عنود قست الظروف تجاهها , ماتت امها وابوها من ماتت زوجته وهو مخفي عن الانظار , فارس هو اول داعم لنفسية عنود وهو ولد عمها ويعتبر اخوها , حاليا تعيش عنود في بيت ابو فارس , ام فارس حنونه ومتعاطفه جدا مع عنود لانها امانة اختها لها ولانها تحبها , ابو فارس...
" بنتفيثانويةشباب " قبل كل شي " بُترتيدالسارق " ابو فارس بعصبيه؛ ام فارس اسكتي لا تخليني اتهور! قلت لك بزوجها يعني بزوجها ام فارس تهديه؛ يا محمد ذي امانة اختي لي مايحق لك تسوي فيني وفيها كذا ابو فارس كسر الكوب بالارض؛ وش اللي مايحق لي! اذا مايحق تطلع من بيتي وانتي وراها فارس يناظرهم من بعيد ويتنهد بقوه ام فارس ببكاء؛ على جثتني ماتزوجها على جثتني! ابو فارس بعصبيه؛ خ.. قاطعته ام فارس وبصراخ؛ انت تعرف حمد كبير عليها الله يخليك لاتخلي.. ابو فارس بهدوء جلس؛ فكري فيها ناخذ ١٠٠ الف ام فارس جلست تبكي؛ وانت همك الفلوس؟ اه يا محمد متى صرت طماع كذا عند غرفه ثانيه , كانت تبكي ومتكيه راسها على الباب ويوم سمعت صوت كسر غمضت عينها وطاحت دمعتها؛ يارب فارس طق الباب وقامت عن الباب ومسحت دموعها بطرف ثوبها وابتسمت وفتحت الباب ودخل فارس فارس يناظر بعيونها؛ ابكي عنود ماقدرت تخفي دموعها وضمته وبكت فارس ضمها بقوه ومسح على شعرها؛ لاتخافين ماراح تتزوجينه! عنود؛ كيف كيف فارس مسح شعرها ووخرها عنه وجلس وجلست معه وتكلم بجديه؛ جتني فكره بس متردد قاطعته عنود وجلست تناظر عيونه؛ قولها فارس نزل عيونها بالارض وتنهد ثم رفع راسه وبسرعه؛ بتروحين لمدرسة عاصم عنود مااستوعبت؛ مافهمت؟ فارس ناظرها بجديه ومسح دموعها؛ باختصار بتلعبين دور الولد وعاصم معك يعني لاتخافين ولا تشيلين هم و.. قاطعته عنود بصدمه؛ ايش؟ فارس قام وبسرعه؛ اعرف والله اعرف ماتبغين بس ... قاطعته عنود وقامت؛ متى فارس؛ وشو اللي متى؟ عنود ابتسمت بخفه؛ متى اقص شعري واشتري ملابس؟ فارس ابتسم؛ ماكان ودي اس... عنود قاطعته؛ فارس! فارس ابتسم وفهم قصدها؛ اوك عنود بجديه جلست؛ بس كيف يدخلوني المدرسه؟ شكلي واضح بنت وصوتي فارس جلس جنبها؛ صوتك مافيه انوثه عنود ضربته بخفه وضحكت؛ طيب وشكلي؟ فارس يناظر بوجهها وبتمعن؛ اممم مافيه انوثه عنود ضحكت؛ يليل فارس استانس يوم ضحكت وابتسم؛ استهبل معك سمعو صوت شي انكسر وقوي فارس تنهد بقوه وقام بيطلع من الغرفه؛ بروح اكلم عاصم يتوسط لك عنود ابتسمت بتسليكه؛ اوك تنهدت وحطت يدينها على وجهها وانسدحت على السرير وجلست تفكر شلون بتتصرف وكيف وو... فارس مر وشاف ابوه يضحك ويقول؛ ١٠٠ الف مانتي مصدقه مانتي مصدقه فارس ناظره بقرف ودخل غرفته رمى نفسه على سريره وحط يده على راسه؛ ياربي انا وش سويت القرار ذا ماهو صحيح ليه سويت كذا انا؟ رن جواله وناظر في الرقم ثم فتح جواله فارس؛ هلا عاصم عاصم؛ وش صار فارس قام من سريره؛ كنت بدق عليك , المهم اسمع قابلني عند مقهى *** انتظرك؟ عاصم؛ اوك ~~~~~~~~~~~~~~~~~~~ "في المقهى" فارس؛ كلمت المدير؟ عاصم؛ اي وقلت ولد خالتي وانه كان بامريكا بس رجع للسعوديه عشان امه وابوه فارس؛ امم حلو عاصم وهو يحرك الملعقه بالكوفي بتوتر فارس ناظر في حركته؛ عاصم عاصم ترك الملعقه وناظره؛ همم فارس بنبرة حزن؛ انتبه لاختي عاصم؛ مثل ماهي اختك هي اختي بعد نسيت؟ فارس بحزن؛ من ماتت امها وهي ماتضحك الا بالغصب عاصم نزل عيونه؛ ابوها ... قاطعه فارس بنظره عصبيه عاصم صامل؛ فارس اسمع ابوها يكون عمي لازم اسال صح ولا لا؟ كل ماسالتك عصبت علي طيب جاوبني؟ فارس؛ عمي مالقيناه للحين عاصم بتنهيده؛ الله يسامحه فارس قام؛ يلا انا رايح ادور لها ملابس وذا عاصم؛ اوك ~~~~~~~~~~~~~~~~~~~~ الساعه ١١م || بيت ابو فارس عنود تناظر بشكلها بالمرايه وفارس منبهر فارس؛ هلا والله خويي الجديد عنود ابتسمت؛ ماني مصدقه كني ولد فارس؛ اي عنود؛ بس شكلي واضح بنت ترا فارس ضحك؛ كنك ولد والحين بنت؟ عنود ضحكت؛ مدري والله
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
-حطيت لكم صورة شعر عنود- عنود بخوف؛ فارس انا فكرت م... فارس غمض عينه وفتحها وبنبرة حزن؛ نام بكره بتروح للمدرسه عشان تكون مستعد ليومك الاول عنود بحزن؛ اوك وش بيكون اسمي فارس؛ اللي يعجبك عنود بتفكير؛ ماجد؟ لالا عبدالعزيز؟ فارس؛ عبدالعزيز حلو عنود؛ اوك فارس بابتسامه؛ عبدالعزيز نام عنود ابتسمت؛ اوك فارس طلع من الغرفه وراح لغرفته وانسدح على سريره ودعا ان بكره يكون مافيه قلق ويوم مريح " انتهى " اكمل؟ ~~~~~~~~~~~~~~~~~~~~
