انت نصيبي

الجزء الاول/الكاتبة🌸YAQEEN ALOBIDY🌸

هلاو اعرفكم بنفسي اسمي ميار عمري17سنه كملت خامس اعدادي وانتضر السادس💔عايشة وي امي وابويه ماعندي اخوان او خوات واحنه بيتنه قريب من بيوت خوالي وبيت جدي اهل امي واني كلش متعلقه بيهم وكليوم يم واحد ويحبووني كلش وميانه وياهم طبعا الي اعرفه عندي عمين عايشين بالبصره لان بابا بصراوي وماما بغداديه وحبوا بعض وازوجوا وعاشوا ابغداد لان بابا جان يدرس بالجامعه وبابا حاليا استاذ جامعي وماما مدرسه بمدرسه متوسطة ولد ومعيشيني بمدرسه طبعا قاسيين وياي لمن اسوي شي خطأ بس يحبوني كلش
حسب علمي سمووني ميار لان بيبيتي ام اابوي اختارته لان ع اسم اختها الماتت وعندي صديقات هوواي اعزهم نور كلش صديقتي  ونسيت اكلكم اني عندي سكر واهلي يخافون عليه كلش وهذا ملخص حياتي 😻
كعدت مثل كل يوم عطله ساعه ب12نزلت ماكو احد بابا وماما رايحين لدواماتهم عدهم امتحانات ماما ثالث ومراقبه وبابا بالكليه هم عنده مراقبه ومدري شنو ووحدي طبعا جان رمضان فتحت فوني واتمددت ع القنفه وفتحت انستا وفيس وفايبر وتلي سويت جوله سياحيه😂ولكيت نور متصله ع الفايبر كلت احاجيها وخابرتها
ميار:هلاوووو شلونج جكوم
نور:هلا هلا بالحافيه تمام وانتي
ميار:ولج شنو حافيه
نور:اني جكمه مو
ميار:ع نفسج
نور:انجبي هسه كوليلي اشلونه سيف😍
(طبعا نسيت اكول نور تحب ابن خالي سيف لان هيه هم جيرانه بغير فرع)
ميار:شمدريني قابل كاعده وياه اني
نور:عود روحيلهم ورديلي خبر
ميار:اني صايره مرسال الغرام شنو رايج اكله
نور:لا لا والله اموتج
ميار:اووك جهزي نفسج للدرس ورا الفطور امر عليج وياه اخليه يوصلنه بالسياره
نور:صدككك فدوه شكد احبج
ميار:اي اني هم ياالبي يلا سي يو وسديته ومثل كل يوم اضل كاعده ع انستا اكثر شي ورجعت ماما بال3العصر هي وبابا
بابا:هاا ميمي شلونج
ميار:رحت حضنته زينه
ماما:شعجب كاعده اليوم
ميار:فزيت وحاجيت نور وضليت كاعده اشويه واصعد اخذلي غفوه
ماما:اي احنه حنصعد انام لضلين وحدج هنا هسه شويه وتجي ميري(وحده فلبينيه تشتغل عدنه)وعود اصعدي
ميار:اووك ورجعت تمددت واباوع طبعا الانستا مالتي مليان صور كليوم انشر صوره واليوم شفت صوره بوراك الممثل التركي ونشرتها وكتبت جوه هذا شياكل فضلينه نسولف ونشاقه بالتعاليق اني وصديقاتي ووحده تكرهه تكلي ياكل سم واني ارزل بيها متنه ضحك بيومها وكعدت ع التلي وغيرت صورتي بيه وخليت صوره عيني ووياهة حقوق وحاجيت سيف وقبل واشويه واجتي ميري وصعدت نمت مرت لخ وكعدت بال6العصر واشويه واذن بالفطور
ميار:ماما شلونها الاسئله دشوفوها لو لا
ماما:صعبه هالسنه خطيه الطلاب
ميار:يي خطيه صيام وهاي
ماما:يي كوليلي شوكت درسج عمود ابوج يذبج
ميار:بال8بس ماكو داعي سيف حيوصلنه
بابا:ايي والله تعبان اصعد انام دائما يسوي عليه فضل هالسيف
ميار:هههه اي وكمت بدلت لبست ثوب كابوي صلوخ من فوك ومن جوه منفوخ ومو كابوي وفوكاه ستره كابوي وشال مشجر وكعب وجنطه وتعطرت واجه سيف
سيف:هلاو هلا ولا عبالك كاعد ترحين للدرس
ميار:سيف بالله متسكت يعني كاعده بالبيت وساكته وارفه عن نفسي بهل ساعتين وابدل واكشخ
سيف:اسف اسف امر ع صديقتج مو
ميار:يي ومرينه ع نور وصعدت وره
نور:السلام عليكم ومنزله راسها وتحجي ع كيف
ميار:وعليكم بس بكلبي انزول عليج😂
سيف:اهلا بيج
ميار:سيف اوكف لتحرك حرجع ليوره يم نور نسولف
سيف:وووك بسرعه
وصعدت يم نور
نور:اليوم طكيت من ضحك من وراج ثابرتنه بهذا بوراك مدري كبه
ميار:انجبي مااسمحلج هذا العشق فدوه
نور:هههه خبله ورحنه للدرس ووخلصنا ودكيت ع سيف اجه اخذنه وصعدنه ليوره اثنينه لان اصلا اكو ولد ليكدنور:بصوت ناصي ميار منو هذا
ميار:علمي علمج ماادري والله
واباوع الولد صاك واطويل منوو هذا
سيف:ميار
ميار:هااا
سيف:شسويتوا بالدرس
ميار:متحملت سواله وجاوبته ركصنه
نور دارت وجهة ع الجامه وطكت ضحك وولد فطس ضحك وسيف يذب لون وينطي لون
سيف:ولج امسودنه
ميار:اول شي يعني شتريدني اجاوبك يعني واحد شيسوي بالدرس وثانيا اني مو مسودنه اوك
سيف:ياالله لزعلين وين اوديج
ميار:لبيتكم هسه اخلي خالو يرزلك
سيف:لاعمي ووكف يم ابو الوطه ونزل
ميار:عززه خبل المهم نور اكلج مكتبت شي دزيلي الملاحضات ع التلي اسرع
نور:اووك
واهنا الولد كاعد ليكدام ومحجه ولاباوع واني متعجبه منو هذا
ووصعد سيف وجايبلنه موطه وراح ذب الولد ونزل الولد وطلعنه
ميار:سيف منو هذا  الوياك
سيف:هذا صديقي وصلته لان سيارته عطلت
ميار:هااا
سيف:ليش اسألين
🌸🌸🌸
اذا شفت تفاعل اكمل😍😝
اكمل لو لا؟؟