تمنيت الاحبهم ما يبعدون ( قصة واقعية )

_ الجزء العاشر _

مــو ياهــو اليجـي
يعوض مكان الراح
شما طــاب الجرح
يبقه الأثـر موجــود 💔
_________________
سجاد : حلمت باحمد يباوعلي ويضحك وجان اشبكه حيل وكتله مشتاقلك وهو كالي لو مشتاقلي ماتجي ليش كاطع وكتله اجيك ان شاء الله بس هسه مشغول
ضياء:ياستار خير ان شااء الله لاتفكر بي
علي:ادفع صدقه وحل الموضوع مو تخاف من حلم شنو صغيرون
سجادبينه وبين نفسه :حقك علاوي متدري ليش خايف اني
صاار النداء وبدت الحرب والاطلاقات

الضابط :علي روح جيب الذخيره تلكاهاا بالهمر الرابعه
سجاد:علاوي خليك كاعد اني اجيبهن
علي:سجاد خليك بموقعك اني اجيبهن
سجاد ركض للهمر الرابعه وسبق علي وجاب الذخيره للضابط
علي عادي ماستغرب من فعل سجاد
بعد ساعه من الحرب
علي:شباب عطشت خل اجيب ماي
سجاد:علاوي اكعد اني اجيبه الك الماي
علي :لا شبيك انته
سجاد:ايي متشوف القناص وتريد تجيب ماي انته
علي:ليش واانته وحد
سجاد بصياح :ايي اني وحد ماريد اخسركم
ودنك راسه سجاد وعيونه تدمع تقدم اله علي بخطوات بطيئه ونضرات محبه واخوه وبعيون متروسه دموع ووصل يمه وحضنه وكاله:منو كلك اعوفك اني بس الموت يفرقني عنكم
سجاد زداد عنده البجي:الله ياخذ عمري قبل عمركم تدرون لااخوه ولااخوات وانتم كلشيء بالنسبه اليه
اما ضياء فاجا احساس غريب انو سجاد ضام عليهم شيء تقدم الهم واجه اباله انو مينبه احد انو هو شك بشيء وكاللهم :غسل لفكم ياماتستحون شنو هالسوالف مالت الزعاطيط ولكم تتبجبجون ادري ليش خايفين من الحرب 😂
صيروا مثلي وداعتكم ابد ماخايف بس ميت من الخوف

سجاد بضحكه عاليه وفل ايدي عن علي وتوجه لضياء وكاله :فدوه اروحلك سيد

علي :يلا رايح اجيب ماي
باثناء ماتحرك علي سجاد راد يحجي وضياء خله ايده على حلك سجاد وسحبه وكاله:هسه تسولفلي شنو السالفه
سجاد:ولك شسولفلك وكام يبجي

ضياء:بروح ابوك لاتخوفني شكو
سجاد؟تذكر الحلم مالتي
ضياء:اي شبي
سجاد:تره مو حلمت بنفسي حلمت بعلاوي راح ويه احمد
ضياء:استغفر الله ياربي الله يطول بعمره وياخذ عمري قبل عمره
سجاد:ياخذ عمري قبلكم ماريد اعيش بلاكم
بهايه الاثناء رجع علي الهم
ورجعوا للواجب مالتهم وبعد مرور ساعتين تحررت المنطقه الي بيها ضياء واصدقاءه
ضياء:شنو شباب شو سكته شنو تحررت المنطقه وطلع راسه من الساتر وكام يهلهل كللللللللللللووووووش

الضابط :ياااطايح حظ هلهل هذاا وطلع راسه تره اكو قناااص
اجه الضابط بعصبيه :منو بيكم سوه هالحركه يعني احنه متسترين عن القناص وتهلهل حته تكله مكانه هناا منو هلهل
ضياء:سيدي اني
الضابط :وليش هلهلت هاا شعدنه عرست حبوبتك
ضياء:لا بس جان ميصير عدها اطفال وهسه خابروني طلعت حامل وهلهلت
الضابط:وفوكاك تحشش خل تخلص الحرب وانزل بيك عقوبه وعقوبتك هسه تصير بالمتقدم
ضياء:بصوت ناصي لابالله خاف متقبل
الضابط :شكلت ولك
ضياء:سيدي كلت حاضر
الضابط :يلا ولي منا
وراح الضابط
ضياء لمن شاف الضابط ابتعد:كام يصيح دوولي تعال تعال شو شردت شفتوني شلون ردت ابسطه وشرد
علي :سيد اكعد واسكت خلوك بالمتقدم حته القناص يجيبها بالكصه 😂