Pag-ibig Nga Naman

Started with a Debate

Nagsimula ang lahat nung napili ako, kasama ang apat ko pang mga kaklase na maging representative ng aming college para maging part ng debate society ng aming paaralan.

"First time ko makipag debate. Nakakakaba." Ani Clifford

"There are always a first time. Let's just do our best." Melvin, may kaunting experience na yan sa debate kaya ganyan makapagsalita.

"Ayoko na, babalik na ako sa room." Akmang aalis na ako nang hilahin ako ni Neva.

"Walang aalis Princess. We are one remember?" Neva sabay ngisi. Jeez ano pa ba edi sumama nalang ako. Huhuhu

Wala akong experince sa mga ganito. And most especially, I'm afraid of talking in front of many people. Iniisip ko pa lang, parang hihimatayin na ako. Ano ba naman to, kung bakit pa ako nasali. Kasalanan ko bang maging active sa klase?

Nakarating kami sa CAS AVR, kung saan gaganapin yung debate. Nasa pinto palang kami sobrang kinakabahan na ako. Pagkapasok namin ay nakita kong maraming students, representatives rin siguro ng ibang colleges.

Pagkaupo namin ay siyang pagdating ng adviser ng debate society.

"Good morning." Aniya.

"Good morning Ma'am." We said in unison.

"Welcome to the debate society. You are lucky to be chosen as the representative of your college to join our club." Ma'am Jing, the adviser's name.

Madami pa siyang sinabi at ipinakilala isa-isa ang mga members ng club.

"Now, it's your turn to introduce yourselves one by one. And after you introduce yourselves, let us test your debating skill. Let's start?" Pinabunot niya kami isa isa if sino ang mauuna. At kamalas malasan nga naman, ako ang nauna.

Pinalabas muna yung iba. At eto ako naiwan sa loob. Ako nga ang nauna diba.

Ayon, I introduced myself. I told them my name, age, course and year. After that marami pa silang tinanong.

Sobra sobra ang kaba ko habang nagsasalita sa harap nila, yung gusto mo nalang tumakbo palabas. Pero hindi pwede, ayoko namang mapahiya nu.

After that, tumungo ako sa mga upuan dahil turn na nang iba. Hindi pa ako nakakaupo ng may biglang pumasok sa pinto and fvck, he's hella hot. Naka nga-nga ang ate niyo habang nakatatayo.

Saka lang ako nagbalik sa ulirat nang nagsalita si Ma'am Jing. And what? Isa rin siya sa mga napiling representative? Bakit di ko siya napansin kanina???!!

Nagsimula na siyang mag introduce and nakatingin lang ako sa kanya. Sa kakatingin ko sa kanya, hindi ko alam na matangkad siya, moreno, medyo bulky ang katawan, pointed nose, red lips, at nakakaakit na mga mata. Hindi ko talaga napansin, promise.

"Thank you Julius." Ma'am Jing. So, Julius ang name niya.

Hanggang sa natapos siya and sa mismong likod ko pa siya umupo ha. Edi naging satutue ako nang di oras.

Sumunod naman yung iba hanggang sa natapos kami mag introduce lahat. Pero wait, introduction palang daw yun.

Nagbunot ulit kami ng panibagong number, kung sino kapareho mo siya ang kasama mo. Kasi this time, we will do the real debate. And my heart begins to race fast again.

Kung sineswerte nga naman, same number ang nabunot ko at si Julius, meaning magka-team kami. Kilig ang lola niyo.

Nagsama-sama na ang magkakateam, 3 members per team. And inexplain nila kung ano ang mga rules and bawal sa debate.