كنت لابسة روبة حمرا لي شريتها نوصفهالك(من القدام مغطي كلش و قصيرة و من لورا ضهرها مفتوح و ماشي ميني وتحزم بسانتور لونو ذهبي) طلقت شعري درت غوجالافغ كما لون لاغوب و ماسكارا قعدت ندور في دار ملقيت ماندير كلش واجد الغدا تكسلت على الفوتاي نخمم في العرس يا ترى كيفاه يكون اول عرس ليا هناو ندخل مع عجوزتي زعما و تعرفني على نساهم يعني بمعنى الكلمة خممت في كلش مخليت وااالو حتى هدرتي مع الناس كفاه تكون خممت فيها ههه لفيد واش يدير شفت في الساعة نلقاهاا 01:30 أوووه ذروكا يجي ويشرعلي رحت لبست الساندال يعني راني واجدة مي من خلعتو ولييت لاشيء على حاله سخنت الماكلة و رحت باه نلبس العباية بسكو نحشم منوا كان يشوفني هكاك درت لي أكسيسوار تاوعي مي غير خاتم الرسمي مادرتوش هههههه ماطاحش على اللبسة نورمالمو البنات علبالكم واش نقصد وقفت ڨدام المرايا شفت في شعري نلقا روحي كيشغول موناليزا هههههه طابست و هبطت شعري نخبل فيه باه شويا يطلع و يتعدل ونسمع
.....:خلصتي
و نطلع راسي لطول الوقفة تقولني كيما هاذوك اللي يخرجو من البحر و يطلعو بشعرهم ههههه انا هكاك جبت من التحت للفوق و متشوكية و خلعة في نفس الوقت و هو شكون السيد فارس!!!!!! متعبش روحو حتى باه يقول السلام عليكم و لا اني جيت على الأقل شويا حس عند الباب انا نعرف بابا كي يجي من الخدمة يدخل كرررررريييييييممة و الحس نايض و ماما تجري
مي هذا لا حس لاوالو بصمت مي عقبتها بسكو معرفتش كيفاه نفهمو الموقف هه و هو يخزر فيا من الفوق لتحت عرفت بلي راني قدامو من كلش
انا :وي خلصت
وجيت خارجة رحت ديراكت للكوزينة وقفت وقفةعند الطابلة حسيت النفس راحتلي و نرجع فيها حاجة أكيدة من الصباح لا ماكلة لاوالوا و زاد شافني هكاك حشمت منوا(ههههه لاحب و لابطيخ ههه)آلوغ سخنت الغدا هوا و جا و نا نسربي و هو لاتي بالتيليفون حطيتلو و جيت خارجة
هو:أروااحي اروااحي وين بيها ألالة
شفت فيه و مطبڨا يديا :لااه غير الخير
هو:ربك لولة ولخرا ترجعي الهدرة فااااهمة (ويشور بصبعوا)
أنا:صااح واال _(جبتهالو بإستهزاء)انا نهدر كيما حبلي عجبك لحال ولالا..
وجا نايض آآآآآه يا ريماس حتى الهدرة تلفتلي و يديا اللي زعما مطبڨين هبطوا هههههه انا لاه نهدر و و وقفتلو بلي مانيش خايفة و انا راني ميتة مي كي حسيت زعافوا بدا يخرج سليتهالو بشويا و جيت خارجة بسكو والله كان نڨعد تولي مندبة في وجهي بالبكاء و سي فارس مخلانيش نكمل حتى في تخمامي تاعي و يجي جبدني و لصقني في الحيط و حكملي يديا و مزير عنهم وجعنييي بزاااف و انا نقاوم و أكيد لاحياة لمن تنادي 💔...
يشوف فيا
هو: مدامك ساكنة في داري كلمة منعرف والصرف و لا ڨاااع مكانش بالسيف علييك حبيتي ولالا
والوجع راه قاتلني
انا:بعد عليا وجعتني
وزاد زير من بكري أنا واجعتني يدي وزاد كمل عني منعرف هذا الإنسان اللي راه ڨدامي كيفاه يصلي ويضحك ڨدام الناس و هو معبي كراهية من داخل وزعافوا خارج صباح وعشية زاد الله يزير عني و مڨرب و أنا مانيش قادراااتووو كارهاتوواا
انا:أآآآآآآ_بعد و جعتني آآآآ خلاص فهمت بعد آآآ
و عينيا معبيين دموووع حكمتهم مي خلاص مبقاش فيا باه نزيد نحكمهم من التزيار وعينيه اللي معبيين زعااف اللي كيشوفني دڨوول شما صرالوا ڨعد شويا و تلقني جيت خارجة و أنا جسم بلا روح دخلت لدووش و جيت طايحة و نبكي و حاكمة فمي مانيش حابة نبيين بلي راني ضعيفة من داخل ڨدامو بااه ميكملش عني تحرڨت في بلاصتي كلش ضاع من يدي بسبة زواااج نعلبووهه اللي يقلك الزواج راحة تكسااار راااس كاينين اللي فرحانيين يه و اللي حزنانيين أنا عذبني كلش راح خسارة في جدوااا و اناا نبكي هكااك شفت في يديا حمر مطراسيين يديه عليا زااد عني الحااال و الله عفتو كرهتوا دمرني حرقنييي ....... حسبي الله و نعم الوكييل
نضت خسارة الماكياج اللي درتو غسلت وجهي و عينيا اللي كانوا منفخيين من البكا وين كنت وين ولييت؟مسحت مكياجي حكمت شعري خرجت من الدوش و أنا ساكتة رحت لشمبرتي نحيت ليزاكسيسواار و حكمت شعري عدلتواا بسكوا بطلت ماشي رايحة مستحيل و أنا هكا و نرووح درت شعري طوماطيشة و حليت الخزانة نجبد بيجامة و انا ساااكتة منعرف كيفاه سكتت هكا من ورا هاذي الصدمة
و ندور نلقاه واقف ورايا جيت خارجة حكمني من يدي
أنا:يرحم باباك أطلقني تعيش والله ماني قادرة مش وقتها هذاوين حكمت في روحي متزيدش عني/ و عينيا معبيين دموع / خلاص منزيدش نرجع لهدرة أخطيني برك
ويحكمي من يدي لخرا جا حيجبدني
أنا:آآآآآآآآآآآ (وطاحو دموعي😢)
يديا كانوا مطراسيين و يوجعو و كي حكمني ضرني خزر فيا و شاف في يديا
هو: هذا قليل عليك لمرة لجاية يديك ميحماروش يتكسروا
😭😭 كيفاه قدر يهدر هدرة هكا وزادوا دموعي جيت هابطة في لأرض هو خرج و انا نبكي حسيت روحي بلاقيمة علاواه يعني ؟
كنت نقول ريماس نورمال بعد الزواج يتبدل كلش نحسب كيما حكايات الأفلام وهي العكس حكايتي عذاب بسبة حقد واحد عني من دون سبب الله غالب قدري ويين جابني لحالة اكثر من حالتي
و انا نبكي هكاك و راسي مبين رجليا و نبكي و تيليفوني يصوني شفت فية نلقا طاطا نبيلة مسحت دموعي
أنا:اهلا طاطا سافا؟
هي:لباس ا بنتي وين راكي راهوو جايبك فارس؟
انا (خزرت غي قشي و جاتني البكية):ااااا خالتي مانيش جاية
هي:كييييفااااه؟!؟!؟؟؟! علااه ؟
أنا :صبحت مريضة ليوم إسمحيلي طاطا كنت حابة نجي مي الله غالب كان مجيتش مريضة اني جيت
هي:اااااااهه بالشفا شويا مباعد نجي نطل عنك
انا:لالا متعبيش روحك حاجة خفيفة برك مكلاه
هي:صحا اتهلاي في روحك
انا:صحا طاطا باي
لمسكينة كانت حابتني نجي معاها بسكو يوم عرس ختها و كامل رايحين حابة تعرفني على دارهم مي اللله غالب .😖نضت مسحت دموعي بدلت لبست بيجامة صليت الظهر و جيت في الفراش و حليت التليفزيون و انا رراسي ثقال حتى داتني عيني نلقا روحي راقدة نحيت التعب هاداك كامل رڨاد في بلاصة العرس هههههه نضت على الخمسة رحت طيبت العشاء و ڨاعدة ندور في الداار و ندووور وندووور و ندووووور ملقيت ماندير سماطة في كلش عڨبت على المرايا 😱😱😱😶😶😱😱😱😱😱
يا ما شكووون ذي؟!؟!؟!؟
لالا نتيا ا ريماس متلعبيهاش مش علابالك برووحك بشحمك و لحمك ذيك الحالة تاعي كيصاريلها رحت بدلت لبست روبة بيضة قصيرة و طلقت شعري ياا هذوين وليتي نورمال زدت شويا ماسكارا 👀👀
خلاص عرست في داري زدت درت غنى و نغني مع الغنى لي يمشي حسيت حاجة راحت من قلبي آآآآه رجعت نتبسم 😊 و أكيد الفرحة متكملش 😑
طبطب الباب هذا باين ماشي فارس بسكو عندو المفاتح 😮 رحت حليت الباب نلقا 😮 طاطا نبيلة دخلت طول بدون سلام و لا كلام وراها فارس طاطا تعرش 😐 شني ذا ؟! واش صرا؟! وتزيدي تسقسي ا ريماس خطراكش رجعتي تضحكي و تتنفسي جات المشاكل !!!!!
زاد تفتح الباب دخل فارس
دخلنا كامل للصالون و طاطا نبيلة مزالها تعرش مفعهتش حتى الموضووع واااش هو .😤
انا: واش غير الخير طاطا
شافت فيا من فوق لتحت 😑
مام فارس خزر معاها كيشافت فيا و خزروا فيا نظرة طويلة..
انا:طااطاا نبييلة
هي😬:كي زعما مرييضة ،و مكيش قادرة تتحركي و انا طول العرس نخمم فيك و النسا لي تجي تقولي مرت بنك وينهي !! و انا نڨولهم مريضة لميت الحشمة و عقلي عندك و نتيا لباس عليك مكييش شاتية تجي معايا نورمال قوليلي لاه حتان تكذبي عليا
انا:____________________
فارس ماتشوكيي واش قالت طاطا و شاف فيا
انا عينيا تعباو دموع 😢ملقيت واش ندير غير ساكتة
طاطا نبيلة :تكذبي علي أنا _جبتك مرا لوليدي قوليلي منجيش مش بالسيف حتان ندخل عليك و نتيا ماشاء الله لبسة و حطة و انا طول السهرة كلام النسا داخل في قلبي مي سكتت قلت مرت وليدي مهيش قادرة
فارس:ما__
طاطا نبيلة :_اني نهدر مكلاه تحامي عليها و تزيد من عندك انا هذي هي بيني و بينك و نتا نتفاهموا عليها (على فارس)
انا:اسمحيلي طااطاا
وجات خارجة مخلاتنيش حت نهدر ضاق بيا الحال طول هي خرجت و فارس وراها ماما خزر فيا و ڨرب :نتفاهموا عليها هاذي
وراح وراها انا ذروكا واش ذنبيي واش درت في حياتي لاحول ولا قوة إلا بالله واش نڨولكم رحت ڨعدت في السرير و راسي مابين يديا و نخمم في ذا الشي و كيفاه خسرت ماما نبيلة جيت للغربة مابقالي حتى واحد و يتحل الباااب
فارس:رييييمااااس ااااارب
انا خرجتلوااا (مي فرحانة اول مرة ينطق إسمي)
انا:واش!؟!؟!؟(بكل بساطة)
هو:يا رب ذوركا انا واش نهدر مع ربك حتخرجيني من عقلي نتيا ولا واش__
انا:استغفر الله يا ربي
هو:اييي،،،،،، متستغفريش علي دورتيها عاقلة و نتيا كل يوم ،،،،،،،،، اي و مش كيزعما حاميتي عليا حنديرلك،قيمة نتيا خدامة عندي و ديري لي،نقولها بالسيف عليك اللي يرخس روحوا طول حياتو يڨعد رخيس
انا:😶😶😶😶😢😭😭😭😭😭
