منو..عمه ...
تعاي باعي شجبت الج ...
راحت للكنتور ...
واني افكر منو ...هذا ياربي ..
طلعت علاكه ....
هذا قلم حمرة ....
وهاي ..كحلة ...
وهاقطعه قماش ...
الله عمه ..يخبلني ...
اخذتها من اديها ..وضليت اكلب بيهن ...الحمرة ..وردية ..والقطعه ..هم وردي ..ازبري يخبلن ..والكحل ذهبي ..جان يسمو ابو الجرس ...
اني شبكتها وبوستها يخبلن ..عمه ...
هم كولي سميرة موزينه ويايه ...
لا عمة فدوة الج ...اروح ...
يلا ....
كومي داوديج لام محمود حتى ...
تفصل الج الثوب ...
اي عمه ركض ...
كمت بساع ..لبست عباتي ..وطلعت وياها ...
الدرب كله تحاجيني ..اني احبج ..ومثل جهالي احسبج ...
دخيلك ربي ..شغيرها ويايه ..وراحت سالفه الخطبة من بالي ....
وصلنه لدربونه ام محمود ...
دكينه الباب وطبينه ...
كعدنه ...
شوية واجت ام محمود ..
سلمت ع سميرة ..
وضلن يسولفن ...
كالت الها هاي منو بنت ..مها...
كالت الها ايي..
ولج عيني نفس روعه امها ..وعيونها وشفايفها ..
شكد حلوة
ضلت سميرة ..تعوج بحلكها ...
عيني ..ام حمزة ...ع سميرة ...
ماينطيها عمها ...
كالت لا لا محجوزة ...
المن ...
شلج بهل سوالف ..يلا اخذي قياسها ...
و فضينه وراي شغل ...
يلا عيني ...
راحت جابت فيته وكومتني ...
وضلت تقيس ...
وتشبر ...
وتكول ..حرامات شون حلوة ...
جان اخذتج لاخويه ..ضابط ..ويعيشج رغد ..
اني بس اتبلعم وابتسم شكول الها ...
حجت سميرة شوفي شغلج لا ضلين ..توزين براسها...
ييي عيني ام حمزة ..تدللين ..
خلصت يومين ..وادزها بيد الجهال ...
تشكرت منها ...
وجرتني وطلعت ..والطريق كله دردم ...
عليه وع ام محمود ...
لحد ماوصلنه البيت ...
ماحجت شي بعد ..
التهينه بشغل البيت والعشا ..
بليل ضلت الحسبه تفر براسي
منو هذا ....
معقوله اخو ام محمود الضابط ..
لا جان مكالت محجوزة ...
والمن محجوزة اني ...
شو عمامي ولدهم اصغر مني ...
ضليت حسبه جيبني وحسبة توديني
كمت خليت ..حمرة ..وكحله بعيني ..
شكد حلو لونها يخبل ...
ضليت اكبال المرايه ...
واباع ع روحي مكيفه ..
ماخفت لا مسحتهن ولا شي ...
نمت بيهن ...
ومن كعدت ثاني ..
اول مافتحت عيوني رحت شفتهن بعدهن لا ...
شفتهن رايحات .انقهرت ..رحت طلعتهن ..كلت لا ماحط هسة . .. اكمل شغلي ...
و اخلي ...
طلعت غسلت وطبيت للمطبخ ..
عمي جان من الفجر يطلع كبلنه كلنه ..وجانت سميرة تكعد ويا ...
كعدت خدرت الجاي ...
وجت سميرة ...
ضلت اتكلب ..بثلاجه كالت سوي هذني بين ماكعد الجهال ..
كملت وصحتها ...
جوي تريكو ..ودزت الجهال للمدرسه ...
بقينه اني وياها ...
كالت سويلي بعد جاي راسي يوجعني ...وضلت كاعدة ع كرويته بس ...
ضايجة ..خير ياربي ...شبيها ..
كالت ورده ..
ها عمه ...
كلت لعمج ..ع زواجج .وقبل ..
اني اداريت منو عمه ...
كالت خالد..
ياخالد ...
شنو ياخالد ابو الاسواق..
اني جفلت ..وضلت عيوني مفتوحه ...
شبيج جزعتي عينج هيج ..جنها عين الهايشة ..
عمه ..
وغمه ..شكو..
ماريدة...
ليش بله ...
ماكدر ...
صبيت جاي وجبته يمها ..
ماريدة ..شنو كوة ..
ولج ضبي السانج شتريدين مثل امج تتمعشكين وتفضحينه ..موزين كلبج خالد ...ع فضيحه امج ...
كتلها لا تحجين ع امي مسوت حرام زوجت ...
كامت عليه ..لوت ايدي..سمعي ولج ..حجايه ماسمع ...منج ..ومن لسانج الزفر ...
اخ ايدي..عوفيني بس عوفيني ..
اكسر ايدج ..واكطمهن هم ...
عافتني اني ضليت افرك بايدي توجعني ..
كعدت ..وضلت تخوط بلاستكان ..
كالت بهدوء ورده والي سماج ورده ..
اذا ماتقبلين بخالد اكول لعمج ..
شفت ورده ..وخالد ..بلفراش..
واخلي لو يذبحج ..لو يزوجج اله جبر ...
هااا شتكولين هسة ..جري عدل اريد مصلحتج ..
عمه فدوة ..اسمعي ..كعدت جوة رجلها..
زوجيني لضابط ..الي كالت عليه ام محمود وخلصي مني ...
ها عيارة عينج عليه ...
لا والله لا اعرفه ولا شي ..
ماريد خالد ...
فوكاها ..هاي هوة اكو احلى واحسن من خالد ...
موزين ..احد كلبج ع دكه امج ..وفضيحتها ...
عمه لا تحجين ع امي ...
دنجبي انجبي امي وامي وينها ..بس شافت الرجال حتى سؤال مسالت عليج ...يلا كومي ذبي لحم ع النار ...فضينه ..
جرت علج ..وخلته بحلكها ..وضلت طكطك بي ...
وانتي بكيفج بعد لو تزوجين خالد لو اكول لعمج ..
بعد هوة دائما يحذرني عليج ..يخاف لا صيرين مثل امج ..
من حضن لحضن ..من عشكها لمنذر ابوج ...وايام الدربونه والسطح ..لهذا ...ابو الكهوة ...الخايس ...
ضليت افر براسي لا بيه اكولها اي ولا اكولها لا ...
..همي يلا ..خالد جاي ...
راح اطب اسبح ..غسلي البيت ..وذبي لحم ..
خلي نسوي تشريب ..
دكومي عاد ...
دفعتني برجلها ..
وكامت ...
سبحت وتنهدمت ...ولبست ثوب ماشيفته لابسته ابد ..
وتعطرت عبالك عروس السبعه .....
واني بس اعاين عليها ...
فوكها تطعن بشرف امي ..شنو من بشر هاي حسبي الله عليها ...
بيت ابو خالد فرق بيناتنه بيتين...
تنتظر الناس تركد ببيوتها ..ويجيها لان اشوفها تروح وتجي ..ع باب الحوش ...
والجهال اول ميجون ...دزهم لبيت جدهم مو بعيد علينه فرق ..شارعين عنه ...
اجوي غدتهم ..ودزتهم ...
واني حرت بلمواعين ..اجلف بيها ...هناك ..واشوفها ..
طببت خالد ...
حتى ماحاجتني ..
ابد
شون صلافه وتريد ازوجه ..فوكاها ..
طبو للغرفه ...
بين ماكملت شغل ايدي ..
اندكت الباب ..البرة ..
مديت راسي صحت منو ..
اسمع صوت امها لسميرة ...
اني
ورده فتحي الباب ..
اني نشف دمي ..شسوي ..
ييي ييي خاله ...
شسوي ..دخت ماعرف ..
ادخل امها وتشوف مخازي بتهاا..
لا اخاف اذبها براسي ..
شسوي ياربي دخيلك ...
وللحكايه بقيه
..
