حب بعد عذاب

تعريف الشخصيات و صافي

"أميمة أميمة "
"وا سكتي خليني نعس راه غانوض ليك واش تا نهار الأحد ماتخلينيش نرتاح يا هاد المصيبة "
"واش أنا لخاطري نوضي راه عيط ليا عماد خاصنا نمشيو الخدمة"
"أويلي كيفاش نمشيو راه تا العشية؟"
"نوضي أحبيبة على سلامتك راه اليوم كاين داك عشاء عمل"
"أويلي نسيتو ناااااري تعطلنا قفرناها اليوم داك راس الطارو ديال ولد الباطرون يسبطنا نوضي خلاص وجدي راسك القحبة آش كاتفرجي فيا"
ناضت قافزا كاتجري هههه طيراتني المهم نعرفكوم على راسي أنا أميمة عندي 19 سنة أنوصف ليكوم راسي أنا عينيا كبار و مشفرين لونهم خضر نيفي صغيور أو منگاد فيم حميمر أو مقاد شليقمات منفوخين شعري كحححل أو طويل ماما ديما كانت كاتوصيني عمري نقطعو الله يرحمها أناا بيضة بزاف و فورمتي مقادة كولشي كيقولي فورمتك زوينة 😍😍😂
هادي لي كنت كانهضر معاها عشيرتي و كثر من ختي زينب تاهي تقريبا فحالي فالمواصفات كانتشابهو بزاااف لدرجة لي شافنا كيقول واش توام حتى ولينا شاكين فراسنا حنا كانقراو سنة أولى الطب النفسي لي ختاريناه بزوج حيت أنا وياها عمرنا تفارقنا و لا تخالفنا فشي حاجة أنا عندي بابا سميتو أحمد عندو شركة ديال الإلكطرونيات هو و بابات زينب آه نسيت ماقتليكمش زينب بنت عمي و بنت خالتي فنفس الوقت حيت بابا و باباها خوت وتا ماما و ماماها و عندي خويا كبير سميتو ياسر بوكووووس هو سميمر شبه لبابا عينيه زرقين و مشفرين وشعرو كحل و رطيطب عندو واحد الفيم آش خلاتها زينب غي ديال البوسان 😂طوييل و مكلظم (الصراحة الفتياتش بغيت نضبر ليكم معاه  و لكن و الله تقتلني زينب خخخخخ من بعد و نعاود ليكم)المهم هو خدام مع بابا فالشركة هو و خو زينب إياد لي تاهو فحال مواصفات خويا غي هو حسن منو زوييييين 😍المهم هاد العمل غي تمويه حيت الخدمة ديالهم الحقيقية هي المخابرات كلهم بابا و......آيه تا خالتي حياة(أم زينب)و ماما (نجاة)و لكن مني تزادينا قدمو استقالتهم باش يقابلونا و الرجال بقاو آح حكا إياد و ياسر عندهم 26 عام مفاوتين بشي شهرين و صافي كاتساءلو علاش حنا خدامين حنا فالعطلة ديال 15 جوغ و بما أننا فالدينا كولشي حنا طلبنا من والدينا ندوزوها فمدينة آخرة و مايعطيونا لا فلوس لا والو و نكونو بوحدنا بطبيعة الحال مبغاوش فالأول خصوصا خويا قالك كيفاش بنات عائلة البناني يمشيو يخدمو باش يدوزو عطلة و ف مدينة خرة باغين تاخدو سيبا والله لا مشيتو تفو على خراي 😒مشيت عند بابا خليتو يوافق بلهلا يطريه ليه كنت فالمكتب كانهضر معاه هو و عمي و معانا تا زينب  و هو يدخل داك كحل العفطة دياسر و إياد كانتفكر داك النهار كيبقا فيا الحال
فلاش باك
فتح ياسر عليهم البيرو مخنزر و ناوي على يخ زيت
ياسر"هاي هاي بنتو ليا دايرين اجتماع عائلي بلا بيا"
سي أحمد(بابات أميمة)"آه كنا كانهضرو على العطلة د البنات"
ياسر"هاها واش كاتحلمو نتوما أدوك الزوجات را و الله لا عتبتوها"
إياد"قالك يخدمو مالكم دختو و لا شنو  قولو باغين ديرو السيبة"
ياسر"وااييه باغين يخرجو فنصاصات الليل القصاير و تاحد مايهضر معاهم"
إياد " والله لا عتبتوها"
أميمة"و نتوما مالكم ياكما ولدتونا و نسينتونا "
ياسر"أتسكتي نتي ولا ماغايعجبك حال "
أميمة"شناهو مالك نتا شكون راك هي شماتة ماحضيتي تاصاحبتك مخليها من يد ليد و جاي طبقها عليا أنا"
ياسر هز يدو تاهزها و عطاها بتصرفيقة تاطاحت الأرض أميمة تصدمات عمرو ماضربها فحياتو بدات كاتبكي كولشي تصدم جا إياد عاونها توقف طلقات منو و مشات كلسات فالجردة كاتبكي مشات تخبات فواحد البلاصة و جبدات كارو تابردات غدايدها و لاحتو (راها مامبلياش غي كاتكميه مرة مرة لاكانت معصبة ولا مقلقة) غي لاحتو و هو يوقف عليها إياد تخلعات يصحاب ليها شافها
إياد "ماديريش فبالك أ أميمة راك عارفا خوك كيخاف عليك داكشي علاش"
أميمة"ماشي سوقو فيا يمشي يحكم فصحيبتو عاد يجي يحكم عليا"
إياد "نتي راك ماعارفة والو سناء راه ماشي صاحبتو راه غي شي مهمة فالخدمة رغمات عليه يتصاحب معاها"
أميمة "واخا هاكاك و أنا لاش يضربني"
و بدات تاتبكي عاوتاني عنقها إياد و بدا كايمسح ليها على شعرها"واصافي را غي حيت عصبتيه و صافي"
شوية وقفات عليهم زينب "هاي هاي ناس عايشين الرومانسية"

إيند تو فلاش باك
من بعد خويا طلب مني السماحة  و وافق بزز منو حيت بابا سبطو المهم قررنا نمشيو لكازا حيت حنا ساكنين فالرباط المهم مشينا كرينا أباغتومون و قلبنا على خدمة لقيناها فواحد المطعم راقي نهار كانخدمو فالصباح نهار فالعشية و اليوم كاين واحد عشاء عمل جايين فيه غي لي بوغجوا و غانخدمو نهار كامل حيت هوما حجزو المطعم كامل و خاصنا نقادو المطعم و نزوقوه قالينا ولد الباطرون نجيو بكري حنا نسينا تا عيط لينا عماد علمنا تاهو خدام معانا المهم نرجعو القصة نضت دوشت صايبت شعري سامبل لبست حوايج الخدمة لي عبارة على جيب كحلة واصلة للركبة و قاميجة بيضة هه داكشي كلاص درت ماكياج كونتورينغ ريسيل أيلاينر و عكر حمر ماط باغسكو هادا الماكياج دالخدمة حيت حنا وجه المطعم هزيت صاكي و نضاضري درت لشعري كو دو شوفال و خرجت عند زينب لقيتها واجدة كاتسناني تاهي دايرة فحالي
أنا"جيتي زوينة ا الساطة"
زينب "هههه كوتشوفي نتي "