~~سوزان المندلاوي ~~~~
الطريق كله اني ساكته ..وخالد ساكت ..
اني حايرة بكلام عمتي ...
وخالد مدري شجاه ....
طبيت سلمت ..ع عمي ..وسالته متعشي ...
كال اي تعشيت ..
ياا عمي اسفه جلبو بينه وبقينه ...
لا بابا ولاهمج ..سويت جاي واكلت جبن ..
بلعافيه ..
عمو وين خالد ..
بلدكان ..مو اليوم من طلعتي اجه ابن اخويه فراس ..
يمكن متعرفي ...
لا يابه ماعرفه ..
هذا ابن اخويه ..كاظم..الي عايشين بعقوبة ..
ي
جاي يمنه ..كم يوم عندهه شغل ..
كل الهلا بي ..
يلا لعد خلي ..اسوي لكمه الكم ...
لا بابا ماريد ..سوي للولد بس ..
ماشي ..
طبيت للغرفه ذبيت ..عباتي وهدومي ..
بين مادااطلع ..
جاني خالد ..
ورده ..
نعم ..
ترة خطار يمنه ونسيت اكولج التهيت ..بعمتج ..
اي كلي بابه ..
ورده ..شنو قصدها ..عمتج ع سميرة..
ع شنو ..
مال سحورة ..
والله شمعرفني ..انت تعرفها اكثر مني ..
وعفته ومشيت بلكي الله يصحى ع روحه ...
طبيت سويت هالله قاسمه ..
ورحت ع عمي ..شفته نايم ..
ضل كلبي يوجعني شون عفته بلا عشا ..سودة عليه ..
طلعت من يمه ..
رحت داصيح خالد ..
الدكان من البيت ..
جانت اكو باب من الحديقه للدكان ..
فاني من اريد شي بس ادك الباب ..يطلعلي ..
وصلت الباب ..قبل لا ادكها ....
اسمع ..اسمي انجاب ..بلحجي ..
دنيت اذاني يم الباب ..
اسمع ..خالد ..يحجي وي واحد عني ..
يكوله انت مابيك خير ..متعرف تكسبها الك ومجلب بسميرة ..
كلبي كام يدك سريع ..عزة هذا ويامن يحجي ...
خالد يكوله ..متريدني ..ولك ..ولسانها شطوله ..
والله الصوج بيك مدري شفكرت واخذت وحده تدري ..بسميرة ..
اهو راح تضل تلوم بيه ..اني سمدريني هيج ..
بكيفك بعد اكلها وحدك افضل الك ..تعوفها وضل ع مرتك ..هم صغيرة وهم فقيرة وحلوة ..
اني دكيت الباب خفت لا يحسون عليه ..
طلعلي خالد ..
يلا كملت العشا اجيبه هنا لو تعزل ..
روحي هسة جاي ..وراج ..
ياربي ويامن يحجي وي ابن عمه ..
وليش كايل اله ع سميرة ..
ضليت حايرة ..
دقايق ..وطبو ..
اني فرشت الهم ..بلمطبخ ..
لان عمي ..ينام بلهول مايرضه ينام ..بغرفته..
طب الولد مدنج وسلم عليه رديت السلام اله ..
خالد كال هذا ابن عمي فراس ..
تذكري هوة زفنه ..
كتله اي اذكرهه ..
كعدو..اتعشو..اني خدرت الهم قوري جاي ..
وطبيت ..لغرفتي ...
عرفت الي ديحجي اله ..هذا فراس ..ابن عمه والظاهر يعرف كلشي ..
اني مركزت زين عليه ..
ولا انتبهت لشكله ...
ذبيت فراشي بلكاع ..ونمت ...
حسيت ورة شويه طب ..خالد ..
مدري شسوه ..بلغرفة ..ونام ..
ضل بس يتكلب مدري شبيه.
وخرت الغطى عن راسي..
يمه ..خرعتني ..
جان ماد راسه ..يباوع عليه ..
خرعتني شبيك يمعود..
ورده ..
صدك هاي سميره ..ام سحورة ..
والله ماعرف ..درت راسي ..خلي انام ..ليش ادوخ روحك بهل سوالف ..
درت روحي ..وغطيت راسي ..
مد ايدة ..ودغني ..ورده ورده..
نعم خالد..
كمت كعدت شبيك خايف منها ..
هذا درب مشيته عليمن خايف ..بعد ..
اني اريد اعوف ..سميرة ..ساعديني ..
وشون اساعدك ..
نزل ..كعد يمي ..ع الفراش..
ماعرف خلصيني منها ..
شبيك خالد ..شعليه اني ..
ورده اني اريدج ...
خالد كوم منا ..
شبيج ..والله اريدج ..
وراح اعوفها ..
تقرب مني..
باسني من خدي..
دفعته خالد اكعد ..
شبيج ورده انتي حلالي ..
صار بوجهي ..وظهري..ع نهايه الجربايه ..
بس سمعي ..احبج ..والله ..
اني ..ماعاد اكدر ..احجي..
ضل يبوس بيه ..من شفافي وركبتي..
كتله فدوة اروحلك وخر عني..ماريدك ماكدر اتقبلك ..
عافني ..ووخر ..عني..
محجه شي ..وصعد بفراشه ..
واني هم ..
نمت ...
كعدت الصبح متعلمه اكعد قبل الكل انظف البيت يلا اسوي الريوك ..
من زمان تعلمت ع هل الحال ..
كملت شغلي ..
وكعد فراس ..
صباح الخير ..
صباح النور ..
خالد وين ..
نايم هسه اكعدة الك ..
لا بس داسال ..
خوش ..
رحت ع عمي صبحت عليه ..وبوسته .
كتله يابه ..احضر الك الحمام. ..
تسبح ..لو ورة اليريوك ..
كلي لا خلي اسبح الاول ..
يابه ..والله اسفه البارحه عفتك بله عشا ..بعد اكمل كلشي واطلع ..
يابنيتي ليش تحجين هيج ..
براحتج طبي طلعي ..خوما نمت جوعان الله يرضه عليج
دنيا واخرة ..
يل يابه اروح احضره الك ..
حضرت اله الحمام ..وكتله طب اسبح ..
ورحت سويت الريوك ..
اعرف خالد يتاخر ..بنومته ..
كملت الريوك ..وعمي طلع ..
طبيت ع خالد كتله كوم ..اتريك ..وابن عمك يريدك ..
اي كايم ..ورد غطه وجهه ..
خالد كوم عيب الولد ينتظرك ..
عاط بيه فتهمت فتهمت ..
شبي هذا من الصبح معصب ..
كام ..ورحت وراه بين ماغسل ..كعدت وياهم داتريك ..
صاح خالد ..ورده ورده ..بصوت عالي ..
كمت ركض..
طبيت اله ..
وين التراكسود مالتي الزيتوني ..
غاسلته ..
فوك ..
جيبي ..كتله يجوز بعدة مبلل..
شو هذا ضل يعيط ويصيح اول مرة يسويها ..
اجه عمي شبيك ياابني ..ثبرت الدنيا عياط ..
علما سكت ساعه ..وجان كالب الكنتور ..
اني هم ..طلع هوة كعدت رتبته ...
لحد ماكملت ..
استحي اطلع ع الي سواه من عياط وصياح ..
لحد ماعمي صاحني طلعت ..
تعاي تريكي وردة ..
لا يابه ماريد شبعت ..
شبيج يابنتي متسوة ضوجين ...
عادي يابه ..ولا يهمك ..
ضل يحجي ويايه ..
اني هم ..ذبيت غدة ع النار وعرفت ..خالد طلع للدكان ..
وكت الظهر اكل لكمه ..
وعمي نام ..وفراس ..بلبيت ..جان جاي ..
اجه عليه خالد ..كلي امشي وديني لبيت عمج ..
ياعم ..
شبيج سميرة ..
روح انت ..
ورده لا ضوجيني ..
طببيني ورجعي..
مالي دخل روح انت ..
ورده..يلا ..
والله لا اوديك ولا اطب بيتها ..هلنكسه ..
ولا تخليني احجي ..بعد غصبا ماعليج ..
خالد لا تلح ..
ع صوتنه ..
ندكت الباب ..
خالد صاح منو ..
كال اني ..هذا فراس..
شبيكم يمعودين عمي توة نام وصوتكم عالي ..
ضل خالد يحجي عليه ..
كتلهامشي اوديك امشي عساكم انلكفتو ..تعزيتو ..
امشي ..كدرتك بس عليه ...
شو اجه هذا قريب عليه وجر شعري ..
كلي لسانج بحلكج لا والله ..اموتج بيدي ..
فراس جرة مني ..
واني ضليت احجي عليه ..
كلي اسكتي ..لا مااسكت الكل خلي تدري ..
لبست عباتي ..كتله امشي ..يلا ..امشي ..
اجه ورايه ..وفراس يكوله لا تروح ..تعال ..لا صير زمال ..
خالد ..
طلعت ..مشيت ..درت وجهي عليه ..
كتله حسبي الله ونعم الوكيل عليك ..الله ياخذ حقي منك ..
ماحجه شي دكيت الباب ..جانت مفتوحه طبيت جوة .
للمطبخ ..صار كدامي يمشي خالد ..
وطلعت سميرة ..
بدون ماسلمت ..
دفعت خالد من ظهرهه..
كتلها هاج شبعي بي ..
وطلعت بسرعه ..خفت ..لا يلزمني يسويلي ..
قبل لا اوصل للباب ..
انداريت شفت ..خالد ..
خفت منه ..فتحت الباب وطبيت جوة للبيت ..كعدت بلهول يم عمي جان نايم ..
بطبتنه طلع فراس من للغرفه ...
طب خالد للغرفه وصاح وردة تعاي...
اني اخاف لا يضربني لو يسوي شي ..
رحت للمطبخ ..
طب ورايه فراس ..كال شكو ..صار شبيكم كتله فدوة ..
روح لخالد اخاف لا يسوي بيه شي ..
والله اذا ضربني هسة افضحهم واخزيهم ..
اسكتي ورده هسة افتهم شبي ..
راح يمه واني ضليت ..بلمطبخ ..الهي روحي ..
هناك وطلعلي ..فراس ..
اجه يمي ..
كال ورده عوفي الشغل الي بايدج ..
وتعاي احاجيج ..
كتله جيت ..شطفت ايدي ..
وحت ..يمه ..
عدنه جودليات فارشيها بلكاع ..
هوة كعد من جهه الحايط ..
واني بلجهه المقابيله ..يصير الهول كدامي ..والباب ..
كال ورده ..
اسمعي مني وحسبيني اخوج الجبير ..
هزبت برلسي اي كول ..
كلي لازم تكسبين خالد ..ميصير هيج ..صار مدة مزوجين ومصار شي بيناتكم ..واللهى استحي احجي هيج بس انتي بيدج تجرين خالد من هلدرب ..التعبان ..
ربي شكوله هذا ضليت ..متحيرة استحي اردة ..
كتله صعبه مو سهله اصلا اني اكرهه ولوما الححي اني اعوفه واطلع ..اتقزز منه غير انت متعرف شسوو بيه اثنينهم ..
اعرف واني مجنت راضي ..بس مرت عمج الله يسلمها ..اكلت عقله ..
هسة المطلوب شنو مني ..
سلامتج جري خالد يمج ..وكسري سميرة ..
والله يسعدكم ويوفقكم ..
كام من يمي ..ضليت حايرة بكلامه ..ياربي شون ..
وشكد حلو اسلوبه ومقنع وشون كلام معدل ...
ضليت افكر بكلامه ..
طلعت لغرفتي ..ماكو احد خالد ..طالع للدكان هوة وفراس ..وعمي ..برة بس اني بلبيت ..
شسوي ياللهي ..مالي نفس بي واكرهه ..
وارد واكول تعلمت اني عليه خوما اضل هيح ..
كل عمري ..خلي صدك احرك كلب سميرة بي ..واقهرها ..
انتظرت لليل اريد اشوف شيححي هوة وشنو تاليتها ويا ...
وللحكايه بقيه ..
