BTS بعقلية جزائرية

واش داك تهدر

كوكي جا يجري لراب مون و يعيط
كوكي :*راااااب مون هيونغ جبتلك واحد الخبر مخك يترعد*
راب مون : *واش هو تاني*
كوكي : *نروحو لدزاير*
دار ليه جيمين : * واش راك تقول واقيل هبلت * جين : * ايه صح علاش لالا *
كوكي:* واش رايك شوغا هيونغ
شوغا:*انا معنديش مشكل وين تروحو نروح * كوكي :* شوغا هيونغ كي العادة باتاكس *
تاي :* انا نروح *
كوكي :* سمعت بلي كاين بزاف بنات شبات هيا نروحو*
راب مون *: مكاش مشكل نروحو ، بساح نسقسو قبل مدير الشركة *
مدير الشركة بعد ما قاللو كلش ماقال والو اومباعد شوكاهوم ب:*وانا كي راكوم تساقسو فيا علاش عنبالكم بلي الماكني الي قالها روحو و سايي *
كوكي قريب طار من الفرحة :* اواه غدوا نقلعو * خزر ليه راب مون تاع تسكت ولا لالا راك تشرط....
غدوا من ذاك كوكي تاعنا ناض، بكري البارح ماكنش هوبي فماك سافي اليوم عرف بلي راهوم رايحين كوكي :* ايا نوضو يا جماعة رانا روطار * جيهوب :* واش كاين راك تنوض فينا من الصباح تربي ؟؟*
جين :* ايا نوضو الفطور واجد * كوكي يخزر لجين :* يا جدك كيما نوضت بكري تنوض قبلي * جين بلطف :* كان عنبالي بلي تنوض بكري سافي نوضت وجدت كلش حتى اللبسة تاعكوم ايا نوضو * كوكي عنق جين و قالو :* ولاه ما تحشم دايمن تقسلي ليسونتيمون *
جين :* هههه *
جيمين :* واش كاين،  من كم بصح نروحو لدزاير؟* جيهوب ناض يجري :* علاه ما قولتوليش علاه؟؟  انا من ذيك نهار نستنا اكتاش نروحو لدزاير ( باين عليه) لازم نجهز روحي دايمن يقولو بلي الدزاير فيها بلايس شابين و بنات شابين تاني *
تاي :* انا في هذاك الوقت الي كونتو تهدروا انا لبست و كملت *
راب مون :* يا وحد... سمعت البنات وليت تترعد * شوغا :* هيا يا ودي،  رانا طولنا بزااف بعيد منا لدزاير خفو شويا *
المهم لبسوا و كملو و طلعوا في الطيارة و تالمو بعيدة رقدو كامل غير جين و كوكي و تاي... 
وصلو و كوكي قاعد ينوض فيهوم ..حبسوا في مطار هواري بومدين (هههه) كوكي :* و اخيرا تحت سماء الجزائر * شوغا :* اي صح شابة * راب مون :* ايا نروحو لفندق قريب * هوما يمشوا و كامل يخزر ليهوم حتى... صوت طفلة :* ااااااااا اااااااا يا يما هاذوا bts في دزاير ااااا غاحزت لكوكي :* ما كونتش غالطة هاذو نتوما bts يااااا* ،هوما ما فهموا فيها والو..  الطفلة بدات تهدر بالكورية :* اسمحولي انا واسمني مريم انا نموت عليكوم سوغتو كوكي * كوكي ولى حمر :* ساحيتي * مريم :* معليش نتصور معاكوم * كانوا يتصورا و كامل يخزروا ليهوم.. المهم ... لقاو فندق قريب من المطار بساح مساكن تشوكاو كي شافوه
امشاو في التونوبيل حتى لقاو فندق قريب الحمد لله بساح كي دخلو تشكاو، جيمين :* او هاذي هي الدزاير الي قتلتونا بيها * جيهوب :* ايا جيمين بلا تمسخير باين بلي القادم احلى باين بلي في الداخل زلة ، ايا ايا* راب مون يهدر مع مدير الفندق، مدير الفندق يهدر بالجزائرية :* ولاه ماني فاهم فيها والو * راب مون بالانجليزية :*يا ودي راني نقولك اذا عندكم شومبرا كبيرة واشبيك * مدير الفندق :* قول هكذا من الاول، خلتني حتى قريب شبت * قالها بالانجليزية راب مون يهدر مع جين :* واش كنت نقول من صباح * جين :* ههههه * مدير الفندق :* امشوا منا، بالمناسبة نتوما منين جبتوا من لا شين. (الصين اقصد ) باين يعني * كوكي مسكين بدا يضحك :* لالا من كوريا الجنوبية حنا فرقة مشهورة واسمنا bts * الخادم :* كيفاه كامل واسمكوم bts ، شوغا :* لالا ، الاسم تاع الفرقة واسمها هكذا بساح حنا كل واحد و اسمو * الخادم :* جامي سمعت بيكوم، راكوم سور بلي نتوما مشهورين * تاي :* ههههه، نتا قرر كي نديرو حفلة اذا مشهورين ولا لالا * داهوم للشومبرا، تشوكاو كثر ، صح شابة بساح هوما البانغتان و من كوريا الجنوبية مساكين شوك ، راب مون :* هاذي هي الشومبرا * الخادم :* ايه، عجباتك عنبالي * تاي :* ايه هايلة* شوغا :* هاذي هايلة!!؟؟ * جيهوب :* نورمال شوغا يامات و نروحو * الخادم :* واش تاكلو؟؟ نديرولكوم شويا صراصير ولا قطوطة ولا كلاب عندنا؟؟ * جيمين :* حنا كوريين و ماشي فيتناميين ولا شينوييين (صنيين)* الخادم :* كيفكيف المهم شناوا * البانغتان ضربوا الجبهة تاعهوم وقالو كامل :* واقيلا ما يفهمش * المهم اكلاو و شبعوا و رقدوا
غدوا من ذاك و بدينا.....
الفصل التالي غايز نتمنى تعجبكوم و اسفة على الاخطاء
الترجمة باللغة العربية غدا....... احبكم
اتمنى يعجبوكم 😍😍😍😘😘