ورده

بارت 4

.....بقلم سوزان المندلاوي ....

عافتني ومشت ...
بقيت كاعدة اتوجع ..
حتى اخاف ابجي ...
كمت من الالم اعرج ...
طلعت ..ماكو احد حتى هيه ...
رحت يم المغسله غسلت.وجهي ....

هناك وطبت ...عليه ....
يلا ..
كملي الهدوم وجهه البومه انتي وامج ..
شحجي ربي ..انت دتشوف الحال ...
هزيت راسي..اي  وطبيت ..
اغسل بيهن ...
وابجي ..بس بدون صوت ..لحد ماالشهكه خنكتني ..
كملتهن ..وطلعت شريتهن ..ونزلت ..
طبعا اكو غساله ..بس متقبل اغسل بيها ...
ع الدرج لزمتني كالت سمعي ولج ...
اني جفلت ..
ماخاف من اي احد اني اذبحج واذبج بهل بلوع ..
وعمج اذا سال اكوله نهزمت ..
رحت بوستها كتلها عمه فدوة لا سمعت ولا عرفت ولا ادري ..وضربت ع حلكي اعتبريني خرسة ...
يييي عفيه ..يلا كملي شغل ..
شوية ويجون الجهال وكافي عيارة وبجي ..شسويتلج قابل ....
كتلها لا سكتت بس توجعني الحركه ..
كالت حطي طحين تبرد ..
يلا تحركي ..
رحت ع الكونية حطيت الها طحين ..
توجع يايمه توجع..

رجعت لشغلي ....كملت ولا كدرت اكل ولا واشرب ولا انام  من الخوف ولا عندي باب اقفلها وانام ...وامن ع روحي ...
من ورة الهبطه والجويه ..حسيت بليل ابرد واعرك ..
وجسمي نار ..من الصخونه ...
كمت غسلت كوة ورجعت ...
نمت ..
ثاني يوم الظاهر شافتني مريضة وشويه رحمت حالي ...
ومكعدتني ...
بس حسيت من حالي وكمت جسمي يوجعني ..
والجويه شويه المها رايح ..
كمت شفتها دتركب ..
اندارت عليه ..كالت صح النوم دنيا ظهر ...
كتلها عمه ماعرف اخذتني النومة ...
جيتج الصبح اوعي بيج نايمه وعركانه غاديه مي ..شبيج شجاج ..
مابيه شي يجوز استبردت ..
كالت يلا تريكي وكومي ع شغلج ..
ي ..
كمت سويت الي تريدة مني ..
وراها كعدت دانظف خضرة ..
جانت اكو كرويته ..خاليها ..بلمطبخ ..
هيه كاعدة..تسوي حواجبها ..تنظفهن ..
واني جواها ..
ورده ..
ها عمه ..
انتي خوما ضلين نايمه بلهول ..
وين اروح لعد ..
شبيج افتهمي وتعلج وطك بعلجها ..
المخزن ..افرغه وانطي الج ..
علوة عمة ...
هوة صح صغير بس غرفه الج..
حتى مو تكولين سميرة موزينه وياية ..
ينكص لساني اذا اكولها ..
وتلوج بحلكها ..
شكد اكرهج دخيل الله ..وبكل صلافه تعيرني باني عشكت وطلعت ...لو بيدي اشرب من دمها بس شحجي شكول ..الله لا ينطيهم ..
كالت يلا طبي طلعي غراض المخزن وذبيهن بلترك ...
ورتبي ..وخلي فراشج بي ...
طبيت للمخزن من ساعه 2طلعت بلخمسه هلكانه من الغراض الي بي والترب ورتبته صار غرفه ..
الحمدلله ...
طلعت شفت ..هذا الولد كاعد بلمطبخ ..
رجعت ..ركض صاحت تعاي تعاي ..شنو شفتي بعبع ..
خليت ربطه ع راسي وطبيت ..
كتلها عمة كملت ...
اي عفيه ..
راح اسبح غديت تراب ...
سبحي عيني ...
كتلها الجهال وين ..
يم اهلي دزيتهم خطية ضايجين ..
هذا ماغرف اسمه بس يباوع علينه عبالك بيت ابو ...
عفتهم وطلعت خفت لا تسويها صدك وتذبحني طبيت للحمام وقفلت الباب ..وسبحت بساع وطلعت ...
للغرفه مالتي ..
هناك واجتي ..
اني طالعه اجيب الجهال ..
ماوصيج ..غسلي المواعين وسوي  عشا بين مارجع ..
ماحجيت شي بس هزيت براسي ..
طلعت ا رتاحيت ...
المخزن جان ...يم باب ورة البيت ..اخر شي بلبيت بعيد ..
هيه طلعت طلعت اني ميته جوع اكلت لكمه ..وغسلت المواعين ..وكعدت احضر عشا ..رجعت واجه عمي وعشيتهم...
بس جنت استغرب عليها ليش هيج تسوي ..وي هذا الولد
وعادي وي عمي ولا كانما صاير شي ..
واني من خوفي حته بوجهه ماباوع ..اكول لا يعرف ..
ماتخاف من الله من عمي من العالم اذا درت ..
شراح يصير .....عفتها كلت اني شلي دخل ..بيها...
من يوم صارت هاي الشغله وشفتها خفت اذيتها عليه ..
صح تكفخ وترزل بس مو مثل الاول كمت احسها تخاف مني ..لا احجي ..
كامت حتى هدوم بين فترة وفترة تشتري الي ...واضمهن..بغرفتي ..
جنت يوميه اطلع البقجه واتاكد غراضي بيها ..
لحد هسة فلوس الفاتحه مال ابويه لامتها وفلوس الي امي انطتها الي هم ضامتها واللعابه ..وذهب بيبي ...
الي الكل سال عليه ومالكو ..واخر شي تهمو عمتي الصغيرة عود مقشمرة بيبي وماخذته ..ومحد يدري يمي ..
يوميه اطلعهن ..اطمئن وارجع اضمهن ..
عمي بهلفترة رزقه زاد ..وبدل المحل صارو اثنين جان عندة مطعم مال باجه بحكم منطقتنه شعبيه وكلها تحبها ...وصارت عندة سيارة سوبر حمرة تخبل ..واشترو
اثاث ..ومبردات وتبريد وتلفزيونات ..حتى جاب لجهالة اتاري ..وتلفزيون وحدهم بلغرفه ..والبيت كله تغير ..ومرت عمي نترست ذهب ..واني الي الفضاله الي تبقى ...
ماشفت ضلم مثل ضلمهم ..
مرات اصفن اكول هاي مرت عمي ..
زين عمي شبي ..مايوم سال عني وكال شي ..صح هوة ملتهي مو يوميه اشوفه بس جان ميحبني ..ع كرهه امي ..يمرهني
من كبرت عرفت ليش محد يحبها لامي ..
ابويه ازوج امي غصب عشكها واخذها ..
جانو يردون ياخذون بت عمه ..
وابويه وجدي صارت بيناتهم مشاكل ..
من ورة امي وذبو موتت جدي براس امي ..
وعرفت ابوية ليش مات ..مات منتول ..

فابويه هذا شغله كهربائيات ....
.شتغل لعالم ودنيا تمطر وانتل ومات ..
ماذكرهه زين ..بس اذكرشكله  من ميت ..
اما امي اختفت وماعرفت عنها شي بعد ..
جنت اكول يجوز جتي ..وشافتنا شايلين ومحد دلاها عنه وراحت ..
بس ماكو يمر يوم اذا ماعاتب بيها ..وابجي عليها ..بس ماكرهتها ابد لان جانت مظلومة ..
ويومية احضن اللعابة وانام اشم ريحتها بيها ...ولو ماكو ريحتها ولا صوتها ..ولا حضنها بس كمت اصبر روحي ..
اني بهل فترة طكيت بسرعه ..صرت بطول عمي وجنت مو ضعيفه متروسه شوية ..
كلما اكبر كلما مرت عمي تخنكني اكثر ..
حتى للحوش ماطلع ..
مو تخاف علية تغار ..احس بيها ..
وضلت عمتي وي هذا ..خالد ..يجيها ..
واشوفه من يطب ومن يطلع بس كامت تحبسني ومتخليني اطلع ابد بلبداية جانت تصيحني وتكعدني يمهم جبر
تسويلي شوفي ماعندي شي ويا بس سوالف ..
اني مهمني ان جان اكو شي او لا المهم اكمل شغلي ..
واكعد وي الجهال نباوع ع التلفيزيون ..
بوكتها جان اكو مسلسل اسمه عالم الست وهيبه ..
جنت كلش احبه..
والليل كله اذكرهه.واعيش القصة واحب مهدي البطل ..
وجنت اتمنى ازوجه ...
صار حلمي وسعادتي المسلسل ..
واكعد ابجي علية ..
واتابعه حتى بلاعادة ..
فديوم جرتني ..مرت عمي ..بغرفتها ...
كالت وردة اريد ازوجج ..كبرتي وصرتي شابة حلوة ..والعين عليج.......
جايتج خوش قسمه ..
اني سكتت ...
كالت ..متتعوض ..ومو غريب تعرفي ..
منو ...
.............................