بعد العرس يمكن جان مار 10 ايام على زواج فطومه .. نزلت العصرية أتمختر كنت لابسه تراك أخضر اني جسمي ممتلئ مو ضعيف وماعندي اي زيادات طولي 167 سم عيوني سود وحواجبي كثيفه وشعري اسود بلون الليل وطويل يوصل تحت خصري لان بحياتي ما قاصته حنطاوية البشرة الحمدلله الناس عدهم حلوة... نزلت اسويه كيكة بالموز الي تحبه فاطمه الان من اجتنا لليوم اكله ضعيف وخجلانه دخلت للمطبخ اركع بالماعين .اجتني سحر مدري شكالت ولا سمعته اشاور نفسه غلست ورحت للحديقه جانت البارحه جايه الوجبة وبيه زيت محد مدخله لجوة دنكت طبعا اذكركم شنو جنت لابسة سيت اخضر حصاري بجامتة برموده ابو ثلاث قطع وشعري شادتة على طريقه (ذيل حصان) طالعه صاكه دنكت ع الكارتونه وخلفيتي على التواليت الخارجي حسيت بابه انفتح بس مدرت بال عبالي واحد من اهلي بس حسيت هذا الشخص ضل واكف اخذت البطل ووكفت درت وجهي وياريت مادرت وياريت انفتحت الارض وبلعتني . وجان اشوفلك الصااااك منو الصاااااك واكف ورايه ومصدوم بس عينة صاري صلفه الان ماحجه ولا تحرك ويباوع عليه يريد ياكلني بنظراته اني شردت بسرعه البرق نسيت البطل واكع ونعااالي الابيض هناك. ودخلت للمطبخ ارجف واريد ابجي على هذا الموقف المحرج . صعدت لغرفة فاطمه من غير ما أستأذن طبيت عليه لكيته نايمه ع جربياته ومكنكه ولا باله واني طايح حظي اخ احنه الحدايق شابعين ظيم .. كالت ها ولج اشبيج جنج شايفه جني.... طبعا ماحاسبتني لان جفتت .. اني الحكي علية فاطمه حموت
هي :: كامت من مكانه لان شكلي جان جاد ومااشاقه خافت ولج اشبيج خوفتيني ..
اني ولج شافني شافني
هي :منو
اني : امير اكو غيره مادري اشون شافني بالحديقة واني بهذا المنظر .
بقت صافنه هي :: عزة كولي واللله
اني : اي والله انوب جنت مدنكه يا فضيحتي كعدت فاطمه تهدي وتواسي بيه على حظي
نزلت لجوة ورحت لسحر كتله غير تحجين تكولين اخويه اهنا
هي : مو كتلج وانت غلستي
بالليل علي طلع مع جماعته لاول مرة بعد العرس واني اخذت حبشكلات وسيرت ع غرفه فاطمه ..
فاطمه : هنيال فد وحده عيني
اني :: شنو ولج على شنو
فاطمه : لا هيج
دنباوع فلم باليوتيوب وفجأء دك رقم غريب معرفه
هي : يوه وكته خرب علينا المشاهده يلا ردي ابسرعه
اني:: ماا افتح ع ارقام غريبه
هي : وجع يا متخلفه لسج ع عادتج السخيفه اجوز وحده من صديقاتنا ورقمه جديده ردي
اهنا خلص الاتصال كتله خلص
رجع دك وهم ضلت تحجي واني مرديت
وسكت وريه اشويه رجع دك اهنا فاطمه كالت جيبي خل افتح اني
اني :: لا لا حفتح اني
فتحت خط واسبيكر حتى اذا ماطلعت وحده من صديقاتنا تختنك فاطمه الحشرية
المتصل::: الووو
اللووو جان صوته يخبل ورجولي هادي
اني :: الو
هو: زينب؟؟
اني :: نعم منو وياي
هو؛ امير !!!!!!!!!!!!!!!!!!!!!!
تراتيل حواء
هو::::الو الو الو
اني: م م من منو وصوتي يرجف
هو :: اني امير اخو سحر و احلام
اني اهنا اجتني حالة الأنثوال سديت الخط.بوجهه وكعت الموبايل وكعدت ع السرير كوة اجر النفس .
فاطمة : عوبة اشبيج ليش هيج سويتي
فاطمه : هييييي نحن هنا ولج اشبيج
اني: الصااااك خابرني وفاتحه حلكي مثل الخبلة ههههههه
فاطمة : ولج اشبيج
اني :: ولج اول مسمعت صوته عرفته والله .. وكلبي دكاته احسه راح تطلع لبرة اي كلبي يوجعني فاطمه
فاطمة :: أهدي اهدي حياتي
اني :: اخ كلبي ونمت ع السرير
فاطمة :دك دك هذا هووو
وانطتنية الموبايل اني حالة الثول رجعت الي يكلك شمرت عليه صرصور مو موبايل شمرته ورجعته اله وكمت افتر بالغرفة يومه اخاف ارد
فاطمة : وج تعاي لا تفوتين الفرصه خل نشوف شريد كوة اخذت الموبايل
وجان تخلص المكالمة . عااااا فاطمة الحكي راحت الفرصة اهئ اهئ خرب حضي
فاطمة : اش اهدي لا راحت ولا شي هسه يدك
اني::اشدراج
هي :: يدك وكولي فاطمه كالت مدام دك مرة هسه يدك مرة واثنين وعشرة
وهمزين مارديتي حتى تبيعين ثكل
اني :ماريد ابيع ثكل واني ميته عليه
اني :دك دك اويلي
فاطمه اهدي واهحجي بهدوء وأنؤثة اوك
فتحت خط وكولت : الو
هو :: الو ليش سديتي الخط حسستيني واحد زاحف ؟؟؟
اني بكلبي يومه زعل فدييييت
فاطمه اشرت الي اخذت شهيق وزفير واهدئ
اني ردت ابجي لأن جان معصب شو
وهم سديت الخط
فاطمه: ولج ليش ياعوبة
اني : ارتبكت كلش فاطمه مكدر اشوفه شريد راح اموتت
اهنا هم دك شلت الموبايل وهم شمرته ع السرير وشردت فاطمه ولج عوبة تعاي ردي اني مكدر مكدر حبول على روحي حشا القارئ وشردت للتواليت
رجعت للغرفة لكيت فاطمه لازمه موبايلي وتكتب!!!!
لطشت يمه كعدت جانت تراسل امير !!!!
كتله عزة ولج شنو دسوين
هي اشرت بأيده بمعنى اسكتي اني ضليت ارجع واروح بالغرفه جني واحد مدخل مرته بصاله الولاده ودينتظر المولود
فاطمه:: تعاي ولج تعاي
وانطتني الموبايل وجان اقرة الرسايل
اني عود الي راسلتهم الى امير بس هي فاطمه
فاطمه :: شتريد اخي وامنين جبت رقمي
هو:: بس ردت اعرف شي
فاطمه : شنو الشي وماجاوبت امنين جبت رقمي
هو بس خل اتصل ميخالف
عزة عزة الصاك يتوسل بيه اني الجكمه المهم
فاطمه : لا اخي مكدر اسفه احجي رسايل
هو : على راحتج
هي :: مجاوبت
هو " بعدين اجاوب على كل أسالتج بس انت جاوبي على سؤالي بالأول
فاطمه :: جواب
امير :: ليش رفضتيني ؟؟؟؟؟؟؟؟
