كيفية الحصول على الكتب والأوراق البحثية مجانًا بطريقة مشروعة 100% بدلًا من دفع حوالي 700 جنيه في الورقة البحثية الواحدة! الطريقة دي مشروعة عشان مش بتاخد الأوراق البحثية من قواعد بيانات دور النشر زي ساينس هاب .. دي بتجيب الورقة البحثية من المؤلف نفسه لو رافعها على ريسيرش جيت مثلًا. الطريقة دي كمان هتسهل عليك كتير، بدل ماتقعد تدور كتير على الورقة البحثية في محركات بحث كتير وتطلبها على الجروبات بتاعة الأوراق البحثية .. كمان مش هتضطر تعملها كل شوية .. لأنك هتسطبها مرة واحدة وتشتغل بيها علطول.
1- هتنزل الأداة دي وتضيفها للمتصفح بتاعك .. جوجل كروم أو فايرفوكس من هنا: http://unpaywall.org هتلاقيها نزلت فوق عندك في شريط المتصفح .. هتضغط عليها وتختار الإعدادات وتضغط علامة ( √ ) على أول اختيار زي مافي الجزء رقم 1.
2- هتفتح ورقة بحثية بفلوس ولتكن الورقة البحثية دي اللي هتلاقيها بـ650 جنيه: https://goo.gl/wv3vui هتستنى دقيقة هتلاقي في قفل لونه أخضر يمين الصفحة زي ما في الجزء رقم 2. القفل ده ممكن يكون رمادي لو الورقة البحثية مش قادر يجيبها مجانا، أو أخضر لو عرف يجيبها، أو ذهبي لو هي متاحة كده كده مجانا.
3- أول ماتضغط عالقفل الأخضر هتلاقيه فتح الورقة البحثية فعلا، ومتاحة مجانا زي ماأنت شايف في الصورة رقم 3.
الطريقة دي أنا جربتها وفتحت معايا أوراق بحثية كتير، ولكن في أوراق مافتحتش .. ابحث عنها على http://sci-hub.bz/ أو http://ekb.eg/ وإن شاء الله تلاقيها.
يأثم الناس جميعًا إذا مات بينهم فرد من الجوع، كذلك الحصول على المعرفة ليس حكرًا على من معه نقود وفقط .. العلم مثل الطعام والشراب... #شير_وفيد_غيرك #انشر_العلم
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
