تايهيونغ :
ديجا يدخل يشطح و في يدو طبسي (صحن) فيه الدلاع يسقسي المريض : تاكل دلاع خويا !!
المريض : لالا دكتور شوف حالتي و الله الدلاع ما وقتو دركا !
تايهيونغ يهدر مع الفرملية : و الله الناس ماتعرفش صلاحها كامل دلاع حلو سكر !
المريض دايم الله 💔🙂!
نامجون :
بون خويا قتلي عندك المرارة ! نامجون نحا المرارة و معاها طرف كبدة !
المريض : واش دكتور نجحت العملية !
نامجون : وي ... وشنو نحينالك شوية كبدة تديها معاك تقليها !
مريض : ماتمسخرش دكتور !
نامجون : كيما راني نقولك نحينالك شوية ! بصح ماكش راح تاكلها !
المريض : و ما يصرالي والو دكتور !
نامجون : لالا تموت برك 🙂 بصح ماشكيتش راح تصرالك حاجة !
جونغ كوك :
يهدر مع الفرملية : جيبي هاداك المقص لكبير !
المريض : و راح تقتلوني !
جونغ كوك : نتا توريلي الخدمة تاعي !!؟
جونغ كوك يهدر مع الفرملية : اسمعي فطنيه !
الفرملية : دكتور مانقدروش نفطنوه و الجسم تاعو محلول !
جونغ كوك : نوضيه تشوفي !!
ناض المريض : غير الخير دكتور !
جونغ كوك : خير خير ! اسمع حليت و ضربت طلة على الرية تاعك ياخو سودتلها الفاتشة تاعها يا اخي ! نجبدلك تشوفها !
ولا نقولك دوك ندير معاها سلفي و نحطها فالفايس و اجوتيني !
و الله غير فركتني ! تعرف جاستن بيبر و تشارلي بوس و ايو ؟؟
المريض : 📈_____ طيط* (دايم الله).
الفرملية : دكتور حبس قلبو !!
جونغ كوك : وي نورمال ça arrive
جيمين :
قتلي مالا كرشك راهي توجع !
واش كليت البارح ! وضربت اللوبيا فهاد السخانة ! شوف روح للدار تشيلاكسي مليح و اشرب تيزانة زريعة التشيواوا و هاك ادي معاك كيلو بانان و بالشفا عليك خويا ماتزيدش تاكل اللوبيا !
استننا قول فوفو !
المريض : فوفو !
جيمين: وجهك مانزيدش نشوفو هكدا خو ايا ابدا تروح!
جين :
اممم رجلك تكسرت ! يعيط للفرملية : فتشييحة ! ديريلو الجبس و ادا مكانش خلطي شوية سيما و ادا مكانش خلطي شوية طمينة !
جين : سمحلي خويا راني رايح ! فتيشحة راهي هنا تتهلا فيك!
مريض : سماح *
( جين راح يطيب الطمينة )
شوغا :
واش راهو يوجع فيك !
المريض : قلبي !
شوغا : روح ترقد و ارقد ارقد ارقد ! و ادا ماتنحالكش كمل ارقد !
هوسوك :
جاتو واحد لعجوزة ماتسمعش مليح !
خالتي واسمك ؟
العجوزة : انا سمينة !!
هوسوك : حاشا ماقلتش هكدا قتلك واش سماك الله ؟
العجوزة : اه و سمني سكينة !
هوسوك : من سنايكو جاتني سكينة !
العجوزة : و علاش راك تسقسي على اسمي !
هوسوك : باش نكتبلك الوصفة الطبية !
العجوزة : تعاودولي الزواج ؟! انا مقران مانخليهش !
أنت تقرأ
|| Bangtan in DZ || مكتمل 🙏
Comédieالملتقى الرسمي للارميز الجزائريين في الواتباد . كتاب يتضمن يوميات اعضاء فرقة بانغتان في الجزائر.
