في قلبي ستضل

اول لقاء

ساره اقتحمت حياة رياض بدون ان يعرف  ساره  بنت داوم خامس اعدادي و هي طالبه مجتهد و عدها طموح و أخلاقها كلش حلوه و حلمها اتكون دكتوره  لكن  أوضاع بيتهم ما يسمحون للبنت تدرس بالجامعه لهذا هي ضلت تدرس و ما تفكر باي شي ثاني لان تريد اتوصل فكره لعائلتها مو كل بنت تدرس جامعه يعني هي مو زينه لهذا ما جانت  مثل باقي البنات اليفكرون بالحب و الزواج جان اهم شي تحقق حلمها. فدا يوم من الايام طلبت صديقتها منها تجي معاها على مكتبه حتى تستنخ كم شغله و فعلا راحت معاها و جانت المكتبه جديد فاتحه و التشتغل بالمكتبه ابنيه مسيحيه ما كدرت تشغل جهاز الستنساخ باعتبارهاجديده دتشتغل و الجهاز حديث فصاحت ولد يمها يشتغل هم مسيحي و بينما شغل الجهاز ضل واكف و يباوع على ساره .  وهي ابنيه  حلوه عيونها اكبر كلش و بيضه و عدها غمازات حلوه و خجوله كلش فحاولت ما تهتم بنظرات الغريبه و رجعت للمدرسه صديقتها ريم كالتلها شفتي شلون جان يباوع عليج .