خالد ..ارجعو الى الله ..انتم في ضلاله ..
وكل ضالآ كافر ..
ولكل كافر قصاص ..
ستصلون نارا ذات لهب ..
وضل يحجي حجي مامفهوم ..وعافنه وطلع ..
ماعرف وين راح ..
اني وفراس واحد ..صافن بوجهه الثاثني ...
كلي ...امشي ..
خله ايده ع راسه ..
طلع برة ..قفل البوب
ورد طب يفتر بلبيت
جر اسلاحه وسحب بي اقسام ..
ولك اشبيك...
ولج الطم ..اضرب ع وجهي..
شكو فراس ...
ولج هذا ارهابي ...ديكفرنا ..احتمال هسة يجي ويخرطنا ...يفحرنا
شبيك فراس ..كام يعيط هم كولي عمي ..
من انعل ابو عمي ..
ولج هاي القناصين .الي كتلت كومه شباب ..والي من منهم ابن سميرة ..والي يفجرون نفس الكلام يحجون ..
هذا عقله انغسل
هي هي .يفر بايجه
خالد من سميرة الى ارهابي..
من انحراف الى..ارهابي ..
شنو يعني ..
يعني انتمى لجهات ..تكفيريه زين بابا ..يلا كومي دامه ماكو ...
كومي لمي غراضج
وين فراس ..
الطم ع وجهي ..داكولج يلا ..حضري هدومج ..
عمي ع صوت ..فراس كام ...
خير شكو ...
ياخير عمو ..خالد..
شبي ..ارهابي ..وكفرنه كلنه ..ويحجي بلقصاص ..
عمي كعد ..
كال ..اعرف ..وادري بس شسوي ..شسوي كام يضرب ع صدرة ..
لزمته فدوة ..يابه لا يصير بيك شي ..
كال عمي وينه ..خالد ..
كتلة طلع ..
كال ..وين ..راح بهلليل ..
ماعرف ...
راح اطردهه اي فوته بلبيت ماكو اله ..
فراس كله عمو مو حل هذا ..يكدر يجي ..ترة يسويلكم مصايب ..
ويخزيكم بلمنطقه ...
اكدر ابلغ عليه ..بس ميفيد ..ماكو دلليل يومين ..ويطلع خلينه ساكتين ..مدشوف الحال ..
كله والحل شنو..فراس ..
كله نطلع منا ..
وين نروح ..
تعالو يمنه ..انت ووردة ...
كله يمكم اتعس ...
كله بس ماعدنه خالد بلبيت عمو ...
عمي كله ماطلع ..ابقى بيتي لحد ماموت ..
عمي اسمعني اذا انت متطلع ورده شنو ذنبها ..متقبل تطلع من وراك ..
سكت ..كال منا للصبح الله كريم ..
وقفلو البوب ماريد هذا النكس يطب البييت ...
بيومها محد نام ..
ضلينه كاعدين ..وعمي كل شويه ينعي ..وكابل صورة ابنه ..يكول اثنينهم ماتو ..ويعاتب بابنه ..الي مات ..
~~~~~~~~~~~~~~~~~~~~~~~
ويكوله ...تعـبت اعليك يمدلل صبرت اســنين
ردت تكـبر او من أكـبر... تباريني
فـرد مـوته متت يوليــدي وارتاحيت
وانه كل ساع اموت اوحظي..يصحيني ..
~~~~~~~~~~~~~~~~~~~~~~~
ويبجي ..الليل كله نفطر كلبنه عليه ...
كتله شفت فراس ليش ماعوفه ولا اكدر اعوفه ...
شعوفه منو اله ...لا بناته ..ولا ابنه
..
كلي اي ناخذه ويانه ..وراح اكوله ع سالفه سميرة ...
لا فدوة مو هسه ..
وردة لشوكت ..اضل انتظر ..ادري احبج بس موهيج اريد
حل ..حالي من حالج ...
ورده اذا ماعفتيهم ..ارجع لاهلي وازوج ..
ضربت ع صدري واني ..منو الي ...
ولج كافي ..مو متت من ساعه السودة الي حبيتج ..
حتى راسي شيب..
