اليوم كمل سي خونا جونغ كوك البرقوق الباك و راهو في انتظار التشكتشوكة لي دارها ....المهم خرجوا الخشان تاعنا (لي ما يحبش لخشان غير يروح و يقفل البيبان يا -ماقستهاش ._. ) جين هابط بطبسي فيه زوج حبات قلب اللوز ياكل و نامجون شايد لباطة تع الدومين ... جونغ كوك شعروا مغوفل طالع فالسما (الباك -_-) يونغي يكركر في روحو شوية و تديه عينو يرقد و جيمين بالسبحة و العراقية و القميص و تاي هيونغ و هوسوك يتناقشوا على شكون خير ريال مدريد و لا البارسا ..
المهم لخشان تاعنا بداو يهدروا على البويرة (بيلبورد) .
جين : و هاديك لي محفة شعرها تقول راح تجوز لارمي ياجدك 😂 (ضحكة جين غنية عن التعريف)
نامجون : ايا احشم قادر روحك يا سي سوكجين هي اون بيغصون قالتنا ارواحو تتصوروا معايا !
تاي : نامجون شفت هانا مونتانا سفقتلنا كي طلعنا !
نامجون : هانا مونتانا !!! وسمها مايلي سايروس !
تاي : كيف كيف المهم .
جونغ كوك : جازت عيانة كامل سي "جاستن ورقة " ماجاش !
يونغي : انا للدرك مافهمتش علاش بعتونا لوكان خلاونا نشبعوا الرقاد ماشي خير .
هوسوك : نيكي ميناج كانت تحفة !
تاي : ما تتمسخرش !! كون شفت سهيلة معلم تبدل رايك !
جيمين : كامل هدرتو ! انا متعجبنيش ju لي حطوهلنا اوااه كارثة شغل "Sanibon"
جونغ كوك : تعيي علابالك !
جيمين : ماهدرناش معاك سافا دوركا !
جونغ كوك : لاباس الحمد لله !
نامجون : بركاو الجياحة تاعكم !
تاي : شكون شاف عاشور العاشر اليوم ؟
جونغ كوك : لقمان يقلق يدير القنطة !
تاي : تغير منو ؟
جونغ كوك : بدل السوجي خاطرش ماقستهاش ! .
هوسوك : انا ختي راهي قالبتها جواد ضاربة السيريو تبعتلوا les cou cou فالانستا .
جيمين : رجلاوي يجي عليها 😂😂
هوسوك : بديت تدصرني حبيت تولي صاحبي اه .
جين : نورية غير هي لي تسلكني تشبعني ماكلة ☹.
نامجون : لي يسمعك تهدر على الماكلة تقول داركم مخلينك للشر .
يونغي : واش رايكم ليوم نسحروا بالشوا ؟
تاي : لوكان تحكمنا التخمة ؟
يونغي : كول حقك برك ماتحكمكش التخمة.
جين : نجي .
جونغ كوك : مام انا رجلي على رجلكم.
بن عمييييييي
راحو كامل فالطنوبيل متزاحمين متراحمين كلش كلش و الشوا المهم 💔 فالطريق كالعادة جين يبرهم باللي بلاق لي ماضحكوش بصح يضحكوا فنفس الوقت !
جين : قالك واحد النهار 3 رجال حابسين مالا دارو جريمة مالا جاو لابوليس يحوسوا عليهم قالك اللول تخبى تحت الكنوبيل قالهم انا ميكانيسيان و التاني تخبى قدام البوطو قالهم انا ايليكتريسيان و الثالث تخبى مور لحمار قالهم هادا وين زدت 😂😂😂😂.
يونغي : تزيد وحدوخرا نخلوك فنص الطريق .
جين : مايكون لا خاطرك يا مولاي سلطان يونغي العاشر.
يونغي راك تلعبلي على المورال اه ☻
{ ملاحظة : كي كنت نهدر على Pop idols كانت juste قسرة و بليزير }
أنت تقرأ
|| Bangtan in DZ || مكتمل 🙏
Hài hướcالملتقى الرسمي للارميز الجزائريين في الواتباد . كتاب يتضمن يوميات اعضاء فرقة بانغتان في الجزائر.
