First Love Is The Deepest by Gwen

Part 3

#firstloveisthedeepest

PART 3

"So there's this boy, the way he laughs makes me smile, the way he talks gives me butterflies and everything about him makes me happy"

Gwen A. Caleigh

Lepas becakap sama si Shawn dan Eric haritu, ada lg lah beberapa kali tejumpa dengan durang masa pg canteen. Sia selalu pg canteen dengan best friend sia c Maira, Dianne, Rachel and Precilla. Bila kami tesama2 durang si Shawn dan Eric sia notice my bffs ni mcm smitten betul sama si Eric, kamu tau kah yg mcm emoji mata love2 tu bah 😍😍😍😍 gitu. Well there's no denying c Shawn dan Eric ni mimang both good looking, ada lagi tu beberapa classmates durang pun kira okay juga lah, berupa. Kira kalau form two masa tu, durang ni kira heartthrob labah. But being me, well sia indifferent towards durang, lagi2 sia sama Shawn sdh kenal lama kan. Kasian owh sia kan hahah...

One thing about me, sia suka ada guy friends, they are different from gurlfrenz, lagi2 sia masa tu manaaa pandai bejiwang, yg sia taw pg sekolah belajar pulang sekolah. Naive nokopio hahah...

But all that, are about to change... 😆

Sia ingat betul masa tu, pagi, sia pg school mcm biasa, owh lupa, kami yg lower form masa tu, sesi petang. Sampai jak kelas, i saw my gurlfrenz Maira, Dianne, Rachel and Precilla bekumpul di meja c dianne. Sia pg lah join durang. Suddenly,

"Nah ngam, datang sdh c Gwen!" - Maira

"Aik, napa Mai?" - Me

"Gwennnnn.....tulung kami bulih kah?" - Precilla

"Wow, lain macam jak Gwen ko ni, apa juga yg kamurang minta tulung ni?" - Me

"Alaaa, jgn bah gitu. Tulung labah" - Dianne

"Iya lah, apa yg mau ditulung? - Me

"Tulung kami bg ni bday card sama present utk c Eric Jude, ko kan biasa sama si Shawn, tulung bah minta tulung si Shawn bg sama si Eric, please..pleaseeee" - Maira

😩 "Astaga, sia ingat apa!" - Me

"Jadi bulih laini kan? Thank you Gwennn" - Rachel

"Bah bagi lah sini, sia kasi. But how come sia tidak tau yg kamu bepakat mau kasi c Eric ini utk Birthday dia, dan macamana kamu taw dia Birthday hari ni? - Me

"Aik, ko bukan couple sama c Shawn kah? Kami tingu kamu rapat betul ni, jd kami ingat ko tidak minat mau join kami punya plan " - Dianne

😨😨😨 "Wait whattttt???? Sia sama Shawn couple???! Doi dogo tulung lah, bapa sia baitu, i mean nama dia sama stepdad sia sama jd sia panggil dia bapa, but ishk, sia sama shawn? No no no, mcm abang sia jak dia tu, bikin gali owh kamurang ni!!!" - Me

Ketawa2 bah durang nampak muka tepanik dan tekajut sia, silaka!!!

"Owh alalala, salah sangka sudahlah kami tu, siou" - Maira

"Sorry Gwen, sia pun salah sangka. Bah tapi ko masih mau tulung kami bah kan? - Precilla

"Bah iya lah, sia hantar lah, cepat, nanti kijap lg cikgu masuk kelas ni. - Me

Sia pun bawalah segala card durang dan hadiah entah apaitu bebungkus tp sia rasa mcm coklat jak heheh. Kelas durang shawn selang 1 kelas dengan kami.

Masa sia mau hantar tu ngam c Shawn becerita sama classmate dia perempuan dia luar kelas, sia tingu tu perempuan pigang penyapu sambil ketawa2 dengar cakap c Shawn. Cisss, bila sia perhati c Shawn, trus sia teringat yg c Dianne cakap pasal durang ingat sia sama c shawn couple, trus sia rasa mo merah bah muka sia, buduh! Silaka durang! Punya bikin malu kalau c Shawn tau, punya awkward tu nanti, shooot!!!