اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
سلام عليكم حياكم الله كيفكم شخباركم 🙄 الرجوع الى الاصل فضلية و زهية المهم حكاية bon voyage هو لا كيما ينطقوها بانغتان "بون بوايجو" راح يكون التصوير في دزاير و الحلقة اللولة راح تكون في وهران عروس الغرب ملتم بانغتان تبدا مغامراتهم في دزاير و انا راح نكون التابعة تع بانغتان نجيبلكم كلش بالتفصيل 🌱💚.
و لبيت طلبكم كاين بزاف لي قالولي وهران على العين و الراس💚✨
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
الساعة 10:30 خرجوا بانغتان من الفندق و كيما علابالكم ستناو حتان شوقا يشبع رقاد تايهيونغ مزالو لابس القميص لي هداتهولو وزيرة الثقافة و على حساب السوفة مارهوش معول ينحيه المهم نخليكم مع قسرة بانغتان بيناتهم .
نامجون : السخانة يا محاينك ! جين : وين يبيعوا الكرانتيكة؟؟ جيمين : الله غالب مانيش وليد وهران ؟ هوسوك : قالك هنا فدزاير يخطفوا دراري صغار *يخزر في جونغ كوك* جونغ كوك : قول و الله . جين : جونغ كوك لي يقولك هاك الشيبس بالاك تبعوا 🙄. يونغي : هيا نركبوا فالترامواي !! على الاقل كليماتيزي . جين : راك خايف ترجع قهوة حليب خفت الشمس تحرقك ؟؟ شوقا : هي على حساب الشوفة دزاير كامل راهي شاعلة ! جين : اسمعوا هادي ! نامجون *يندب في وجهوا* : راهو بدانا بالنكت تاعو .. جين : دزاير علاش راهي سخونة هكدا ؟؟ (واحد ما جاوبوا) جين : الشمس تليشارجات لغنية تعنا تع فاير و بتعتتها لهم😂😂😂😂😂. شوقا : مايهديكش ربي و تحبس علينا هاد النكت والطرائف تاعك ؟ لوكان برك جاو يضحكوا ! جين : نتا ماعندكش حس الفكاهة ! تاي هيونغ : هيا نتقاسموا و لازم نتلاقاو في هاد لبلاصة على 17:00 .
جونغ كوك : و ملتم نروحوا عند الشاب خالد عرضنا و قالي لازم ندير كولاب انا وياك . (*.*)
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
مالا تافقوا باش يروح هوبيي و تايهيونغ ومعاهم جيمين ثلاثي المرح . و شوقا و جونغ كوك لي يموتوا على اللحم . و جين و نامجون ثنائي البحث عن الكرانتيكة .
مالا هوبي و تايهيونغ و جيمين قعدوا يدوروا و حكموا طاكسي وصلهم لعين الترك و راحوا يعوموا و ضربوا تتشبيكات و تصوروا و فطروا على الشوا و حمود بوعلام انتعاش (هيا سيدي جعت😂😂) و مبعد تايهيونغ اقترح عليهم باش يروحوا لمدينة جديدة بلاك يلقا حانوت تع الغوتشي و يصرف دراهمو راحوا للمدينة الجديدة و عجبتهم بزاف شراو كادوات و في طريقهم راجعين . نروحوا عند نامجون و جين سقساو وين تتباع الكرانتيكة حتان لقاو وين تتباع و جين كوموندا سنيوة تع الكرانتيكة ليه و نامجون قعدوا ياكلوا حتان خرجت من ودنيهم و راح عند الشاف لي طيبها و قالو علمني كيفاش نديرها (قادر جين يولي يستورد الحمص من عندنا ) و قال لنامجون : غير الكرانتيكة لي نصرعكم بيها .
و شوقا و جونغ كوك قعدوا كلاو الشوا حتان حكمتهم التخمة و راحوا يشروا عفايس يتفكروا بيهم وهران للاسف شوقا بدل رايو و قال لجونغ كوك لازم نشرولهم سوندويتشات تع الشوا يعمروا كروشهم خير .... شراو السونديتشات و قعدوا يتمشاو و يصوروا و شوقا عجباتو وهران فالليل .... و كملوا طريقهم باش يعاودوا يتلموا فالبلاصة لي نطالقوا منها .
تلاقاو بعد ماستناو جين و نامجون واقيل الكرانتيكة تقلتهم و ماقدروش يمسوا راهم كملوا سنيوة بصحتهم 😂😂💦.
مشاو لعند شاب خالد و استقبلهم احسن استقبال و شوقا لاول مرة تعجبوا حاجة بلا مايكريتيكي فيها و قعدوا حكاو و حطلهم لاتاي و كي قالهم شاب خالد جبتلكم لاتاي تاييهيونغ حسابلو راهو يعيطلوا قالو : انعم ! . و طرطقوا بالضحك و شاب خالد قالو : الله يخيلك هاهاهاهاهاها.
