#قصه_عاهات_وتقاليد
(في بيت في الارياف واقفه "هدي"بتغسل هدوم اهلها في طشت كبير)
★هدي بنت جميله عندها15سنه شعرها بني وعنيها خضرا عايشه مع ابوها(حسن) وامها(نوال)واخوها(محسن)في بيت في الارياف★
الام:يلا يا هدي اخوكي زمانه جاي
هدي:حاضر ياماما انا اساسا خلصت هنشر الغسيل بس
*تسمع هدي صوت تليفون امها بيرن*
هدي:ماما نمره غريبه اخرها78
الام:اه يابنتي دي نمره خالتك صفاء اكيد هتسألني عن رأيك
هدي(وهي فاهمه قصد امها بس بتستعبط) :رأيي في ايه
الام:اصل خالتك صفيه عايزاكي تتجوزي ابنها
هدي:وائل 😒ده اكبر مني ب 10سنين يا ماما
(وائل شاب عنده 25سنه وعنده اخ اسمه هشام متجوز وعنده30سنه )
الام :هرد عليها واقولها انك موافقه وبعدين هشوف صرفه معاكي
*ترد الام علي تليفونها... وتروح هدي تنشر الغسيل والدموع في عنيها*
صفاء:ايه يا نوال مبترديش ليه
نوال:مكنتش سامعه
صفاء:كلمتي هدي في الموضوع
نوال:احنا اصلا مش عارفين هتتجوز انهي عيل من عيالك
صفاء:اللي نختاره انا وانتي العيال يمشوه غصب عنهم
*تسمع هدي الكلمتين دول تنزل دموعها... ويدخل اخوها *
محسن:بتعيطي ليه
هدي:امك يا محسن عايزه تجوزني ابن خالتي صفاء
محسن :وائل ولا هشام
هدي:هما عايزين يبيعوني وخلاص مش عارفين حتي لانهي واحد فيهم بس اكيد للي يدفع اكتر
*يمشي محسن لان هو اساسا شاب طايش اهم حاجه عنده الفلوس وكمان لسه راجع من عند وائل وهشام واتفق اصلا ان هدي هتتجوز وائل لانه دفع فيها فدانين ارض ومزرعه *
هدي:مليش حد اتسند عليه.. يارب 😥😫
نوال :هدي خلاص هتتجوزي وائل ابن خالتك
هدي (وفي دماغها فكره جيده) اوك ياماما وماله اهو ابن خالتي برضه
*وتدخل اوضتها وتفكر بصوت عالي وتنسي تقفل الباب*
هدي:لو هربت مش هعرف انزل القاهره ولو فضلت في الريف مش هلاقي حد اعيش عنده وهيجيبوني ويجوزوني غصب عني ..ولو اتجوزت وائل يبقي هعيش طول حياتي نكد وكمان انا لسه صغيره
(تكمل)مفيش حل الا الهروب وانزل مصر واعيش علي الرصيف حتي متفرقش بس مش هتجوز وائل
☆يكون محسن معدي من جمب اوضتها ويسمعها ويدخل فجأه☆
محسن:عايزه تهربي هاااا ...ايامك سوده معايا ولسه ابوكي لما يعرف
هدي بهزار:كنت عارفه انك سامعني علي فكره ومقفلتش باب الاوضه وفكرت بصوت عالي عشان تسمعني عشان كنت عايزاكي تيجي الاوضه ونتكلم في موضوع الجواز ده
*محسن:عايزه ايه
هدي:هعملك عصير خفيف تشربه
*تطلع هدي بره وتدخل المطبخ تطلع شريط منوم بتاخده لما تكون قلقانه وتفضي قرصين في كوبايه محسن وقرصين في كوبايه ابوها وقرصين في كوبايه امها *
هدي:امسك يا محسن
*يشرب محسن العصير ويروح اوضته وينام علطول وتطلع هدي تشرب ماماتها العصير واول ما ابوها يجي
حسن:هدي... اعمليلي اي حاجه اشربها امك واخوكي ميتين مش نايمين
*يشرب حسن العصير وينام وتفتح هدي الدولاب وتلم هدومها وتمشي الساعه3الفجر *
*تطلع هدي علي الطريق توقف كذا عربيه تسألهم لو رايحين القاهره ياخدوها معاهم لحد ما يقف لها راجل ومعاه مراته وبنته
:تيسير(الراجل) رايحه فين يا انسه
هدي:وديني القاهره ارجوك 😭
تيسير:اركبي
*تركب هدي وتقعد جمب مرات تيسير وبنته وتحكي لمرات تيسير كل حاجه *
احلام(مرات تيسير) بصي يا هدي تيسير مسافر البلد لوالدته احسن حل تيجي تقعدي معانا ونشوفلك شقه وشغلانه في شركه تيسير وتقعدي في القاهره... انتي معاكي شهاده ايه
هدي:معايا الاعداديه... ولسه هكمل لو عشت هنا انما لو رجعت هيجوزوني
احلام:ماشي يابنتي باتي معانا انهارده وبكره هنروح نشوفلك شقه والشغل موجود في الاتيليه بتاعي (هي عندها اتيليه بتاع فساتين هي المديره بتاعته)
هدي:شكرا يا ست هانم
*في بيت هدي*
الاب(بعد ما صحي من النوم):هدي ..هدي
الام:ايه يا راجل في ايه ع الصبح
الاب:هدي فين
(يروح الاب يصحي محسن )
الاب:اختك فين
محسن:نايمه اكيد يعني
الاب:اختك مش في البيت
محسن:مش في البيت ازاي
*يقوم محسن يروح اوضه هدي يلاقي الدولاب فاضي وشنطه السفر مش موجوده ..يفتكر لما قالتله هتهرب منهم *
محسن:انا عرفت هدي فين
الاب:فين ...
★توقعاتكوا للحلقه الجايه★
#Haidy
