بنسمع اليومين دول إن ناس متعرفش الموضوع ده... أو إن في ناس رافضة تصدق إنه فرض يمكن عشان مش عارفين الصح فين... أنا اتحجبت لما بلغت يعني كان عندي ساعتها حوالي ١٣ سنة بس دي مش حاجة مضايقاني بالعكس أنا مبسوطة إني عرفت اخود الخطوة دي بدري...عشان في ناس كتير بتحاول تتحجب بس مش بيعرفوا لأنهم قعدوا سنين متعودين على الshort و الcroptop فبالتالي بيكون صعب قوي إنهم يتحجبوا لما يكبروا...
أنا كطفلة ولحد قبل ما أبلغ كنت بلبس كل أنواع و أشكال اللبس... كنت عارفة إني لما أكبر هتحجب (عشان كنت عارفة إن الحجاب حاجة كويسة بس مكنتش عارفة إنه فرض) لحد ما مرة قعدت مع مامتي و قعدنا نتكلم في الموضوع ده.. (أنا بعتبر مامتي أكتر واحدة فاهمة الدين زي ما الكتاب بيقول و بتعرف تتكلم فيه كمان عندها قدرة علي إنها تحبب الناس في الدين بطريقة متفتحة جداً).. سألتها: -هو الحجاب فرض؟يعني لازم الواحد يتحجب؟ -طبعا ً الحجاب فرض... - إيه الدليل؟يعني هو الحجاب مكتوب في القرآن؟ - آه موجود في كذا سورة و في كذا حديث.. *مسكت المصحف و فتحت علي سورة النور*
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
-بس ثانية كدة ده خمار مش حجاب... طب إيه الفرق بينهم؟ - الخمار يعني عباية و طرحة طويلة... - إيه ده يعني الpantalonو الt-shirt حرام؟ -لا مش حرام بس يكفي تغطي شعرك و دراعك و رقبتك عشان الزمن اتغير و الإلتزام بقي أصعب من الأول.... المطلوب هو الاعتدال كل واحد فينا يعمل اليقدر عليه... -بس ده صعب قوي والجو حر كمان... - الصعب ثوابه كبير قوي اومال ربنا عمل الجنة درجات ليه... كل واحد فينا ربنا هيميزه عن التاني علي أد إلتزامه و طاعته عشان الجنة مش لكل الناس....
*** فضلت اشاور عقلي كتير في الموضوع ده روحت دورت و قريت احاديث عن الحجاب وفضل الكلام السمعتو مأثر فيا... كنت دايما ً بقعد أفكر ازاي أبقي كويسة عشان أنا كنت مش منتظمة خالص في الصلاة و جالي وقت كنت بزهق قوي من أي حد يقولي صلي أو انتظمي في الصلاة و الكلام ده... وبعدين لقيت إنه إيه ده هو أنا بعمل كدة ليه أصلا ً؟؟ أنا ليه بعند بالطريقة دي مع نفسي... ده في ناس مش لاقية الينصحها و تتمنا أم زي أمي كدة تعقد تتكلم في الصلاة مرة و اتنين من غير ما تقولك أنا مالي طب ما تولع هي كبرت وعارفة مصلحتها أنا أوجع دماغي ليه...
*** في يوم طلعت من اوضتي و قولت لمامتي إني خلاص قررت اتحجب و أبقي كويسة ودي كانت البداية...
