انا شاب تافه سلبي !!
ناكر خير البلد دي .. مدمن باين علي شكلي
باخد مصروف 💸 من اهلي
عصبي😠 .. معرفش في الاصول!
اصل احنا جيل مهبب بنسقط البنطلون 👖
مش دي ارائك فينا يابو تفكير مترب
بتخاف ليه من كلامي كأنه فيك بيكهرب ⚡
انا اصلا مش شايفك حي .. انت مجرد بواقي
احنا بنحاول نبني وانت عايش عالحكاوي
الفاضي يعمل قاضي .. وانتو فكرنا في طبونه
جيل الستينات غاوي يفشخ الي جبونا
فلقونا .. بكلمه عييب انا اكبر منك 😒
طيب مش عيب علي سنك .. تبيعني وتبيع نفسك
اخواتي نزلوا ماتوا .. عشان مستقبل احسن لإبنك
بس انت .. اعتراضنا بالنسبالك فوجر
بتشوف الاستعباد امن .. والحريه عهر
دوقنا المر .. خلاص شبعنا صبر
انت جوزوك في شهر بس انا جيلي محتاج قرن
دا في عرف مين يا جدو
لا عارفين نصنع مجد ولا حتي عارفين نلهو
الجيل دا جايب اخره
فا بلاش تطلع زي الخازوق
و تزود ف همه😔
