هاجر
بتي صابرين كبرت وصارت حلوووةاخاف عليها كلش لان ماعدها احد غيري اخاف باجر عكبه اصير خدامه مثلي وتعيش نفس تجربتي امنيتي تدرس وتطلع دكتورة اني غلطت وصارلي ١٨سنه ادفع الثمن محمد الي حبيته ونطيته نفسي تونس بيه وشمرني وظل ويا جنان لان جنان عدها فلوس برغم هو ميحب جنان واني ضحيه صرت بسبب غبائي صارعمر صابرين١٦سنه مافديوم محمد حجه وياها او حاول يتقرب منها مهما تكون بنته صحيح دورات اشوفه يباوعلها من بعيد بس محاول يسوي شي اما هسه ف معتز كبر معتز من جان طفل مختلف هادئ جنت من اشوفه اكول سبحان الله هو طفل بس عبالك رجال بتصرفاته بحركاته وكلما يكبر كلما كام يتغير ولحد هسه عمرة ٢٠ سنه بس هو انسان قاسي شورة من راسي ميقبل احد يعارض كلامه سحب كل الشغل من يد محمد وهو كام يشتغل وانطه اوامر محد يسوي شي بالبيت اذا ميرجعله طبعا هو جان صديق بنتي من هوو صغير بس من كبر تغير اكيد احنا وين هما وين دائما احسه يكرهني واكفلي على طكه بس ميكلي شي احس نظراته تحجي شي بداخله هوو سكوتي وقوي ولمن يدخل للبيت رجل امه يصير مثل الذبانه بعد ميفتح حلكه ههههه
يستاهل على الي سواة بس هي جنان تحبه تموت عليه وهو يعرف شلون يقشمرها بس رغم كل الي سوا بيه بعدني احبه وماحبيت غيرة ولاكدرت وخلص شبابي واني ماعاشت شي بدنيتي
