فصلوها_للعشك🔞
بقلم (ام البنات)
البارت 3
اماسي_الليل
ورد:وصلنه لبيت جبير ومنطقه حلوه ومرتبه
كال ابويه هذا العنوان
اني ارجف وخايفه وابجي مشاعري شحجي شكول ما اوصفه من خوف وقلق وحيره وحزن تعبت حيل وردت كلشي يصير واخلص لان تعبت حيل ...
نزلت من السياره وابويه و ولد عمي3 وعمامي2 واياد واخوه ويانه طبينه ما اشوف شي من وره البجي دموعي مغوركه مرفعت راسي ابد الدنيا طالعه من عيني ....
السلام عليكم
#اماسي_الليل
صار لازم تتعرفون عليه اني اسمي فيصل جبير العشيره اخذت الشيخه من والدي الله يرحمه توفه قبل سنتين عمري 30سنه خريج لغات حالتي الماديه ميسور الحال
احنه 3اخوه اني الجبير والاصغر مني حسين 27مزوج والاصغر منه حسن23سنه مريض بي قلب
اعرفكم على الاهل ونرجع لحسن
عندي خوات 3 الجبيره مزوجه بالخارج والوسط ساره اسمها مزوجه ابن عمي والصغيره ريم18صف سادس والحجيه الغاليه أمي اطيب كلب بالدنيه
حسن بي مرض القلب من اجه للدنيا يعني ولادي الدكاتره كالو ميعيش هواي واذا عاش 18سنه ويموت بس قدره الله اقوه من كلشي
صار عمره23سنه وهو متوقعين باي لحظه يموت نخاف عليه كولش واكثر الايام ابات مستشفى وياه بس هو ميدير بال شاب بعد ..
جان يكول اذا اموت خلي اموت بس خلي اعيش حياتي ومن يجي يوم بعد هذا بيد الله
#اماسي_الليل
بيوم طالع اني للشغل لازم املاك والدي اني واخويه حسين خابرني حسن كلي ضايج راح اخذ السياره واطلع كتله لاتجيك الحاله بالشارع شلون
ضل يصيح حابسيني جني مره ما اتحمل عوفوني
كتله لا تصيح روح
وراها التهيت جان عندي شغل هواي ومشاكل على بضاعه جايه من تركيا نسيت اخابر حسن بعد
لليل دك عليه تلفون حسن شلته
كتله ها ولك جم وحده صاحبت
جان يكول خويه صاحب فهذا التلفون توفه وبالمستشفى تعالو
اني هنا اختنكت صح جنه موتقعين انو يموت باي لحظه بس متوقعت هيج راح تصير صعبه عليه
ركضنه اني وحسين والدنيا انكلبت الي افتهمت انو متعارك وي واحد وهذا ضاربه
خلصت الفاتحه والتهينه بامي وتبجي على اخويه واحنه كولنه تاثرنه بموته
صارت عشاير صح اني جبير عشيره بس ما اصرف من نفسي عمامي لازم احترم قرارهم شميكون همه اكبر مني وهم رادوني ابقه جبير العشيره لان عاقل وحكيم
المهم اتفقو على انو يفصلون اهل الولد بفلوس ومره يالله نتنازل على ابنهم
اني هنا مكدرت احجي انصدمت من رجعنه كلي عمي انت جبير عشيره وعاقل منكدر نعوف دم ابنه تروح هيبتنه ومنريد اتصير مكاتل وتروح وادم مالها دخل بالسالفه
هذا الحل الانسب واذا معجبتك البنيه فتره وطلكها واني اطيك وحده من بناتي حتى لو متطلكه
كتله الي اتشوفه عمي
دزو خبر اهل الولد راح نجيب البنيه بعد كم يوم واتفقنه على الموعد
واجوي اني وعمامي واخويه حسين كعدنه ننتضرهم وطبو وياهم زلم فواتوا البنيه وياهم لان ماكو احد غريب
اباوع على البنيه ممحجبه
كلت استلم بدت رحمة الله مركزت على شكله بس شفته طويله لان كله كاعده وهي ولا سكتت بس تبجي واجه الشيخ وبده يحجي ديعقد النه
سألهم على عمرها طلع 18 كلت خطيه صغيره شنو ذنبها وعرفت اسمها ورد
كمل الشيخ وطلع اندار ابوها عليه كلي اطيتك اعز شي عدي امانة الله ورسوله صح فصليه بس وراه زلم
كتله عمي هذا الحجي ينكال لواحد غيري لاتخاف عليها
عمي كله صارت بتنه لاتخافون فيصل كد الامانه ...
وطلعو
ورد..اجينه ندخل جان اياد كال جذب ما اكدر روحو انتو اني ابقه بسياره وبقه يبجي نزلنه واجه الشيخ يعقد اني ميهمني منو الي حيزوجني وشكد عمره كالو شيخ اخو الجبير توقعته جبير بالعمر مهمني اي شي عقدو افتهمت اسمه فيصل وراها كمل الشيخ
وطلع ابويه سلم عليهم وراح واني اباوع عليهم وابجي اريد ارجع وياهم وخايفه من كلشي حسيت نفسي وحيده بغابه راحو
جان الزلم كالو احنه نسلم على الحجيه ونترخص راحو اني بقيت وكافه بمكاني جان يصيحلي واحد من وره كلي راح تبقين واكفه هنا تعاي ورايه ...
فيصل من شفتها ممحجبه ضجت كولش مرت الشيخ وبلا حجاب ومبين راح تشلع كلبي ومدلله لازم من البدايه تخاف مني شويه حتى لا تشلع كلبي ولو تكسر الخاطر صغيره اخذتها
كتلها فوتي هاي امي
ورد دخلت فوتني على امه حتى ما اعرف احجي ولا اسلم بس ابجي توقعت راح تعيط بوجهي تكتلني جان تكولي تعاي يمه كعدي يمي لاتخافين حسبيني مثل امج وحضنتني اني هنا ضليت ابجي بحركه وهيه تسكت بيه وطلع فيصل من الغرفه عافنه وحدنه
#اماسي_الليل
الحجيه من شفته البنيه تخيلت بتي ريم ويم ناس متعرفهم ونفس حالها انقهرت عليها اخذتها بحضني اسكتها
فرفحت من البجي المسكينه وشفتها مثل الخايفه من فيصل اشرتله اطلع
كتلها يمه انتي بتي وهذا رجلج لاتخافين وهسه اتقبلي الواقع بقيت اسكت بيها اجه فيصل يم الباب فتحه وبقه واكف هيه متدري بي كلتلي خاله اني مالي ذنب وهذا شكله يخوف وعصبي خليني يمج فدوه
ورد ..بس كتله خليني يمج هذا يخوف جان اسمع صوت ورايه واني مميت عليج انجبرت تره انتي زعطوطه مو بعيني ومره لخ احترمي نفسج اسمي الشيخ فيصل مو هذا ... الحجيه ..يمه على كيفك وياها عوفها تنام يم ريم بالغرفه المقابيله
اجتي ريم سلمت عليه حبابه وحلوه كلتلي اني اختج ولاتخافين تتعودين علينه ماعدنه احد تعاي اوديج لغرفتج اكيد تعبانه ارتاحي وبعدين اعرفج على كلشي بلبيت
دخلتني غرفه وركض نمت وبقيت ابجي ومحسيت على روحي لان كم يوم بلا نوم وتعب وبجي رحت بسابع نومه محسيت ال ريم تكلي
كومي اكلي مجعتي
كتلها لا ماريد لحت عليه
كتله عوفيني فدوه ما اريد ورجعت انام چان يجي فيصل فتح الباب جان يكول بعصبيه
تعيقل ما اريد من ينحط الاكل تجين تكعدين حالج حال البقيه اني بس دموع خفت منه كتله مو تعيقل بس شبعانه كال حتى لو كعدي شويه وكومي وكمت لكيتهم كلهم كاعدين على الميز كوه اكلت كم لكمه ومن كامت ريم كمت وياه كلتلي تعاي مدام خلصتي خلي اشوفج البيت
#يتبع
بنات اشو ماكو تفاعل كولوا لصديقاتكم لاصدقائكم يقرون فدووه
يوصل هذا البارت 20 كومنت يله انزل البارت الجاي
سييي يوو 😙
