمال اني شكلي احلى منها بهواي حتى جماعتي القريبين مني كالولي واني متاثرت
بهالكلام المهم كنت مدللها مده 3اشهر مع العلم يومين يمها و10بالخدمه خفر
اليوم حطلع اروح للواجب كانت الساعه ال8مساءا حضرتلي جنطتي وطلعت بستها من راسها وتوكلت على الله
كان مقرر ابقى 10ايام كالعاده
وصلت المقر فاجاني اللواء بانني ترقيت وصرت الزم مركز المنطقه الساكن بيها وبعد مااطلع خفر حكوم اطلع ب5وارجع ب9ارتاحيت وكيفت رجعت بعد ساعتين للبيت فتحت الباب لكون عدي المفتاح دخلت وجنت اسمع اصوات من غرفه النوم تقربت من باوعت لكيت لمى وي ولد وصوتها طالع تخبلت رجفت ارتجيت عالحايط كانما احلم لزمت سلاحي ردت اكتلهم  رجعت ليوره لزمت تلفوني اتصلت باخو لمى كان قريب من بيتنا بيتهم كتله تعال للبيت حالا وعرف من رجفه صوتي اكو شي ثواني  وصار يوسف اخوها يمي
قصي- حبيبي هاي اختك همست دتخوني مثل متشوف تريد اكتلها اني لو انت تنضف عارك اخوها احواله تخربطت جر سلاحي وضربها صارت بضهرها وماتت راسن والولد كتله براسه وهم مات لحضه صمت واني تخربطت محسيت بنفسي من الصدمه
كعدت وامي يم راسي تبجي كمت يوم شبيج
تذكرت كلشي  خليت ايدي على راسي يمه انفضحت مو
امي- لا يمه محد يدري لملمنا السالفه وكلنا هجمت عصابه واتفقنا وي القاضي انه بيناتنا تصير المحكمه وحكمو انه الحكم دفاع عن الشرف وباجر الفصل ببيت ابوك انت ضل مرتاح صارلك اسبوع حرارتك متنخفض
قصي- يوم كوميني شغلي شون
امي- يمه اجه اللواء الله ينطي وفهمنا السالفه ونطاك اجازه شهر
قصي- احس جسمي مكسر
امي- طبعا حبيبي صارلك اسبوع هالمغذي متصحى
قصي- كمت على حيلي واحس بدوخه كوه امشي دخل وياي اخوي لؤي للحمام سبحني خطيه وطلعت ارتاحيت اكلت وارتاحيت حسيت روحي احسن بس بيه شي تغير
اتذكر والموقف كدامي واتذكر صوتها عرفت هي كانت تحبه قبلي مبين من نشوتها وياه
وبرودها ويايه طلعت الحديقه اهون على نفسي منتهت الدنيا
ثاني يوم الفصل كان والدي موجود ووالدها واخوتها واخوتي كان والدها متزوج 2وحده بالعرب متزوجها ال2والاولى نفس منطقتنا اللي هي ام لمى
والدي -يعني اني نفسيه ابني ادمرت شون حيتزوج بعد شون حيكون حياته
والد البنيه- استروا على عرضنا واني عدي بنيه ثانيه وباجر اجيبها اله ازوجها اله وبعدها صغيره عمرها 16سنه ومتربايه ومحد شايف ضلعا ومتطلع الا بنقاب
والدي- وشنو اليضمن انه متخونه مثل اختها
والد البنيه- هذا الاكدر اقدمه وداخل عليكم بعرضكم استرو علينه اني عدي ولد وعدي بنات متزوجات اذا الموضوع انفضح بناتي كلهن يتطلكن
والدي- هاهي جيب البنيه باجر وتعال واشوف ابني شيكول
والدها - اذا مقنع اني انزل على رجله اتوسل بي
والدي- والله ابو يوسف انتو احسن ناس بس مع الاسف بنيه ركبتكم العار
ابو البنيه- دنك مدمعه عينه
لوي- خويه الفصل خلص يجيبولك اختها باجر
بعدها 16سنه
قصي- ماعدها خوات كلهن متزوجات
لوي- عدها بالعرب يكلك منقبه ومحد شايفها تربيه عرب بعد
قصي- بعد مااامن حتى بروحي مااريد
لؤي- خويه خطيه ابوها حالته حاله اقبل واذا هاي فتره وطلكها خلي نلم الموضوع خطيه ضل يبوس بايد ابويه يكله اني عدي بنات متزوجات اذا انفضح الموضوع معناها خواتها يتطلكن
قصي- زين خلي نلم الموضوع وماريد اتزوج بعدمارررررريد
لؤي- خويه العالم شكت بالموضوع واذا مااخذت اختها معناها صح شكهم لان ميناسبك تاخذ وحده ثانيه
قصي- يارب انت تعلم جيبوها وامري لاالله بس لتلوموني باللي حسوي بيها
لوي- الله يهديك خويه بس هي مالها ذنب
قصي- فهمني ذنبي شنو تعبي ودلالي تالي تخوني بت ال-----
اكيد اختها نفس الشي
هاهي بعد ابويه نطه حجايه جيبوها الا اندمهم
بخاطر عكال ابويه اني حسكت تره جان فضحتهم
لؤي- طبطبت على ضهره خويه حبيبي انت اب شيوخ وتعرف العرض والشرف استر عليهم الله يستر على خواتنا
قصي- لؤي والله داحس روحي بجيت مكرن احس ماعدي شرف
لؤي- العار وطمينا بترابه والله يجازيها
قصي- تنهدت يارب اني مماذي احد بكل حياتي ولا ضالمً احد هيج يصير بيه
لؤي- بسته من راسه الله مع الصابرين
------
قريه محيسن الاهوار
لبنى- السلام عليكم اني بت شيخ ابو يوسف
احنه هنا عايشين بالعرب والدي تزوج والدتي لان هو شيخ عرب وامي جانت قبل والدي مكطوعه مهر لرجال وهالرجال مات وضلت امي بله زواج فلازم واحد من شباب العشيره يتزوجها ويستر عليها والدي ابو يوسف تزوجها لان كلش حلوه شكره وعيونهاملونه وكلش تنحب تبرع هو اليتزوجها والدي يمرلنا كل شهر يبقى كم يوم ويرجع اني ابد مااطلع بره مزرعتنا العايشين بيها وي بيت جدي اهل امي انه ازرع واحصد وي جدي وخوالي ومااطلع بره المزرعه ابد ولو استوجب البس نقاب احنا هي العرب عيشتنا عدنا عادي نسواننا تنهدي للرياجيل وهالشي فخر النا لان لو مو خوش رجال مايهدونا اهلنا
وعدنا المره ماتشوف رجلها الا ليله الدخله
خواتي اللي ببغداد ماشايفتهن بس اخوتي اعرفهم يجون وي ابوي احنا عدنا البنيه مايصير تروح وتجي للمله او المدرسه بس عرفت اقره قران هاهي بعد مايحتاج اداوم مع العلم جنت اشوفن صديقاتي يداومن بس انه خوالي وجدي وامي مايرضون وماجنت مهتمه المهمه كلمه اهلي تمشي انه جدا مطيعه واسمع الكلمه واصلي وخالي دومه يكلي انتي دره اليوم اجه اخوي يمنا وكعدني
يوسف- خويه لبنى شونج
لبنى- نعمه خويه الله يخليك وينه بويه ليش مااجه وياك
يوسف- خويه اني اريد احاجيج كدام امج انه اليوم ماخذج لبغداد ابوي هداج لرجال نقيب خوش زلمه وان شاء الله ترتاحين ويا واي شي اني اتكفل بس تخابريني واني كل يومين امرلج
ام لبنى- بنتي تروح لبغداد وتهدني وانه اضل ببحدي بجيت
لبنى- يمه ابوي ناطي حجايه انتي مو تكولين حجايه العشاير تمشى
امي- اي يمه صح
يوسف-كومي خويه بدلي الله يرضى عليج ياريت كل البنات مثلج
كلبي معصور عليها هاي لبنى حتتاذه وياه حيطلع قهر لمى بيها
ام لبنى- ضليت ابجي يوسف- لاتخافين خاله انه يمها نفس الفرع بيتي فرق كم بيت
ام لبنى- يمه اخيتك تزامط بيك لا تخليها هي تكول عدي اخوه يسدون عين  الشمس
ماخافن من دنياي
يوسف- متحملت دمعت عيني اباوع على طولها وشعرها غصن بان مااتمنالها هالقسمه بس شسوي الحقيره لبستنا العار لازم احجي وي قصي اول
يله اوديها
لبنى- يله خويه امشينا انه ماعدي شي بس تره مامحضره روحي لزواج فد نوب ماعدي شي
يوسف- انتي ست العرايس والله لجهزج جهاز يصفن
لبنى- بس انه عدي هيج اخوه الله يحفضكم الي ولبوي ترفعون راسه
جنت كلش خايفه من الزواج بس هاي سنه الحياه امي حفاركها وكاعي ومزرعتي وحلالي كل هاي حعوفها كلبي معصور هاي هي توكلت على الله ودعت اهلي وطلعت
وصلنا بغداد وودوني بيت ابوي ابد مارايحه لهناك انه كعدنا واجه سيد عقد وكلت اللي كالولي اكوله
وراها اخوي جابلي كومه غراض جهاز هو وزوجته تعرفت على مرت اخوي وعلى مرت ابوي جانت وجوههم شاحبه وتعبانين مرت ابوي كانت نايمه وتبجي مااعرف شبيها انه ماادخل بشي مايعنيني ببره ساعه اجه يوسف - يله خويه امشينا اوديج بيت زوجج
لبنى- جنت مقهوره لا زواج لاعرس لاذهب لان هي الهديه هيج تصير كلبي جان معصور بس جانت امي تكول هاي كلهن متكبر بخت ولاتريح المره وي الرجال مضاهر وامي تزوجت هيج بس ابقه بنيه وتعجبني هالسوالف
وصلني يوسف لبيت كلش حلو مرتب وبي حديقه باوعتلها وانه روحي بالحديقه دخلنا للبيت طلعنا وليد تعبان ووجهه اصفر عبالك مريض
يوسف- قصي هاي الامانه وصلت وهله هله بيها تره ماالها ذنب راعي الله بيها
قصي- باوعت ليوسف ولوحده ويا منقبه ممبين منها اي شي يصير خير باوعتله باستهزاء
يوسف- بست اخيتي من راسها خويه حبيبي صيري مطيعه لتنزلين راسنا
لبنى- راسك عالي خويه وان شاء الله ماقصر واخذها حجايه من اخيتك وعكال ابوك اله ارفع راسكم
قصي- سمعت حجيها قطبت حاجبي ام لسان ولهجتها مو من بغداد
يوسف- في امان الله خويه قصي ماوصيك بعد
قصي- شخبصتني مو كلنالك يصير خير
طلع يوسف وسديت الباب وراه التفتت ورايه البنيه بعدها بمكانه

فوتي عيني فوتي خل نشوف تاليها
لبنى- دخلت مدنكه وميته خوف مااعرف شون يحجي يمكن مارايدني دنكت وفتت وراه
قصي- التفتت عليها رفعت حاجب نزعي حجابج ونضفي البيت صار شهر وصخ وخلي هدومج بمكانهن لتضلين واكفه تحركي
لبنى- هزيت راسي ردت انزع النقاب خجلانه اقنع روحي صار رجلي
قصي- باوعتلها شفتها دتريد تنزع خجلانه ضجت واني روحي لخشمي واصله تقربت يمها شلت النقاب قوي بس تاذت بالرباط باوعت متفاجا على حسنها رجعت عالحايط الي جان ورايه مباشر باوعت بعينها شنو هاي ملزوك باذنج هو هذا هم حجاب
ضليت اباوع على شكارها شعرها مي وعيونها بلون المي وشوي نمش جوه عينها وخدود حمره قطبت حاجبي
امشي من وجي كملي شغل
لبنى- فزيت اي صار غريب امره كلش دخل للغرفه وانه كمت عالبيت كنس ومسح وغسل هدوم وشر بقت هدومي بالبقج اريد اخليهن بمكانهن مااعرف وين وهو دخل ماطلع بعد
من الغرفه
قصي- ممعقوله هاي اختها شايله حسن محمدي استغفر الله شون
حخلص منها