في يوم كانت نورا قعدا بتلاعب حنين و ادم جنبها ًبيلعب بلاي ستيشن، رن موبيل نورا(استني يانونه لحد ما رد علي بابا)و كانت مستغربة لانه كان لسه خارج هو و حنان مكملوش ربع ساعة، ردت نورا(الو ياحج لحقت وحشتك 😄) رد عليها صوت غريب(احم... انا اسف حضرتك تقربي ايه لصاحب الرقم ده)نورا ردت و هي مستغربة(انا بنته مين حضرتك؟! ) رد عليها الراجل الغريب(انا دكتور محمد، انا اسف بس والدك و مامتك عمله حادثة و للاسف مقدرناش نلحقهم) نورا بفزع وهي مش مصدقة انهم ممكن يروحوا منها بسهوله كده، ردت بصوت عالي(اه انا فهمت انت من الشباب التافهة اللي بابا بيمرنهم في المستشفي انت خدت موبيله علشان تعمل الاشتغاله الرخيصة دي.... صح قولي بليز الا انا قولته ده صح بابا كويس... )د. محمد بشفقة (يا انسة انا معرفكيش علشان اشتغلك، و لو مش مصدقاني تعالي علشان تستلمي الجثث و الحاجات اللي كانت معاهم من مستشفى(***) انا اسف اني بنقلك خبر زي ده سلام)وقفل السكة وهي مش مستوعبه انها خسرت اهلها، ياالله يعني كده خسرت اهلها، ده معدش ساعةعلي خرجهم، بحادثة تخسر الاتنين؟! هتعمل ايه؟! ازاي هتعيل اخواتها الصغيرين هي لسه يدوب مخلصة ثانوية عامة، ازاي هتعلهم لوحدها ؟!باباها وحيد، و مامتها عندها اخ واحد عايش في امريكا ومستحيل انها ترحله ...لما فاقت من الصدمة دخلت في حاله انهيار وقعدت تعيط جامد😭😭😭😭، ادم اتفزع وقام بسرعة راح عندها، ادم بفزع😲😲(مالك يانورا في ايه.. يابنتي مالك؟... ايه اللي حصل بس ماتخدنيش عليكي) نورا مش بتعمل حاجة غير انها عماله تعيط 😭😭،فجأة سمعوا جرس الباب ادم جري يفتح الباب علشان افتكر باباه و مامته رجعوا بس مكنوش هما، كانوا.....
-------------------- ------------------
كت لحد هنا ،انشاء الله هنزل بارت كل جمعة هي قصة صغيرة مش كبيره علشان كده البارت بيبقا صغير
دي اول كتاباتي فياريت اعرف ارائكم في البارت ده.
أنت تقرأ
يتيمة و لكن
General Fictionقصتى مش هدفها النهاية السعيدة و أن الابطال فى الاخر يتجوزا و يعيشوا فى تبات ونبات ،النهاية المعتادة لاي قصة ، لا. حبيت يكون فى القصة عبرة تفيد الناس ، تخلى كل واحد ميحسش ان انه لوحده و ان الدنيا جايه عليه ويعرف ان ربنا دايما عارف لينا الاحسن ، علشان...
