فصلوها للعشك 💘🔞
بارت16
اجه اليوم الي ورد ممحسبه حسابه
نرجع قبل يوم
فيصل الرسائل بقت تجيني بس كلت ورد صار سنه عدنه مطلعت منها العيبه اني رجلها تستحي مني معقوله تمثل عليه لا مستحيل ..
مبينه حبابه وخوش بنيه وهذا ملعوب علينه خلي احدد موعد العقد ...
ورد.. اجه فيصل كلي نروح نعقد اريد الجنسيه والهويه مالتج علموداطيهن يحضروها ومن نروح احنه منبقه ننتضر ونفتر.. اطيتهن اله وطلع ..
اجه كلي عكب باجر لداومين نروح للمحكمه
كتله ان شاء الله بس ما احجي وياه هواي احس اذا حجيت ينفجر بوجهي وما اريد احد يخرب فرحتنه علينه ..
بقيت ساكته بس فيصل بس يصفن ...
فيصل اجتني رساله من نفس الرقم كاتب بيه نايم ورجليك بالشمس ...
ونفس الحاله ادك وماكو
ثاني يوم رحت لورد وريم للكليله ما ادري شك ما ادري غيره ما ادري شحسيت بس ردت اروح للكليله بلكي اشوف شي .
ورد ..جنه اني وريم بالكافتريه
كالت راح اجيب نسكافه بعدني مكاعده اجه ولد ويانه بالقاعه كلي اريد المحاضرات مالتج استنسخه لان جانت عدي فاتحه ومجاز وكلها كالت انتي محاضراتج كامله
كتله اي بسيطه بس باجر لازم ترجعهن لان محتاجتها ،بعدني احجي ما اشوف ال فيصل فوك راسي
اني تفاجئت
الولد ترخص وراح
اني هله والله بشيخ نورت الجامعه بيك
فيصل بدون سلام اذا خلصتي محاضرات امشي
اجتي ريم لكتنه واكفين
كالت هلو شعجب جاي
صعدوا بالسياره
صعدنه بس فيصل وجه يخوف بركان وعلى ساعه ينفجر..
نزلنه جرني من ايدي ودخلني لغرفتي
كلي منو هذا التحجين وياه
كتله طالب ويايه وعلمودمحاضرات
ضل يصيح اكو ميت طالب ليش الا منج ياخذه
كتله اني محاضراتي كامله وهو اجه طلبها مني مابيه شي. بقه يصيح
اني خنست خفت منه محجيت شي عفته يصيح وراح عافني وطلع لليل يالله اجه وصعد كبل لغرفته...
فيصل ..راح اتخبل اريد اعرف منو صاحب هذا الرقم رحت للشركه كالو اله اقدم شكوه واركض بيه اني ماعدي وكت ميت شغله عدي شلون باجر راح اعقد بالمحكمه واحنه منتحاجه ...
اني ليش هيج عصبت هي وياها طلاب اكيد ياخذون منها محاضره او شي هذا وضع طبيعي اني من جنت اداوم هم هيج يصير بينه خلي انزل بلكي اشوفها ونتصالح قابل نروح نعقد واحنه ضايجين ومتعاركين..
جاي انزل جان تجيني رساله من نفس الرقم مكتوب بيه شيخ وخابص الدنيا وتحل مشاكل العالم ضب مرتك اول مره ...اني فرت وركعت التلفون بقيت كاعد للصبح ...
اجه اليوم المغضوب ......
نزلت اتريك لكيت ورد تسولف وتضحك وي امي ومرت حسين
كلتلي فيصل حضرتلك الريوك كعدنه نتريك
ورد ....راح اسد بوري الماي مال حديقه فاضت ..من كامت اجاني مسج انت مجاي اصدكني بس اني ما اتحمل تضيع مني حبيبتي وهيه متريدك بس متكلك اذا مصدكني اكو عده تلفون بس الي خاص روح لغرفتها تلكاه جوه الدوشك مال جربايه
اني هنا مضل عدي عقل طفرت ادور على التلفون وصدك لكيته فتحته رسائل غراميه على رقم مكتوب عليه حبيبي من ضمن الرسائل الي بقت بالي مشتاقتلك اني نحرمت منك يجي يوم واخلص من فيصل بس المشكله يريد يعقد عليه اوعدك ااخر شكد ما اكدر بالعقد .....
اذكرت من تكلي عدي امتحانات وتاجل وراجع هو دازله شوفينه همتج .....
وراها اكو رساله كاتبلها مشتاق اشم شعرج واحضنج ...اني العرك مدري منين كام ينزل
ورد دخلت من الحديقه فيصل ماكو
كلت يمكن صعد يسبح خلي الم المواعين والخدامه تغسله بس المهن واروح وخلي اكلي لكمه مشبعت..
تالي كمت دا اروح ابدل وشفت فيصل طالع من غرفتي وعيونه تجدح شكله مينوصف بركان واصل حده...
جان يعيط بعلو صوته وووووووورد عبالك رعيد صوته مو صوت بني ادم اني بعد هنا ما احس برجليه من الخوف يمه ما اكدر حتى اوكف ضليت ارجف مدري شصار بيه ما اعرف شبي بس شكلي اليوم راح اموت
من نضره عيونه مكدرت حتى اجاوبه شو هذا اجه عليه وجرني من شعري....
احساسي بهذيج الحظه ابد ابد مينوصف .
.كلها ركضت عليه الحجيه ومرت حسين والخدامه وريم بيومها مداومت كالت اتلكاكم واطش جكليت ...
كلها ركضت عليه تريده يفكني اني مادري شنو السالفه عبالك كابوسه هوسه وصياح وعياط دفعهم وكله محد يدخل بيه مرتي واني حر ..
#يتبع
