أصعب اشي تقول لحدا :طلّع فلوس من جيبتك وإدفع !! ..بيدفع الواحد مقابل اشي مهم ما بيقدر يستغني عنه.. زي فاتوره الموبايل والنت.. 😊 بس تقول له إدفع اللي عليك للنقابه!!😳 صعب .. رح يقول لك : ليش؟ انا شو شفت منها؟؟ شو استفدت ؟😖..
هذه السنه بيصير لي ٣٠ سنه صيدلانيه .. كيف مروا هالسنين؟ ما حدا يسألني!! انا نفسي ما بأعرف!!.. بس أنا من الجيل اللي معظمه بيدفع اللي عليه وهو ساكت .. بيدفع عشان ما ييجي يوم يلاقي مبالغ متراكمه عليه.. بيدفع من غير ما يلح ويسأل :شو المقابل؟؟ .. بس جيل هالايام غير .. بيسأل ليش وعشان ايش ؟؟ وبصراحه معه حق!! فلوسه على قده .. وثقته بنقابته مشكوك فيها 😖.
بس اللي انا افهمه .. انك بدك تحدث تغيير لوضعك .. شارك بالانتخابات .. مارس حقك في اختيار الاصلح بنظرك اللي رح يعمل اشي يحسن وضعك .. مش فلان اللي لانه صاحبي.. ولا علان اللي من منطقتي ولا ابو فلان اللي من ديانتي.. خلص زهقنا تعصبات وتحزبات وتشتتات .. روح ادفع اللي عليك وانتخب اللي حاسس انه رح يعمل اشي لمهنتك وإنسى أي اعتبار تاني..
اذا ما كان اختيارك حسب الاصلحيه.. يبقى ما تلوم غير نفسك على وضعك!! بيكفي لوم وسلبيه وتثبيط عزائم وحقد على كل العالم .. بيكفي .. إعمل اللي عليك وتفائل بالخير ..😊😊😊
