(انا وصلت البيت)..،جمله كنت انزلها على جروب الواتس بعد اللقاءات اللي في المحافظات أطمن فيها د فضل والشباب اني وصلت البيت... الشهر الماضي .. اللي كانت الحمله الانتخابيه مكثفه.. كان د فضل والشباب طول الوقت يعاملوني معامله خاصه.. مثل أختهم كلهم كنت .. ورح أبقى.. تعودت أصف السياره في مكان وأطلع معاهم .. في كل الاماكن عاملوني مثل الاميره .. حتى لما مره تأخرت عنهم وسبقوني على المفرق..بعثوا لي زميله صيدلانيه ترافقني بسيارتي.. وبطريق الرجعه.. أصر د فضل الاب الكبير للجميع انه يضل ماشي وراي لحد ما وصلت مشارف عمان .. كانوا فعلا بمثابه أخوة لي .. كنت ابعث لهم عالجروب واحنا بالعشاء في لقاءات المحافظات ..( انا مع اول جماعه مروّحه عمان)؟؟ .. كنت عامله مثل سندريلا.. الساعه ١٢ لازم اكون بالبيت.. اليوم وانا في الطريق للزرقاء .. بنشر العجل الامامي.. اتضح انه كان رح يفقع بس الله ستر.. وإنبلشوا الشباب معي .. صلحنا البنشر وصفيت السياره وطلعت معهم عالزرقاء.. الله يحميهم كلهم ..
شباب مثل هيك .. وأب للكل مثل دكتور فضل .. معتبريني أمانه معهم .. رغم اني بأضل اقول لهم انا امثل ٦٧بالميه صيدلانيات .. وانا لوحدي شيخ الشباب .. اعضاء مجلس ونقيب مثل هذول .. انا بأنام وأنا متطمنه انه نقابتي رح تكون بأيدي أمينه .. 💐💐💐
#فريق_الهمة_الصيدلاني
💪💪💪
