Para. apat na letra na bumubuo sa isang salita kung saan sinasabi nang isang pasahero pag siyay bababa na.
bababa sa sinasakyang jeep kasi nakarating na siya sa kanyang kinakaroroonan.
para. simpleng salita nag ang ibig sabihin ay hanggang dito nalang.
minsan sumosobra, minsan rin ay nagkulang
parang ikaw, parang ako, parang tayo
hindi ko alam kung sino ang sumubra
hindi ko rin alam kung sino ba ang nag kulang
pero kung ako man ay nagkamali, mahal, sana akoy patwarin mong muli
kahit sa huling panahon nalang, bago ka bumaba sa jeep
sa jeep kung saan malayo ang byahe na narating na nating dalawa
sa jeep kung saan may ibang sumakay at nakisam sa ating pupuntahan at bumaba rin pagkaraan
sa mga pangarap nating ginawa nang sabay
pangarap nating sabay ginawa'y ngayoy bakit naglaho na.
hanggang dito nalang ba tayo mahal?
binigay ko naman lahat para mag tagal tayo sa biyahen ito
sa biyaheng parehas nating ginustong sumakay
byaheng sa una parehas tayong masaya
pero bakit ngayoy ikay biglang pumara at bumaba?
PARA
apat na letrang nagtapos sa ating dalawa
ngunit, bakit ganito mahal?
bakit bigla kang pumara?
sa lakas nang pagkakasabi mo nang "para"
napalakas ang break at akoy natumba
sugatan, nasaktan,
hindi man lang ako nakakapit sa hawakan
hindi kman lang nag pa abiso na may mali na pala
na kahit alam ko sa una palang ay marami na nagsabi na baluktot ang dinadaanan nating dalawa
na nagmahal ka nang kapwa
kapwa lalaking kagaya ko.
ngayon, akoy nalilito
di ko na alam saan papunta
kung saan pupunta
kasi ikaw ang nagmulat sa akin sa mundong ito,
pero di ko alam, tour guide klang pala
pinakilala mo lang pala ako sa mundong ito
hindi ko akalain makalipas ang ilang buwan magtatapos na tayo
hanggang dito nalang tayo
kaya "para"
para saan pa?
para sa ano pat iniwan mo rin pala akong mag isa?
pero dahil sa buong biyaheng iyon
isa lang hindi ko pinagsisihan
yun ay minahal kita, at natuto rin pala akong mag mahal
kaya PARA nalang sa malapit na babaan
doon sa waiting shed
kung saan maraming naghihintay
ako rin maghihintay
kung kailan na naman ako makaksakay
at makahanap nang kasabay sa isang byahe
yung byaheng hindi na ako iiwan hanggang sa huli
kaya mahal, PARA, pala...
palalayain na kita.
