مشكله بين صاحب صيدليه وموظف عنده .. انكتبت عالفيسبوك .. بيعلق زميل : بكره بتنحل بفنجان قهوه بالنقابه!!😳😳😳
طيب لما في زميل مش عاجبه انه بتنحل بفنجان قهوه بالنقابه.. ليش نغلب حالنا؟؟ اصلا هذه معظمها حقوق عماليه.. يعني شكاوي لوزاره العمل وخلي هالصيادله يبلشوا معهم!!!
صار لي شهر في لجنه الشكاوي ومعظمها بتلف وبتدور بحقوق موظفين ومطالب اصحاب صيدليات ..وفصل تعسفي، وما اخذ ضمان، والاضافي .. والدوام ..وووووو
احنا يعني الحق علينا اللي بالنقابه فاتحين أبوابنا وتلفوناتنا عشان نحل الإشكالات اللي عم بتصير بين الزملاء من غير ما تكبر القصه؟؟؟
احنا يعني الحق علينا اللي منترك اشغالنا ومنروح عالسريع نلتقي فيهم نفهم شو القصه ونصلح بينهم ونتأكد انه كل واحد أخذ حقه!!!!
فعلا احنا الحق علينا.. احنا عندنا مشاكل ومهمات كبيره مثل
العلاقه مع المستودعات
العلاقه مع شركات التأمين
ومثل ومثل ومثل ...
وفكركم هيك نفسيات رح تأثر علينا ولا تحبطنا ولا تقلل من لهفتنا انه نجيب السائل ونغيث الملهوف؟؟؟ ابدا طبعا.. رح تضل ابواب النقابه مفتوحه للجميع ولكل انواع المشاكل والتساؤلات .. وشو حقوقنا وشو واجباتنا.. اذا الواحد ما لجأ لنقابته بالاول وين يروح؟؟؟
أي مشكله بين اي زملاء منقدر نحلها بالكلمه الحلوه وفنجان القهوه .. بتكون ان شاء الله في ميزان حسناتنا..
هذه كانت نيتنا لما ترشحنا.. انه نخلي الدنيا احسن .. والمهنه أرقى .. لكل من يعمل فيها ..
وعلى فكره .. انا صاروا حافظين قهوتي بالنقابه .. ساده ودبل ومن غير وجه..😊😊😊😊😊
عضو مجلس نقابه الصيادله
عضو لجنه شكاوي
غاده صلاح
