حب عبر الانترنت

الحلقه الثانيه

مريم ردت علي حمد
مريم : اهلا شجو
حمد : لاباس
....................الخ
تعرفو مريم وحمد وقعدو ديما يحكو مع بعض حمد انعجب بيها وحبهاا وتصرفاته خلت مريم اطيح فيه علي وجهه 😂 كان دمه خفيف وااااجد.
المهم خنكملو
حمد : مريم غدوا نبي حد ينوضني ساعه 10 عندي امتحان عارفه نومي ثقيل 😌😌
مريم : دير منبة
حمد : مانحب دين امه وديما انسكر فيه
حمد : 092******
غدوا نعبا عليك نوضيني باي
مريم : يقعادك 😂😂
مريم : الووو
وينگ الززح سكرت 😩
جا اليوم التاني وجت ال 10 واتصلت مريم بحمد لانها ماقدرتش خافت يفوته لامتحان اتصلت مريم ووقت فتح سكرت حمد ماعاش دور
مريم : شن حليت ف الامتحان ؟
حمد : ايه حليت
مريم : به بنجاح
حمد : امبكري اتصل بيا رقم وسكر ترا انجرب نضرب عليه 😌
مريم :مرات غالط خليه فوته 😁😁
حمد : ايه مرات لكن بنتاكد بس 😌
مريم :مرات صاحب الرقم احداه هله ومايقدر ايرد 😒😒
حمد :هههههههه هدي انتي #ياشراده
مريم : 😌 ايه
وقعدو يتكالموا مع بعضهم ليا الصبح وكل دقيقه قاعدين مع بعضهم 😍
حمد : شرادتي
مريم : نعم
حمد : نبي انجيك
مريم اي عادي 😍😍
حمد بعد فكر فيها بطل وطير الفكره من راسه
مريم : حمد مش بتجيني 😊
حمد : لين نحصل سياره
مريم : امتي ؟!
حمد : غدوا ....اسبوع الجاي ....يوم لاتنين ...ماصارش اصلا
لين مريم ايست وهو ايمشيها فيها كل يوم قطعت الامل
حمد : الووو
مريم : نعم
حمد :اني في طرابلس ☺
مريم :حق 😍😍😍
حمد : ايه
مريم : بتجيني 😍😍
حمد : لالا بنأتي
مريم : ههههههه بارد
حمد :وين بنشوفك تو 😒
مريم : في الكليه 😁
حمد :شن بيرفعك ليها
مريم :بنمشي مع لبني 😍
لبني كانت نديدت مريم لكن خاشه قبل عمرها
حمد : به تمام
جا الصبح ومريم لبست احلي لبسه وبخة احلي عطر وفتتلكت رووحها وفرحااانه 😍
حمد : الوو
،،،،،،،،

#عطوني رايكم انكمل ولا بلاش 😘