فصلوهاللعشك
بقلم (ام البنات)
البارت 8 والاخير
ورد..اني احجي وابجي بحركه كلهم مدنجين راسهم ومن كمت احجي
على الي صار بيه من وره العادات والمعتقدات
فيصل اباوع عليه ضاج وكام يهز برجله بس اني كلبي محترك مو مال اسكت ...
اخر شي كام العم وراد ياخذ جميله
كتله عمي اذا تريد اسامحكم على الي شفته واسامح حتى فيصل بالسواه الي
تخلون جميله يمي اسبوع.
.كلهم كامو يباوعون عليه...
كتلهم لاتباوعون ولا تنصدمون بس قبل اسبوع جنت نفس حالها واتعس
بس الله رحمني وخلالي الناس الطيبه الي تعيني واني متاكده اذا رجعت البنيه وياكم راح ادمرونه خليها يمي ترتاح ويبرد الموضوع وراها تعالو اخذوها..
سكتو
اخذت جميله اني وريم للحمام لان مدمايه خشمها جان يخر دم وهي طول الكعده مشالت عينها بس تبجي سبحناها ولبسناها من عدنه
ريم كالت اطيه هذا الدوه هسه تنام وترتاح وضحكت كالت صارت عدي خبره بهذا الموضوع
ضحكنه ثنينه
نامت جميله
وثاني يوم فيصل طلع لشغله
اني كعدت مرتاحه لان ضهر الحق وكعدت اقره لان صار اكثر من اسبوع ممداومه بين اجازه وغياب
وراها كعدت جميله وبقت بفراشها اخذتها كوه للحمام غسلتله ومشطت شعره وصحت ريم وكعدنه نتريك سوه وجميله متحجي مدنجه راسه
كتله لا اشلعين كلبي حبابه اكلي جان
تكلي انتي تاذيني هيج اني اذيتج وانتي هيج تعامليني كافي فدوه ودوني لا اهلي خلي يكتلوني ارتاح
كتلها هذا الموضوع سدي وبعدين انتي ماذيتني اريد ابقيج يمي اريد انتقم
وغمزت لريم ضحكنه وكمنه كملنه شغل
وخاله كالت مشتهيه كيكه من
اماسيالليل
ايدج سويتلها
وفيصل اجه على الغده منتحاجه ناكل سوه ونكعد بنفس المكان بس ابد منحجي سوه وغرفته كمت ما اصعده من يوم الي صار خلصنه غده وصبيت جاي ادري بيه يريد جاي ومراح يصيحلي ..
.وديته كال شكراً اني مجاوبته
كعدت يم خاله وجبت جميله يمنه
فيصل بوده يموتها بس ساكت علمودي
جان تكول خاله شخبار الكيكه
كتله اي كملت للعصر تبرد ناخذها ونطلع للحديقه
غمزت لريم تحجي بالدوام كدام فيصل لان ما اريد اتنازل واكوله اني ومتفقه وياها تحجي كدامه ...
كالت ريم فيصل فدوه عود خلي السايق يجينه باجر من وكت ورد كومه محاظرات فاتتها
هو باعو على ورد كال ميحتاج اني اوديكم ....
شرب جاي ورجع طلع احنه رحنه بلحديقه الجو طيب العصريه وجميله بدت تضحك وتغير جو انقهر عليه لان طفله واهله هم الي اذوه ....
ثاني يوم كعدنه الصبح بدلنه وبقينه ننتضر فيصل تاخر صعدت ريم
كله جاي
نزل كالب وجه
كال متعرفون تكعدوني عود يقصد عليه اني عفته وطلعت وكفت يم السياره
صعد هو وفتح الباب بقيت احجي وي ريم صعدي كدام اني وره
تكول والله يكلب الدنيه
عفتها وصعدت وره هيه بقت واكفه تخاف من اخوه شو هذا نزل صاير نار فتح الباب وجرني صعدني كدام وركع الباب حيل وصعدت ريم وره..
اني كلبت وجهي ودرت على الجامه اباوع مو يمه ...
جاي انزل لزم ايدي و نزلت ريم
كلي مره لخ لا تعيديه اني محجيت شي عفته ونزلت
هوه راح بقينه عادي كملنه محاضرات
اجانه فيصل اخذنه كال ليش مجاوبين سكتت كال لاتتصرفين ويايه هيج حتى لو الحق وياج تدرين بيه ما اتحمل
ريم كلتله انت مو دكيت عليه ومجاوبتك لان جانت عدنه محاضره ومن طلعنه خابرتك ماكو داعي تتعاركه
كله انتي محد وكلج محامي الها
شغل وطلع ...
.بقينه كم يوم هو وين ما اكعد يحاول يحجي ويايه واني ممعبرته بس بكلبي ميته اريد احظنه اشمه ابوسه هذا حبيبي بس ما اريد اتنازل
اماسي_الليل
الصار مو شويه بقه هو يحاول
اضحك اشاقه وياه اني ولا يمي وي الكل اضحك وسولف ال وياه ...
جميله اجه ابوه اخذها وباستني و
كالت سامحيني كتله مسامحه وركزي بدراستج احسن
ابوها وكعت عليه واعتذرت منه وباسته وهوه حضنها ودمعته بعينه
اياد اخوها ابو طرده من البيت ...
واني وفيصل بقينه هو يريد يصالحني واني مو يمي ابد وبيوم طلعت من الغرفه سابحه ومشطه لكيت موطه جايبين من الفقمه اني اموت عليها ام التوفي وكلهم يدرون بيه افقد كدامها صحت يمه كلبي
كعدت اكل على الميز ضحكو عليه اول لكمه جان
ريم تكول اي عيني بالعافيه هم التحبيه اجاج وهم من الحبيب
اني راسن كمت بكلبي اكوله هسه لو صامه حلكج مخليتني اكمل الموطه واحجي لازم اعوفه واكوم كرامتي متسمحلي عفتهم وكمت
جان تكلي خاله تعاي يمه للغرفه رحت وراها
كالت انتي بتي والي سواه فيصل الله شاهد مرضيت عليه بس يمه الرجال والمره كلشي يصير بينهم وانتي بت اصول وفيصل يحبج شايف الويل بلياج كافي جفه توبتيه بعد ميسويه
كتله مقهوره منه حيل الحجي الكاله اذاني اكثر من الضرب كالت يمه الرجال اذا بزع يطلع من بيته ومن حظن مرته اذا لكه حظن ثاني ينسيه لاتخلي يضيع من ايدج ...
من كالت هيج خفت لا شايفه فيصل يحجي وي وحده بس مبينت اله...
كتله الله كريم افكر ويصير خير..
.بس اني اريد اروح اشوف اهلي مدام صرت زينه لان مرايحه صار هواي ما اريد يشوفون الضرب الي بجسمي هسه اكدر اروح
كالت شوفي رجلج
كتله انتي كليله
كالت لا انتي ميصيرادخل اني ...
رحت دكيت الباب كال فوت منو ...
فيصل جاي اعزل بهدومي من كامت متصعد ورد غرفتي هوسه وما اخلي احد يصعد يعدله بس هيه تعرف شلون ترتبه اندك الباب
كلت فوت جان تنفتح الباب واشوف ورد...
واني كلبي طار من مكانه اريد اركض احضنها واشمها بس هواي نزلت نفسي وتوسلت ...
كوه لزمت نفسي كتلها تفضلي
كالت فيصل اريد اطلب منك طلب
كتله امري...
اني بساعته لو تطلب روحي اطيه بس تحاجيني وتسامحني ...
كالت اريد اروح لا اهلي
اني نعصر كلبي وختنكت
كتله ليش
كالت صار هواي مشايفتهم ونفسيتي تعبانه حيل ...
ضغطت على نفسي هواي ...
اريد ارتاح يومين تلاثه وافكر براحه وراه يصير خير ..
.سكتت كتله التردينه يصير العصر اوديج..
