Ye kahani hai on do logon ki jin ko waqt aur logon ne be inteha azmaishon men dhakel dia. Kuch tha onki chahat men jis ne har phool ko oski khushbu wapis lauta di aur har chaman ko oske rang lauta die. Har taufaan se dat kar lare the vo dono, kuch m...
Shaam hone hi waali thi aur Noor parlour par tyaar ho rhi thi. Osne laal rang ka jora pehna tha aur buhat halki si jwellery bhi pehen rakhi thi. Osne bas light sa makeup kia tha. Vo waqei buhat haseen lag rhi thi. Apna teeka sahi karte vo zara seedhi hoi aur jab apne phone par nazar pari tu Ayaan ki call aa rhi thi. "Aao Ayaan jee bataen?" "Noor kitni der ha log aana shoru ho gaye han." "Bas aap driver bhej den men tyaar hoon." Ayaan ne dull golden colour ki sherwaani pehni thi. Oske ooncha kad aur halki halki daarhi thi. Waqei buhat handsome lag raha tha vo. ................................. "Dhulan aaa gaye hai." Aisi kaye awaazen aane lagi thin tu vo jo tab se har kisi se milne men masroof tha darwaaze ki taraf mutwaja hoa. Samne se Noor logon ke hajoom men stage taraf chalti aa rhi thi. Vo waqei kai lamhe ose taqta raha tha. Aaj se pehle shayad osne Noor ko gaur se dhekha nhi thi. Vo stage pe pare sofe se utha aur oska hath thaam kar oski stage pe charne men madad ki.Vo dono sab se mil kar farig howe the stage pe bhethe Ayaan ne Noor ko kohni maari lekin wahan pe maujood kisi ko is baat ka ilm na howa. "Farmaiye." "Yaar mujhay na yun lag raha jese men kisi dukaan pe para decoration peice hon jisko log yunhi dekh rahen han." "Ayaan vo choren aise nhi lag raha do qurbaani ke bakre saje sanwre bhethe hon." Vo zor se hasne laga aas paas logon ki majoodgi ka ehsaas kie bager. "AYAAN!" vo ose ghoor gaye thi "Ahista hasen sab dekh rahe han." "Ye jo tum jokes crack karti ho na ye bachpan se mujhey buhat pasand han." "Uraa len aap mazaaq." "Meri itni jurat kahan." ................................ Wahan sab khush nazar aa rahe the ya shayad sirf khush nazar aa rahe the dil se tu sirf dada, Noor aur Ayaan khush the. Ruksati ke waqt Fahad sahab aur onki begum gamgeen the. Ayaan aur Noor ko dada ne piyaar dia. Noor aur Ayaan dono hi raaste men khaamosh rahe. Ghar aa kar taya aur tai ne tahaif die aur duaen di aur phir tai Noor ko Ayaan ke kamre men chor aayen. ............................... Noor apne bhari libaas se tang aa kar khari hoi aur sar ke ooper lagi safety pin ko utaarne ki koshish karne lagi. Ose darwaaza khulne aur band hone ki awaaz aai tu oska dil zor se dharka. "Oops sorry Noor knock kar ke nhi aya men jata hon...." "Ruken Ayaan." Ayaan mura. "Ye dekhen." Osne apni sir pe lagi pin ki taraf ishara kia. "Mujh se ye pin khul nhi rhi, can you please help me open this?" "Sure." Osne ahista se vo pin utaari tu oske duppata oske kandhon pe aa gira. Is baar Ayaan nazren na hata paaya ya shayad ose andaza hoa tha ke ab vo haq rakhta ha. Ayaan ne apni sherwani se aik dabbi nikaali. Os men aik khubsurat si ankhoothi thi. "Ayaan ye kitni pyaari hai." Vo muskurate hoi boli. "Tumhare lie hai......pehna doon men?" Noor ne apna hath aage kia aur phir Ayaan ne ose vo anghothi pehnai. Abhi Noor ka hath oske hath men tha osne jhuk kar Noor ke kaan men bola "You look beautiful Noori." Is baat par noor ka dil buhat zor se dharka ose yun mehsoos howa ke oska dil bahir hi aa jae ga. Vo kuch door howa tu oski sansen bahal hoi aur vo washroom ki taraf kapre badalne ke garz se gaye. Itne saare naye ehsaason ne janam lia tha on dono ke darmyaan. ................................. Noor na apni pasand deeda kaali sharwaar kameez pehni aur itafaqan Ayaan ne bhi sherwaani change kar ke apna kala kurta pehna. Jab onki nazar aik doosre pe pari tu vo muskurane lage.
Oops! This image does not follow our content guidelines. To continue publishing, please remove it or upload a different image.
"Yaad hai Ayaan jab bhi ham aik colour ke kapre pehen lete the tu aik doosre se lara karte the ye keh ke tumne cheating ki hai." "Haan haan aur phir jaan kar aik doosre ke kapre khel khel men kharaab kar dete the." Onki hasi ki awaaz kamre men goonji thi. "Noor namaz par li?" "Jee tyaar hone se pehle par li thi aur apne?" "Mene bhi." Khirki se hawaa ki awaaz aai aur kuch der men barish ki awaaz bhi aane lagi. Vo dono aik dam tarrace ki taraf bhage. Flashback "Aanoo men jaon gi pehle mene pehle dua mangni hai." "Nhi Noori halwa poori men jaon ga pehle." Flashback ends Vo dono tarrace par ja ke barish tale khare ho ke yun dua mangne lage jese bache zid kar ke vo mangte han jo onko chahie hota hai. Ankhen khol ke on dono ne apne apne chehron par aik hasi sajai. "Ho gi qabool inshAllah." Ayaan ne kaha. "InshAllah." "Chalo andar chalen bheeg gaye tu bemaar ho jaen ge aur ab men danton ga chachi jaan ke bajae." "Ayaan aap abhi se mujhe danten ge." Noor ne apne chehre par masnoi khafgi zahir ki. "Hanjee danton ga aur na maani tu god men utha ke andar le jaon ga." Aur osne os ki taraf qadam bharae. Noor jaldi se bhaag kar kamre men gaye aur andar se darwaza lock kar lia. "Ab bahir guzarie ga raat Mr." "Acha dekho Noor khol do na please men bemaar ho jaon ga aur phir meri wajah se tum bhi bemaar ho jao gi." "Acha pehle pmise karen aap nhi danten ge mujhay?" "PROMISE." Noor ne darwaza khol dia. Osne andar aa ke Noor ke gaal zor se kheenche. "Bhari ho jao Noori." Nahin hon gi kabhi bhi vesey ab tu aapko saari zindagi jhelna ha mujhay." Osne kandhe uchkae. "Janta hon apko samnbhalna." Osne os ki naak ko cherte bola.
