قبل فترة سنتين تقريبا صارلي هواي شغلات بسببها ابتعدت عن رب العالمين .. جنت دائما ادعي كون رب العالمين يهديني ودللطريق الصحيح ، لكن بلافائدة كل مرة ارجع لنفس اخطائي ..
اليوم حلمت حلم غريب اكتب ولهسة الرجفة بعظامي وابجي .. حلمت لني متت واجوا الناس غطوني وبعد كلشي مااشوف حاولت اصرخ حاولت أصيح بس مگدرت كلت هسة شسوي حتى الله يسامحني .. فكرت كلت ماكو غير اصلي على محمد وال محمد ضليت أقرأها بس كلت ذنوبي هواي شيفيد وياها .. فكرت اقرأ اية الكرسي اوصل لنص الاية وحلكي يتخدر وانسى الآية وأرجع من جديد .. فكرت آخر شي اطلب العفو والسماح من رب العالمين بس كلت بياعين اطلب منه ؟؟ استاهل اللي يصير بيه وفزيت مخترعة وعظامي كلها ترجف ، وضليت صافنة على روحي لافكرت بامي ولابابوية ولاببنتي ولابزوجي ولاباي احد كل اللي فكرت بيه شلون اخلي رب العالمين يغفرلي .. الاحساس اللي حسيته صعب وصفه والرهبة اللي مريت بيهة مااگدر اشرحها كل اللي اگدر اكوله ماريد أموت .. للعلم هذا الحلم حقيقي اليوم شفته بتاريخ 6/3/2017
