احببت ممرضي

#احببت_ممرضي
#سارا
مش مصدقة كيف خاني بالسهولة هاي
#فلاش_باك
انا:حبيبي بدي اروح على الحمام وارجع
محمد:ماشي ما تتاخري
انا:ماشي
*بالحمام*
بنت: مش انتي حبيبة محمد
انا:اه ليش بتسالي ومين انتي ؟؟
البنت: هو هسا بحبني الي واحسنلك بعدي عنو
انا:شو يلي بتحكي انتي؟؟
البنت:حتى هي شوفي هي صور النا واحنا بنحكي مع بعض وهو بحكيلي انو بحبني وبدو يتركك وهي كمان رقمو
*انا ضليت واقفة مصدومة مش مصدقة*
انا:لا هو بحبني لالي ومستحيل يعمل هيك
البنت:اروحي اسالي اذا بدك
*هون البنت طلعت وتركتني لحالي بعد شوي انا طلعت*
انا:محمد
محمد:نعم حبي
انا:متاكد انك بتحبيني
محمد: اه ليش مش طول الوقت بقلك حبيبتي
انا:الا ما تكون في وحدة بدالي هون ولا هون
محمد: على شو قاعدة بتلمحي احكي يلا
انا:انت ما بتحبني في وحدة تانية بحياتك واجت حكتلي انك بتحبها وورجتني رقمك ومحادثاتك
محمد: استني اشرحلك
انا :لسا بدك تشرحلي ما بدي اسمع منك اشي وبعدين هاي مش اول مرة بحكولي فبها انك بتخوني ومارح اعطيك ولا ربع فرصة *هون قمت ركاض وركبت سيارتي وانا بعيط*
#ايند_فلاش_باك
*وهسا انا بسوق بسرعة وقاعدة بعيط وفجاة بطلت اعرف اتحكم بالسيارة وبطلت احس بشغلة وكل القدامي صار اسود*
#اياد
كان زي اي يوم دوام عادي بالمستشفى *نسيت اعرفكم بحالي انا اياد عمري 25 سنة وطويل وشعري بني وعيوني بني وعندي لحية خفيفة* وبين ما تاكدت من كل مرضاي اجتنا حالة جديدة مسوية حادث سيارة وكانت صبية حلوة شعرها اسود طويل وبيضا وطولها متوسط *ولك ركز انت جاي تشتغل ولا تزبط بنات بعدين هاي مريضة*بعدين وديناها على غرفة العمليات وكانت حالتها خطيرة كان معها ارتجاج خفيف بالمخ وكان معها عدة كسور وكانت داخلة بغيبوبة ابصر كم مدتها وكنت انا المراقب على حالتها وبعدين وديناها على غرفة وكانت طول الوقت كانت بتسب على واحد اسمو محمد بالصراحة بستحق المسبة لانو شكلو مزعلها وهاي ملاك ما بقدر حدا يزعلها قررت اسميها ملاك بين ما تصحا ونعرف اسمها الحقيقي هسا انا نفسي اعرف شو لون عيونها
*ولك ركز انت هون جاي تشتغل مش تحب وتنحب*
خلص يا مخي خليني على الاقل افكر مهو هسا فش وراي غير ملاك
*فش الي دخل اذا نفصلت وبعدين يمكن هاي وراها قصة ويمكن تجيبلك مشاكل*
صح في ورا محمد يلي ضلت تحكي اسمو قصة ولازم اعرفها طيب ليش ما اشوف الاغراض يلي اجت معاها لما رحت كان بس معها شنطة طبعا لاني الدكتور المسؤول عنها بقدر اشوف اغراضها
*نعم من متى هاد الاشي اول مرة بسمع فيه*
خلص يا مخي خليني اعرف شو القصة
*قلتلك من قبل فش الي دخل اذا انفصلت*
ماشي ..... بعد ما فتحت الشنطة كان فيها زي اغراض البنات مكياج وعطر بس كان العطر مكسر والمكياج نصو تكسر والنص التاني لسا زابط ولقيت سماعات وشاحن وبعد معاناة عشان ما انجرح لقيت التلفون كان شاشتو مكسورة بس لسا شغال لقيت حوالي 400 رسالة من واحد اسمو محمد حبيبي يمكن هاد يلي كانت تسب عليه و200 مكالمة فتحت الرسائل كانت حبيبتي ردي علي خليني اشرحلك واشي كان سمارة كانت بتكزب واعطيني اخر فرصة ومن هاد الحكي شكلو في وحدة هاي يلي اسمها سمارة حكتلها انو بخونها وما خلتو يشرح وكان كل المكالمات منو شكلو فش حدا بسال عنها لملاك سكرت تلفونها ورجعتو مكانو وروحت على الدار وطول الوقت كنت بفكر فيها لملاك معقول في حدا بقدر يعمل فيها هيك وفجاة بسمع صوت تلفوني برن وكان صاحبي محمد
انا:الو
محمد:وينك اياد سارا تركتني وما خلتني احكي معها
انا:شكلك رجعت سكرت مش قلتلك بطل هاي العادة
محمد:مش قادر بدي مااامااا
انا:ولك امك صرلها ميتة 5 سنين وين بدك تروحلها
محمد: بدي اياها تيجيلي هسا
انا:خلص بكرا بتجيلك
محمد :عنجد
انا:اه عنجد هي جاي اوخدك من المكان المقرف يلي انتا فيه
محمد:ماشي بسرعة
وخلصت المكالمة هاد محمد صارلو بشرب لما امو ماتت وكان دايما تبع نسوان وكثير اطاوش هو وحبيبتو عشان هاد الموضوع وانا كنت بحاول انصحو واساعدو لاني زي اخو بالزبط وهاي حبيبتو شكلها طفشت منو وتركتو وانا ولا عمري شفتها ولما وصلت عندو ركبتو ووديتو على بيتو وكان طول الوقت بحكي اسم سارا
*بعد مرور اسبوع*
ملاك لحد هسا ما صحت من الغيبوبة وصاحبي محمد بتزيد حالتو سوء وخصوصا لانو بطلت ترد عليه وتلفونها مغلق وهي مختفية ولانو ما عندها قرايل او اهل وبالنسبة لالي شكلي وقعت بحبها وما صرلي شايفها اسبوع وتلفونها خرب بطل يشتغل ووديتو على مصلح صار يحكي هاد فش منو امل يشتغل
*بعد مرور اسبوعين*
محمد:اياد تعال خدني
انا:مش قلتلك بطل شرب
محمد:لما تحب وحبيبت تتركك وما تخليك تشرحلها الموقف وتختفي وقتها بتعرف ليش لساتني بشرب لهسا
انا:طيب هيني جاي اوخدك
-لما رحت اخدتو-
انا:طيب ليش تركتك
محمد: كنا بمطعم بنحكي عادي وهي راحت على الحمام وطولت وانا قلقت وفجاة طلعت بنت ولما ركزت فيها كانت سمارة يلي كنت بشوفها بالبار وبعدين طلعت سارا......
*انا هون لما سمعت اسم سمارا هو صار يحكي وانا مش سامعو مش هاي سمارا يلي قرات اسمها بتلفون ملاك يعني هو حبيبها لملاك يعني هي سارا😨😨😨 وانا متل الاهبل رحت حبيتها للبنت بس هي طول الوقت بتسب عليه بس ما رح احكيلو عنها بلاش يقتلني ويهد المستشفى فوق يلي فيها*
محمد:اياد ... اياد شو مالك سرحت
انا:لا ولا اشي كنت بفكر
محمد: لتكون صرت بتحب يا صاحبي
انا:اه *لو تعرف بس مين غير انتقل الى رجمة الله تعالى*
محمد:مبروك بدناش نتعرف عليها
انا:ااا امم هي مسافرة هسا
محمد:طيب ماشي مع انو ما عجبني توترك لما قلتلك نشوفها
انا:هي وصلنا ما بدك تنزل
محمد:ماشي باي
انا:باي
*الحمدلله قدرت اسلك حالي لما قال بدو يشوفها معقول هي تكون نفسها سارا لما تصحا رح اتاكد*
*بعد مرور اسبوع*
اليوم صرلها شهر بغيبوبة والاطباء قرروا انو يفصلو الاجهزة عنها ولما ضل جهاز التنفس بلشت تفتح وانا هون وقفتهم ورجعنا الاجهزة
ملاك:بدي مي
انا:خدي تفضلي
ملاك:وين انا وايش صار
انا:صارلك حادث سير وانتي هسا بالمستشغى وصرلك شهر بغيبوبة
ملاك:اطلعو برا
انا:نعم
ملاك:اطلعووووو برااااا
انا:ماشي خلص اهدي
*طلعتهم برا وطلعت معهم وبعد ساعة رجعتلها*
انا:كيف صرتي هسا
ملاك:في حدا اجا سال علي
انا:لا ولا حدا
ملاك:طيب وين تلفوني
انا:خربان وجربت اصلحلك اياه بس المصلح صار يحكي انو هاد ما بتصلح
ملاك:اهاا
انا:بقدر اسالك
ملاك:اسال
انا:اسمك سارة صح
ملاك:اه كيف عرفت
انا:.......*حكتلها يلي صار بهاد الشهر*
سارة:وحكتلو عن مكاني
انا:لا ما حكيت
سارة :منيح..... كم رح اضل هون
انا:كمان اسبوعين
#سارة
كنت طول فترة الغيبوبة بسمع صوت واحد بحكي ولما صحيت طلع الدكتور وعرفت انو اسمو اياد وعرفت كمان انو صاحب محمد بس ما حكالو عن مكاني ولا اشي عني حكى
*بعد مرور اسبوع*
صرت احبو لاياد بس بحسب معرفتي لمحمد ما رح يتركنا بحالنا
#اياد
انا مو بس صرت احبها لسارة انا صرت اعشقها بس خايف من شغلتين الاولى انو تكون سارة ما بتحبني والتانية خايف من محمد ليسوي اشي لاني اكثر حدا بعرفو
*بعد مرور اسبوع*
انا قررت اعترفلها شو ما صار يصير خلص لانو هي اليوم طالعة
انا:اممممممم سارة بقدر اقلك شغلة
سارة:نعم قول
انا:اممم انا بحبك
سارة:انا كمان بحبك
انا:عنجد
سارة:اه بس خايفة من محمد
انا:كل ما انا جمبك ما تخافي من اشي وهسا تعالي اوصلك
سارة:طيب وشغلك
انا:رح اوخد اذن
سارة :طيب ماشي يلا
انا :يلا
*بعد شهر*
انا:محمد بدي احكيلك شغلة
محمد:احكي
انا: بس اهدى وما تسوي اشي
محمد:محسسني انك قاتل امي احكي يلا
انا:انا بحبها لسارة وهي بتحبني
محمد:اييييييش يعني هي تركتني عشانك يا نذل يا خاين انا كنت زي اخوك كيف بتعمل هيك فيني
انا:فهمت غلط انا حبيتها بعد ما تركت
محمد:رح تشوف انت وهي كيف بتخونوني هيك اطلع برا ما بدي اشوفك مرا تانية انت مش صاحبي ولا بعرفك
انا:رح اخليك بين ما تهدى بعدين بحكي معك
محمد:فش اشي نحكي فيه يلا برا
انا:ماشي يا محمد زي ما بدك
*بعد ما روحت*
سارا:ايش عمل محمد
انا:عصب وقعد يصرخ
سارا:بس
انا:وصار يحكي ما رح اتركو بحالكو
سارة:اتوقعت لازم ننتبه
انا:اه لازم
*بعد شهرين*
سارة:محمد صرلو شهرين مش مبين
انا:انسي هاد الموضوع وركزي بهاد المنظر
سارة:ماشي
*كان المنظر غابة بالنص زي بركة وفي شلال بنزل على البركة*
انا:سارة
سارة:نعم
انا :تقبلي تتزوجيني
سارة :موافقة
*بعد مرور شهر*
*يوم العرس*
سارة:انا خايفة
انا:ليش
سارة :حاسة انو رح يصير اشي
*لسا ما لحقت تحكي الا نسمع صوت طخ*
محمد:انتبهو علي
*كان ماسك مسدس وموجهو علي*
محمد:انتو التنين خنتوني خصوصا انت يا اياد خنت صاحبك رفيق عمرك يلي كنت تعتبرو اخوك
انا:محمد اهدا شوي انت اكيد شارب اشي
محمد:اه شارب وانت شو دخلك
*انا هون قربت منو*
انا: محمد اعطيني المسدس
محمد:لا ما رح اعطيك انا رح اخلص على حالي وهسا
*ووجه المسدس على راسو وانا قربت عليه وصرت قدامو مباشرة*
انا:محمد اهدا ما بهون علي اشوفك بتقتل حالك قدامي
*هون مسكت ايدو مع المسدس وبلشت انزل فيها شوي شوي فجاة سمعت صوت طخ وطلعت لقيتو مقوص حالو في بطنو عطول حملتو ونقلتو للمستشفى يلي بشتغل فيها لانها قريبة ودخلت معاه لاني دكتور ونجحت العملية بس رح يضل اسبوعين بالمستشفى واجلنا العرس بين ما محمد تتحسن صحتو*
محمد:سارة سامحيني على يلي سويتو عقلي ما كان معي وقتها
سارة:بعرف بس بسامحك بشرط واحد
محمد:ايش هو
سارة:تبطل يلي بتشربو هاد
انا:واحنا بنساعدك حتى تبطل
محمد: طيب ماشي .... اياد انت سامحتني صح
انا:ولك انت اخي كيف ما رح اسامحك
محمد:😃😃
*بعد مرور سنتين*
ساعدنا محمد على انو يبطل يشرب وانا وسارة خلفنا توأم ولد وبنت سميناهم قصي وياسمين *
#انتهت_القصة
#احببت_ممرضي