صباحح يوم الرحلهه /
مريم : امي انا بروحح تبين شي !
ام مريم : سلامتك .. لا تنسي اللي وصيتك عليه وانتبهي لك هناك وخل..
مريم تقطع كلام امها : ان شاءالله ما بنسى والله لا تحاتين
....
تركت امي وركبت مع السواق للجامعه وكنت اولهم واضح اني ابدا مب متحمسه ! هالمره علويهه مب معي بس توصياتها م نستني .. ركبت الباص وانتظرت الكل يوصل
ب سكن المستشفى / بعد ما وصلنا
المشرفه تأشر على مريم وثلاث بنات : انتوا بتكونوا في هالشقه واغراضكم بتوصل بعد شوي .. اي شي تبونه كلموني
البنات : شكرا
...
صباح اول يوم بالمستشفى /
مع كل الحماس اللي كان فيني الا انه كان بي خوف كثير وبدا يزيد كل ما نقرب من المستشفى قطع توتري ورجفةة يدي يد وحده من البنات اللي طبطبت ع كتفي
وقالت: انا اسمي فاطمه ولا ترجفي كذا كلنا خايفين ترا بس ان شاءالله خير
مريم : ان شاءالله
...
م حكينا كثير ونزلنا سوا لداخل المستشفى بدا المشرف يشرح لنا الاقسام ويورينا الاماكن وبعد ما خلصنا من الجوله عرضوا علينا الحالات اللي بنمسكها وشفناهم من خلف الزجاج..
اشكالهم كانت مثل ما توقعنا ب الضبط تعكس حالة مرضهم وتقريبا عرفت كل واحد فيهم من شو يعاني بس لفت انتباهي مريض اخر الصف كان شكله جدا طبيعي حنطاوي حواجبه وملامحهه حاده عيونه واسعه بريئهه متناقضه مع باقي ملامحه كان مركز نظره ع الطاوله عشان م نشوف البراءة من عيونه وتنعكس ملامحه لملامح الطفل ! خشمه طويل او سيف مثل ما نقول وشعره كان منحوت من الجوانب ..
الغريب اني عجزت احدد حالته شكله كان جدا طبيعي وكأنه صاحي بدون اي اشارات لمرض معين ع العموم بدا المشرف يحكي قصة كل مريض ووصل للمريض الاخير وقال !
المشرف : اللي ع الزاويه ب اخر الصف مريضه وصلت للمستشفى من ٣ اسابيع عجزنا فيها نصنفها لاي صنف ونعرف الحاله المرضيه بس المتأكدين منه انها مريضه نفسيه
بنت من الطلبه : عفوا يعني سمعتك تقول مريضه !؟ هي بنت
المشرف ب ابتسامه : هيه بنت رغم القصه والجسم اللي م يدل ع هالشي ابد.
المشرف يكمل كلامه : المريضه من نوع مختلف ومزاج متقلب جدا يعني اللي بيشرف عليها بيتحمل اي اذى يحصل له ونحن بنخلي مسؤوليتنا تماما منهم وتذكروا انتوا مب مجبورين تختارونها.
مريم : يعني حتى لو صار قتل !
المشرف : بالذات القتل ما بنكون عنه مسؤولين او عن ادنى جرح ممكن يصير منها واللي بيشرف بيوقع انه موافق ع هالكلام قبل كل شي .
....
بعد هالكلام الكل ابتعد عن هالمريضه واختار له حاله بسيطه بس انا كنت حابه اخذ هالبحث لمستوى عالي ومنها درجات اكثر و ع الاقل اخمد نار الفضول اللي بداخلي !
مريم : لو سمحت
المشرف : تفضلي
مريم : انا باخذ هالمريضه ومستعده اوقع الحين
المشرف ب استغراب : ترا الوضع مب سهل ابدا وقت نوبتها عشره منا م يقدرون يسيطرون عليها الا بالمخدر
مريم : انا مستوعبه وبتحمل المسؤوليه كلها
المشرف : على راحتك اتبعيني عشان توقعي
تبعت المشرف ووقعت على الاوراق والحين اقدر ادخل وابدا بحثي مع المريضه ...
غرفةة المريضه /
مريم : السلام عليكم
المريضه : .....
مريم : ش اسمك
المريضه : مكتوب p90 ع القميص و ع الغرفه اتوقع تعرفي تقري !؟
مريم : انا اقصد اسمك مب رقمك!
....
م ردت بعد سؤالي هذا واكتفت بنظره هزت كل اللي بداخلي وصرت طير بله المطر من الخوف اول مره احس بهالاحساس ! سحبت نفسي وصكرت فمي وطلعت من الخوف
...
