Safeena-e-Qalb

Marham

Dopehar ko ghar aa kar ke vo ilmaari me cheezen theek kar rhi thi jab Ayaan ko oski awaaz aaye thi.

"Ayaan jaldi idhar aayen."

Ayaan foran apni cheezen rakh ke oske pas gaya aur jab osne dekha tu vo cheezon ke dher men zameen par gir gaye thi. Vo dard ki shiddat se boli.

"Ye buhat dard kar raha hai."

Ayaan ose dekh kar pareshaan ho gya aur foran ose apni god men utha lia aur Nooe ne oski gardan ke gird apne bazo rakhe the aur mun oski shirt pe rakha tha.

"Noor ye kia karti rehti ho, itni zor se chot lagi hai dekho khoon nikal raha hai."

Osne ose bed pe bethaya aur first aid box lene gaya. Vo lauta tu ghutno ke bal beth ke Noor ke baazo pe lagi chot par marham lagane laga. Noor ko buhat dard ho raha tha jab patti karte howe Ayaan ke hathon par oske ansoo gire the tu ose andaza howa ke dard kaafi shadeed tha.

"Acha ro tu mat abhi theek ho jae ga, kehti ho tu docter ke pas le jaon?"

"Nahi theek hai."

Vo oske sath betha aur apna bazu oski kamar ke gird rakha tu vo bhi oske kandhe ke sath lagi thi aur apni muthi men oski shirt zor se pakr hoi li.

"Kuch nhi howa theek ho jae ga ye InshAllah abhi dawai lagai hai na tu jalan ho gi magar abhi thori der men sahi ho jae gi vo bhi. Kahin aur tu chot nhi lagi?"
                    
Osne na men sar hilaya.Thori der baad Ayaan ko laga ke ab oska dard kam hai.

"Kyun aise kaam karti ho Noor mene kaha tha na mujhay bata dia karo phir kyun nhi bataya dekho itni chot lag gaye hai bazu pe."

"I am sorry pata nhi kyun Ayaan mujhay apne kaam khud karne ki aadat hai shayad isi lie nahi zehen men raha."

"Please mujhay keh dena ainda se."

"Theek hai ainda se yaad rakhon gi."

"Tum so jao you'll get better."

Osne ose bed pe laitaya aur os par chadar orh di. Vo murne laga tha ke Noor ne oska hath pakar lia.

"Thankyou."

Osne muskura kar oski taraf dekha aur phir apne kaam men magan ho gya. Han magar vo har thori der bad aa kar dekhta ke vo theek hai ya nhi.
               .............................
Raat kaafi ho rhi thi, Ayaan apne aur Noor ke lie chaye bana kar laya tha tu dekha ke vo pehle se jaag rahi hai aur osi ke papers ke pas bhethi hai.

"Dard kesa hai Noor?"

"Ab theek buhat halka ho gya ha."

Vo oske qareeb aa kar bhetha.

"Ye lo chaye."

ose chaye pakraate howe os ne os ki god men nazar daali tu wahan oski apni diary pari thi.

"Noor tum ne parh li ye kya?"

"Nhi I am sorry aise idher bhet ke bore ho rhi thi tu mene papers dekhna shoru kar di...apki personal diary hai mene isi lie kholi nhi phir."

Vo muskuraya tha.

"Tumhe pata hai Noor ye meri best friend hai."

"Mere se zyada close hai ye aapse?"

Osne masoomiyat se poocha.

"Noor tumse zyada nhi hai."

"Ayaan mujhay nhi karna apko kisi se share."