صباح جديد ممزوج بصوت امي الحنون وهي تصحينا للجامعه وتجهز لنا اغراضنا عشان لا نتأخر .. قمت قبل اختي كالعاده لبست اول شي شفته ب الدولاب لان ببساطه ما كان لي خاطر اداوم وصحيت اختي اللي باقي شوي وتتزوج سريرها من شدة حبها للنوم .. نزلت للسياره ع طول لان ما كان في وقت للفطور.
'الجامعه
دخلت وبالي مشغول بمتى اخلص دوام وكيف بعدي واصبر على محاضرات اليوم اللي مب ناويه تخلص! قطع تفكيري صوت عليا اللي نساني موضوع المحاضرات ويومي الطويل هذا للحظه ع العموم عليا هي صاحبتي من ايام الثانوي الله قدر وكملنا للجامعه سوا وانا اكون مريم طالبةة طب عمري ٢٤ سنه
عليا * وهي تضحك * : واضح ان مالك خلق ابدا.
مريم ب ابتسامه : نموت ع الفاهميين .. مالي خلق بس شسوي الله يصبرني ويعدي هاليوم ع خير.
عليا وهي تلم كتبها : ابوي انا سايره الحق ع محاضرتي خلك هنا تحسري بكيفك.
عليا راحت محاضرتها ورجعت افكر بيومي الثقيل لحد ما جاء وقت اول محاضره ودخلت .. الكل كان متوقعنه يبدا شرح بس الغريب انه بدا ب طلب بحث اول ما قال كلنا حاولنا نقنعه يغير رأيه لكن كمل كلامه وقال البحث بيكون ميداني بمستشفى ابن سينا طبعا للي ما يعرف هالمستشفى هو مكان يحوي كل الحالات النفسيه من ابسطها لاكثرها تعقيدا
المطلوب منا نمسك حاله ونطبق عليها هالبحث انهى كلامه هنا بدون تفاصيل زايده وبدا يشرح ....
بعد نهاية المحاضره * عند الدكتور*
مريم : لو سمحت دكتور ممكن شويي من وقتك؟
الدكتور : اكيد تفضلي
مريم : بس كنت ابا اعرف متى نروح المستشفى ؟
الدكتور : بعد ثلاثة ايام ان شاءالله بناخذكم للمستشفى وبتموون ف سكن داخلي لحد ما تنتهي المدة.
مريم ؛ شكرا
طلعت من عند الدكتور متحمسه للموضوع كان غريب اول مره اتحمس لبحث !! ما علينا جلست في الكانتين انتظر عليا..
بعد نص ساعه /
عليا : ها تأخرت !؟
مريم ؛ لا حشى بس نص ساعه عنتالله ش تسوين هناك !!
عليا تضحك : والله مب مني من الدكتوره اللي بالعه لها مسجل م يخلص الكاسيت ماله .
مريم تعدل جلستها ؛ زين بخبرك سالفه .. الدكتور بياخذنا نسوي البحث في مستشفى ابن سينا
عليا : غريبه متحمسه ش الطاري !؟
مريم : ياخي مدري بس حاسه انه بيكون شي جميل
عليا تضحك : الجميل والله المجانين اللي بتقابليهم كود احد يتزوجك منهم .
انتهت جلستي مع عليا هنا ورجعت للبيت وبديت اجهز اغراضي للروحهه عدا هالحدث كل شي ب الجامعه ويومي كان روتيني لحد
اليوم المنتظر.
