في قلبي ستضل

جزء 5

و مرت أيام و طلعت النتيجه و جانت درجات ساره عاليه و هي معفيه بكم ماده و رجعت على بيت فرحانه بس ابوها ماهتم بالنتيجه و لا باركلها ساره جانت متعوده على هذا  التصرفات و تعرف ابوها ما يحبها
و خابرا ابن عمها يريد يتقدم
  و ابوها انطها بدون ما تعرف و لا يسالها .
خابرت عمتها ام ساره و كالت نحن تقدمنا لساره و نريدها
و ابوها وافق بس نحن نريد رأي ساره
ام ساره انصدمت لان ما تعرف اي شي عن الموضوع لا هي و لا ساره .
و صاحت ساره . ساره حبيبتي ابن عمج يريدج شنو رايج
ساره : تعرفين ما فكر ازوج و اريد اكمل دراستي
بس يا ساره ابوج انطاج لابن عمج
ساره: شنو دتحجين صدك و صارت تبجي
و امها ما بيدها شي بس اتحاول اتسكتها و تدري ما بيدها شي . و اجى ابوها
ها شبيها ساره تبجي
ام ساره : انت انطيتها بدون ما تسالها
اي وشكو بيها
ام ساره : انت غير تسال ساره
ليش ساره منو حتى اسالها
ساره : و هي تبجي يابا الله يخليك اني ابد ما احجي معاك و لا اطلب اي شي منك بس هالمره الله يخليك ماريد ازوج هسه.
ابوها: لعدا يمتاء و لسانج صاير طويل و جاوبين منو معلمج هذا و تنطين رايج نحن ماعدنا هيج بنت يلا كومي
ساره : يابا الله يخليك بس هالمره اني مو بنتك الوحيده .
ابوها: اني اخذت قراري و انتهى .
ساره الليل كلها تبجي و صار نص الليل اتوضت و صلاة . و كامت تدعي ( يا رب مالي غيرك ما عندي احد خلصني من هاي المشكله يا رب توكلي عليك ) و صارت الليل كلها تدعي
و صار الصبح خابرت عمتها مره ثانيه ها شنو رأي ساره
ام ساره و الله مادري شكولج اي هي موافقه .
ام ساره سوت هيج لان ماتريد مشاكل و تدري اذا كالت ساره دكول لا راح يصل الكلام لابوها و راح تصير مشاكل و هو منطيها  
كالت لعدا خلي احجي مع جنتي الجديده
ساره: الوو
ها عمه شلونج بعد انتي صرتي جنتي
ساره تحجي و هي تعبانه : اي
و اخذت الموبايل امها و كالت اي يمتاء الخطوبه
لان ماردت تحسس عمتها بشي
ساره : راحت تبجي .
و فعلا بعد أيام صارت الخطوبه .
و رجعت اداوم سادس .
اول يوم دوام شافت رياض واكف يم المدرسه . و حاولت تجاهله بس ماكدرت
رياض : هلو ساره بس دقيقه ممكن توكفين
ساره : هلا محتاج شي
رياض: شلونج شلون العطله معاج ساره اني لازم اكلج شي من زمان جان مفروض اكلج بس ردت انطيج مجال تفكرين
ساره اني احبج اكثير . و  صوت رياض و هو ديحجي يرجف و جان متوتر .
ساره : عيونها دمعة .
رياض: ها ساره اكو شي حرامات هاي العيون تبجي .
ساره : مشكوره على مشاعرك الحلوه بس اني انخطبت .و صارت تبجي .
رياض: معقوله ساره و هو ضاجه و انقهر و بصعوبه كال الله يوفقج يجوز غلطة اني لان ما حجيت معاج  و تقدمتلج بسرعه جان ما صار هيجي بس اكيد انتي فرحانه و ماريد اخرب حياتج هاي اول مره احب بس امبين مو قسمتي احب او ما عندي حظ و لان احبج راح اعوفج لان اهم شي سعادتج .
ساره : مشكوره على مشاعرك الحلوه و هي تبجي
رياض: بس ممكن اسال سوال ليش دتبجين.
ساره: الصراحه ما جنت اريد انخطب ردت اكمل دراستي
رياض: اي و هاي انتي داومين           
 ساره: اي بس ما راح يخلوني اروح لجامعه
رياض : يعني انتي بس لهذا السبب ما تريدين ابن عمج
ساره : اي لان اني عندي طموح وأهداف و احس كل اهدافي راحت على كل حال انت ما راح تفهم اشي اكثير
و بنفس الوقت ساره جانت مقهوره مو بس لخاطر دراستها بس ماتدري من شنو بعد مقهوره  و ليش مادتكدر تحب ابن عمها و هي يوميا تحاول تقنع نفسها بي .
و راحت داومت
ريم : هلو ساره من زمان ما شايفتج شلونج
ساره : الحمدلله
ريم : شو ما متحمسه للدراسه كل سنه تفرحين من يجي الدوام
ساره : ريم صار الجنت خايفه منه
ريم : شنو
ساره : انخطبت
ريم: شنو و لمنو و ليش
ساره: ابن عمي
ريم : وين احلامج يلا اكيد تحبي
ساره: المصيبه ماكدر احبه
ريم : ليش
ساره : مادري ليش
ريم : يلا وي الايام راح تحبي اكيد يخليج اداومين
ساره : لا ما يخليني
ريم : اي شنو راح سوين
ساره: وهي تبجي ريم لا تفتحين جرحي باسالتج اني تعبت من البجي و اختنكت بالبيت اجيت المدرسه اريد انسه حتى لو ساعات
ريم : حضنت ساره وصارت تبجي معاها لان تعرف ساره ما تستاهل هيجي شي و رادت تطلع من جوها العائلي .
ساره: ها هي ريم اني رضيت بالله الكتبه الي و الحمدلله
ريم : ادري بيج انتي انسانه قويه بايمانج ان شاء الله. الله يفرجها عليج .
و مرات الايام و خطيبه ساره انسان بارد و انسان متسلط
ما خلى ساره تحبها  و جانت ساره تحاول تختلق اي عذر حتى ما تسمع حجي و شروط اليريدها بعد ما يزوج
 ما يريد ساره وراء الزوج عدها موبايل و هكذا .
و مرات الايام و ساره خطوبتها عباره عن بجي لان حست كل السوتها حتى تدرس و تعيش و تطلع من الجو العائلي و التخلف ما فاده و بليل تكعد تدعي و تصلي
الى ان فدا يوم بعد ما وصلت لنهاية السنه
خطيبها قرار يفسخ الخطوبه لان يحس ساره بنت معقده و اكثير متدينها مع ان هي انسانه عاديه بس هو يريد وحده تلبس قصير